2 Timoté 1:12 - Kazambale lé Sebe Sauunu 1979

¹² Amalé maa a nyané ’konu blena, naa, yara ’ka an gyɛna lo. Mi lé an bli ke a lɛ, maa azan dɔɔ, yé maa a gi dɔɔ léé, we lé maa a bɛ pa a lee, é bɔalɛ léé, é yuɛ pa a va fɔɔ yé ’bɛ yi é bɔ. Bɛwemalé yara ’ka an gya lo.

2 Timoté 1:12 ပူးပေါင်းရင်းမြစ်များ

Lɛrɛvɔ Sɛbɛ 25:2

Anlé Bale, an paan bii ɛ ta, té yara an gyɛ lo ma. Té an nyanézannu gi é nana anlé we ma lo ma.

Lɛrɛvɔ Sɛbɛ 31:5

Séli lé wa vɔ an ’lɛ, i dan an so lɛ a gi, Naa, i a an takuunzan nya.

Lɛrɛvɔ Sɛbɛ 56:9

Nɔɔnu lé maa a wo tɛrɛ la, i wo nɔnɔan; ’I an yuɛyi zén ilé kuo gi; Wolé we ’ka é gyɛle ilé sɛbɛ gi loo?

Lɛrɛvɔ Sɛbɛ 9:10

Munu lé woo yaan ’bɛnu ta, Gakelebale a ’bɛnu yɔɔna nya, É a wo yɔɔna nya wolé kle ble bléyi va.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 50:7

Naa, Mizan Gakelebale bɔ an va; Amalé an tɔ ’ka dan sɛrɛ lɛ lilo, Amalé an yara kɛlɛ plɛplɛ, Maa gi dɔɔ léé, an gi ’ka dan blin lɛ an ma lo, azama.

Ézai 54:4

Té i kana lo, naa, i gi ’ka dan blin lɛ i ma lo, Té i yuɛ é tana lo, naa, i yuɛ bɛ ’ka dan tana lɛ é dɛrɛ lo; Yara lé é i gyɛ i boronéla bléyi va, i gi é dan san lɛ ’bɛ ma, Yara lé ke i ’wuo ma, i kɛlɛle gyɛzarale nya we ma, a sele ’ka dan dɔ lɛ i gi é dɛrɛ lo.

Naum 1:7

Gakelebale a é zin, É a mivɔzizan nya klebleyi la; Munu lé woo paan a ta, é wo dɔɔ.

Matio 12:21

Yé bɛn bɛnu bli é vo a tɔ lɛ.

Matio 24:36

Mi do kpen ’ka ’bɛ yi valé ’bɛ bléyi dɔɔa lo. Lagi lanjenu valé maa Bale Be ’ka a dɔɔa lo; an Ti do kpen ɛ a dɔɔ.

Matio 7:22

Mi kiɛre é dan a fe lɛ an lɛ ’bɛ yi la léé: Anzan, anzan, ko ’ka balelawe fe lɛ i tɔ nya loo? Ko ’ka yonu si lɛ munu gi i tɔ nya loo? Ko ’ka gyɛzorowe kiɛre kɛlɛ lɛ i tɔ nya loo?

WENÉNÉ LÉ LUK A GYE (Évangile selon Luc) 10:12

’Bɛ yi nya fla ’ko zé kleblele é dan mini lɛ Sɔdɔm zé ta. Maa fe ka lɛ.

WENÉNÉ LÉ LUK A GYE (Évangile selon Luc) 23:46

Jézu siaa dére plɛplɛ nya léé: An Ti, maa an léli bɛ pa i lee. Dére ’konu fele nya lé é ga.

WENÉNÉ LE JAN A GYE (Évangile selon Jean) 17:15

Maa ’ka a fena i lɛ léé, ’i wo si tɛrɛ la lo, naa, maa a fena i lɛ léé, ’i yuɛ pa wo va Nyanézan lé we ma.

WENÉNÉ LE JAN A GYE (Évangile selon Jean) 6:44

an Ti lé é an pa zia, dé é ’ka mi sia lɛ ana lo, mi do kpen ’ka bɔa dale lɛ an va lo; naa, mian é da an va, maa dan ’bɛzan nwa lɛ gamunu va yi voélazan nya.

Kelewenu 13:46

Pɔl valé Banabas we fe wo lɛ bli ta plɛplɛ nya yé wo léma: É a lé wo Kazambale lé we fe ka lɛ é vinin. Naa, sin, ka sɔn vɔ a ma yé kabo lé we ka gyɛ léé, a yara ’ka léé, ka wɔra vole é yuɛma lé a glɛ ’ka lo, a gi lo. Amalé ko dan go lɛ bɛn bɛnu va.

Kelewenu 13:50

Naa, yarakinilomu lé wo ke Juifinu lé bazorona koo, fla mi blɛnnu koo, Juifinu wo bli nwa yé wo wo nyunu léé, ’wo nyané pa Pɔl valé Banabas ta. Yé wo wo bin wolé tɛrɛ la.

Kelewenu 21:13

Yé é a zi pa léé: Mɛ zoɛ we lé ka ke a kɛlɛna an lɛ ’koo? ’té ka wuvɔa ’té ka an bli gi kyɛ dɔaa? Dé wo an yereoo, dé an ga Jérusalɛm Mizan Jézu tɔ lé we maoo, an ma a é ’lɛrɛle é kyɛn.

Kelewenu 7:59

Bléyian va lé wa Étiɛne gyɛna gɔlɛ nya, ’té éé bazoroan a fele nya léé: Mizan Jézu, ’i an si.

Kelewenu 9:16

É dan nyané ble lɛ an tɔ ma fɛan zo, maa dan ’bɛ gɔɔn lɛ a lɛ.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

Rom munu 9:33

we lé é ke é gyɛle Bale lé sɛbɛ gi, a yɛrama; wo léé: Ka ye, maa misaangɔlɛ plaan Siɔn gɔ nwiin; Yee lé ke midiéragɔlɛ nya; Naa, mian é bli vo a lɛ, yara ’ka dan a gyɛ lɛ lo.

1 Korent munu 1:8

Yé é dan ka dɔ lɛ gligli fɔɔ yé ka bɔ a ’wuoplana, té gun é kɛlɛ ka ma Kaazan Jézu Krist dayi nya lo we ma.

1 Korent munu 3:13

Wo dan nyanamanu nagini lɛ kyɛ nya; munu faa do do lé nyanama a fɛan zo, kyɛ é dan a gi dan lɛ. Bɛwemalé webleyi nya munu lé nyanama gi é dan bɔra lɛ.

Filip munu 1:20

A zo lé wean an bli ke a lɛ, ’té maa a é pale a ta é baba bɛ, a lɛ é dan sɔɔ lɛ. Yee lé ke lé, té yara an gyɛ we do kpen ma lo. Naa, an dan Krist tɔ bɔ lɛ an kɔlɛ nya bli ta plɛplɛ nya, dé an vo é yuɛmaoo, dé an gaoo, maa dan a tɔ bɔ lɛ an kɔlɛ nya bélé fɛan zo lé maa a kɛla yifaama, a zo.

Filip munu 3:10

Maa a a va léé, maa Krist dɔɔ, yé plɛplɛ lé é Krist nwa gale va koo, nanale a va alé nyanéblelenu gi koo, maa a wo va. É sɔ an lɛ léé, an ga, bélé fɛan zo lé é ga, a zo,

Filip munu 3:21

É dan kaa kɔlɛ ple tavɔɔ lɛ, plɛplɛ lé éé fɛnu faa plaan ’é wuo a nya bɛ, yee plɛplɛ duo nya, yé é kaa kɔlɛ kɛlɛ bélé ézé kɔlɛ bile planplan zo.

Filip munu 3:8

Anzan Jézu Krist dɔɔle bozen lé we ma lé an fɛnu faa yé boafɛnu nya. É sɔ an lɛ léé, ’an Krist ye anzé nya yé an kɛlɛ a gi, aléwemalé an bli si fɛnu faa lɛ yé wa an yuɛ gi bélé bli zo.

1 Tɛsalɔnik munu 2:16

Ko a a va léé, ko we fe yolémunu lɛ wo sile we gi we ma, naa, Juifinu tun dɔ kolé wefele gi, yé wo yara pa wolé wenyané kɛlɛle ta fɔɔ yé ’bɛ lɛ sɔɔ. Naa, Kazambale bli fli wo ma.

1 Tɛsalɔnik munu 5:4

Naa, bwenu, ka ’ka gunutinu va yé ’bɛ yi ’ko é bɔ ka ma fiaa bélé kyeenwozan dale zo lo.

1 Timoté 6:20

Bé maa? Timoté, we lé wa bɛ pa i lee, ’bé pa i ’wuo gi é zima. ’I paa tɛrɛla boawe fele ma, é valé dabli wedɔɔle lé zavɔlenu ma.

2 Timoté 1:14

Wezin lé maa a bɛ pa i lee, ’bé pa i ’wuo gi é zima Léli Sauun lé é ke kaa gi, a bɔle i va nya.

2 Timoté 1:16

Mizan nyanai ’é zén Onézifɔɔ lé kɔngimunu ta ma; é an tɔrɔ paa gɔnɔ kiɛre nya, yé yara ’ka a gyɛ lɛ an yeregɔgɔbalenu lé we ma lo, azama.

2 Timoté 1:18

Amalé dé Mizan lé yi blɛn bɔ, Mizan ’é zin kɛlɛ a lɛ é nyanai zénle a ta nya ma. An mawenu lé é a kɛlɛ Éfɛz, bii ɛ gi dɔɔ é zima é mini mi bɛnu lɛ.

2 Timoté 1:8

Bɛwemalé té yara i gyɛ Kaazan lé we fele ma monomono lo; té yara i gyɛ maa alé bokɔngizan lé we ma lo. Naa, ’i nyané ble an va Wenéné lé we ma Kazambale lé plɛplɛ nya ma.

2 Timoté 2:9

An nyané ble alé we ma fɔɔ yé wo an yere bélé wenyanékɛlɛzan zo. Naa, Kazambale dére ’ka é yerele lo.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Tite 3:8

We ’ko a wegɔné nya. É sɔ an lɛ léé, i dɔ a ta tegele, té i daan a fele ma lo, léé, munu lé wo bli vo Kazambale lɛ, ’wo wezinnu kɛlɛ wo bli faa nya. We lé é ke é zima ’té munu éé tɔnɔ yé a ma, yee lé ke bɛ.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 2:18

Naa, wo Jézu gi dan, yé é nyané ble a we ma, amalé sin, munu lé wa wo gi danna, é bɔalɛ léé, é bɔ wo va.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

1 Piɛri 4:16

Naa, dé mian kle ble ’é kɛlɛle Krétiɛn nya lé we ma, té yara ’é ’bɛzan gyɛ ’bɛ we ma lo, naa, ’é Kazambale tɔ bɔ Krétiɛn tɔ lé we ma.

1 Piɛri 4:19

Amalé, munu lé wo ke kle blena Kazambale lé blibɔmale yɛrama, é a lé woboen bɛ pa Fɛkɛlɛzan lé é ke yarapawelazan nya, a lee, ’té woo wezin kɛla.

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,