2 Timoté 1:13 - Kazambale lé Sebe Sauunu 1979

¹³ Wezinnu lé maa wo paa i gi bɛ, ’i yara pa wo ta tawole ta blipale valé sɔlɛle lé i wo ye Jézu Krist va, a nya.

2 Timoté 1:13 ပူးပေါင်းရင်းမြစ်များ

Wegɔnévɔlenu 23:23

’I kwa kuli webozen ma, ’bé ye, té bé vo lo, wedɔɔle koo, wepaale koo, gikinile koo, ’i kwa kuli wo ma.

Wegɔnévɔlenu 3:18

É a mibéliyili nya munu lé wa kunwo, wozé nya, yé munu lé wo we dɔɔ, wo gi a é nanale.

Wegɔnévɔlenu 3:21

An be, té i si wepaale ’konu ma baa lo, ’i wedɔɔle valé bɔn‐in bɔrɔle tadɔ izé nya;

Wegɔnévɔlenu 4:13

We lé wa paa i gi, ’é vo i gi, té é san i gi lo; é a i bélifɛ nya amalé bé tabin.

Wegɔnévɔlenu 8:14

Weplale valé wevagyɛle a anzé nya; Gikinile lé ke an nya, plɛplɛ a anzé nya.

Rom munu 6:17

’Wo Kazambale bɔ vɔ léé, Bale lé we lé wa paa ka gi, ka alé bélidɔwe lɛdɔma ka bli faa nya, dɔlé té ka a wenyané lé luu nya é vinin.

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

Filip munu 4:9

We lé maa a paa ka gi koo, we lé ka a ye an va koo, we lé ka a ’ma an ’léé koo, we lé ka an ye a kɛlɛna koo, ’ka wo ta tawo ma. Yé mi vo drɔɔ Bale é dan kɛlɛ lɛ ka va.

Kolɔs munu 1:4

ko a ’ma léé, ka bli vo Jézu lɛ yé Kazambale lé munu faa va sɔlɛle a ka gi, azama.

1 Tɛsalɔnik munu 5:21

’Ka wenu faa va si. ’Ka kun a zin ma ma.

1 Timoté 1:10

pɛnpɛnnégyɛzannu koo, wizowe kɛlɛmunu koo, miyaawozannu koo, viéwozannu koo, munu lé woo bale ’nyɔɔn‐an vié nya koo, munu faa lé woo dɔa wepaale tegele ma koo, wo bélidɔwe kɛlɛ wo ɛ lé we ma.

1 Timoté 1:14

Yé Kaazan élé zin kiɛre kɛlɛ an lɛ yé blipale valé sɔlɛle lé é ke Jézu Krist gi, é wo vɔ an bli gi blɛn.

1 Timoté 6:3

’I we ’konu paa munu gi yé ’i we pla wo lɛ. Dé mian éé we bɛ paan munu gi, yé Kaazan Jézu Krist dére zinnu valé wepaale lé é ke Kazambale lé zi yɛrama, é ’ka wo ta tawoo lo,

2 Timoté 1:1

Maa Pɔl ɛ ke sɛbɛ ’ko gyɛna Timoté zé nya. Maa a Jézu Krist lé nwunvɔzan nya Kazambale lé blibɔmawe nya, we lé Bale a fe léé, mi éé bélié Jézu Krist gi, a fele we ma.

2 Timoté 1:14

Wezin lé maa a bɛ pa i lee, ’bé pa i ’wuo gi é zima Léli Sauun lé é ke kaa gi, a bɔle i va nya.

2 Timoté 2:2

Yé we lé bé ’ma an ta wenayemunu kiɛre yuɛ va bɛ, ’bé bɛ pa yarapawelazannu lee, munu lé woo bɔa a paale lɛ mi bɛnu gi, wo lee.

2 Timoté 3:14

Wenu lé wa paa i gi yé i dɔ wo ta bɛ, é a lé i wo kun i bɛ fié nya. Munuan bé ’ma wo ta, i wo dɔɔ.

2 Timoté 4:3

Naa, bléyi do é dan bɔ lɛ yé munu ’ka dan a nyi si lɛ léé, wo we tegele paa ’wo gi lo. Wo dan go lɛ ’wo sɔlɛwe zuo, yé wo dan mi kiɛre kiɛre si lɛ we paa ’wogizannu nya, wo sɔlɛ wenéné fele wo lɛ we gi.

Tite 1:9

é a lé é dɔ dére bozen lé wa paan munu gi bɛ, a ta; dé é a ’bɛ zo mi nya é bɔalɛ léé, é we pla munu lɛ wepaale tegele yɛrama, yé é zavɔmunu lɔlu ga.

Tite 2:1

Naa, bii, wenu lé é ke wepaale tegele yɛrama, ’i wo ɛ fe ma.

Tite 2:8

’I we fe dére zimanu lé munu ’ka bɔa a za vɔle lɛ lo, wo nya, yé mi nyanézan ’ka bɔa wenyané do kpen fele lɛ kaa ma lo, yé yara a gyɛ.

Ébrunu 10:23

Naa, mian é blivolɛdére ’ko fe, azan a yarapawelazan nya, bɛwemalé we lé kaa fe léé, kaa bli a a lɛ, kaa kun a ma kaa bɛ fié nya ma.

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

Ébrunu 4:14

Kazambale be Jézu a kaalé Balebanmunu ’lɛzan lé é go lanu gi, a nya, amalé kaa vo gligli blipale lé kaa fe léé, é a kaazé nya bɛ, a gi.

SEBE LÉ JUD A GYE (Épitre de Jude) 1:3

An béé zinnu, é sɔ an lɛ turu léé, maa sɛbɛ gyɛ ka lɛ, sile we gi lé ke kaa faa zé nya, alé we ma. Yé sin an bli a an nyununa léé, ’maa kɛlɛ, we plale ka lɛ we ma, léé, Kazambale lé we lé wa nɔ Kazambale lé munu lɛ gɔnɔ do lɛɛ faa zé nya, ’ka a ta guli dan.

Wegɔɔnle 2:25

naa, yee lé é ke ka lee, ’ka kun a ma kli fɔɔ yé an da.

Wegɔɔnle 3:11

Bé ye, an dan da lɛ é kele. Fɛ lé é ke i lee, ’i kun a ma kli, té mi do kpen ilé tɔkoro si i lee lo.

Wegɔɔnle 3:3

Amalé wean wa fe i lɛ yé bé ’ma, a sele ’é dɔ i gi ma, yé bé kɛlɛ, yé ’i bli nɔla. Dé i ’ka voo é yuɛma lo, maa dan da lɛ bélé kyeenwozan zo, yé bléyian va lé maa dan bɔra lɛ i ma fiaa i ’ka dan a gi dɔɔ lɛ lo.