2 Samuɛl 9:7 - Kazambale lé Sebe Sauunu 1979

⁷ David lé a lɛ léé: Té i kana lo; naa, maa a a va léé, an wezin kɛlɛ i lɛ i ti Jonatan lé we ma. An dan i tra Saul lé tɛrɛnu faa nɔ lɛ i lɛ é ziin, yé i dan fɛ ble lɛ yifaama anlé kɔn ’léé.

2 Samuɛl 9:7 ပူးပေါင်းရင်းမြစ်များ

Wepélisiananu 43:18

Dé wo go wo nya Jozɛfu lé kɔn gi, kana zén wo gi, yé wo léé: Gɔɔli lé wa pa kolé pulunu gi é kyɛn, alé we ma lé wo da ko nya kɔn gi, weblele ko va yé wo kle pa ko ta we ma lé; ko kɛlɛle luunu nya yé wo kolé sokofalenu si ko lee we ma lé.

Wepélisiananu 43:23

Jozɛfu leezan lé wo lɛ léé: ’Ka vo drɔɔ ma. Té ka kana we do lee lo. Kazambale lé ke ka ti lé Bale nya, yee ɛ fɛwezan nɔ ka lɛ kalé pulunu gi. An kalé gɔɔli ye. Yé é da Siméɔn nya wo lɛ.

2 Samuɛl 12:8

Maa izan lé kɔn nɔ i lɛ; yé maa izan nanu vɔ i blinii, yé maa Izraɛl valé Juda nɔ i lɛ. Yé dé ’bɛ a kɔɔn kiéné, ’té maa a taa paan é ziin.

2 Samuɛl 19:28

I i wuozan pa munu lé wo fɛ blé ilé tablé ta, wo va, dɔlé ’té ga yara a an ti lé kɔngimunu faa yara, anzan minwiinzan yuɛ gi. Amalé a se a an lɛ léé, maa mɛ fɛ laa minwiinzan lee é ziin?

2 Samuɛl 19:29

Minwiinzan lé a lɛ léé: Mɛmalé i a we kiɛre fenaa? We lé maa fe, yee lé ke ’ko: Bii valé Siba, ’ka tɛrɛnu guli.

2 Samuɛl 19:33

Minwiinzan lé Baazilai lɛ léé: ’I da an va yé maa dan i pa lɛ Jérusalɛm.

2 Samuɛl 21:7

Minwiinzan David é Saul be Jonatan be Méfibosɛt vo, Bale lé yee valé Saul be Jonatan a ’nyɔɔn wo ke lɛ Gakelebale ’lɛ, a we ma.

2 Samuɛl 9:1

David léé: Saul lé kɔngimi do vo é ziin yé maa we zin kɛlɛ a lɛ Jonatan lé we maa?

2 Samuɛl 9:10

Bii koo, i benu koo, i wuozannu koo, ’ka féi pa azé nya; yé i féifɛnu gyɛ, izan be lé fɛblele yele we ma, yé izan be Méfibosɛt é dan fɛ ble lɛ anlé kɔn ’léé yifaama. ’Té Siba benu a vu ta soru yé a wuozannu a yɔ do.

2 Samuɛl 9:11

Yé Siba lé minwiinzan lɛ léé: We faa lé anzan minwiinzan a fe é wuozan lɛ, a wuozan é dan a kɛlɛ lɛ. Yé Méfibosɛt éé fɛ blé David lé tablé ta bélé a be do zo.

2 Samuɛl 9:13

Méfibosɛt éé nyanaan Jérusalɛm, naa éé fɛ blé yifaama minwiinzan lé kɔn ’léé. Yé a gane fié a é surule.

2 Samuɛl 9:3

Yé minwiinzan léé: Saul lé kɔngimi do kpen ’ka ana é ziin yé an zin kɛlɛ a lɛ Bale lé we ma loo? Yé Siba a zi pa minwiinzan lɛ léé: Jonatan be do ana é ziin, ganesuruzan nya.

1 Minwiinzannu 2:7

’I Galaad mi Baazilai benu mawe kɛlɛ é zima, munu lé woo fɛ blé ilé tablé ta, ’wa wo vamunu nya ma; naa, wo an mawe kɛlɛ a zo, bléyian va lé an vɔ fli gi i bwe Abusalɔm lee, a bléyi va.

2 Minwiinzannu 25:29

Yé é alé bokɔn gi sɔnu tavɔɔ, yé Jojakɛn fɛ ble a va alé tɛrɛla bléyi faa gi.

Lɛrɛvɔ Sɛbɛ 41:9

Wo léé: Gawe a kun, Bé ye é yiale bɛ; é ’ka dan nwa lɛ é dɛrɛ lo.

Jérémi 52:33

Yé é alé bokɔn gi sɔnu tavɔɔ, yé Jojakɛn fɛ ble a va alé tɛrɛla bléyi faa gi.

Zakari 7:9

Lai sunyanu lé Gakelebale a fé turu léma: ’Ka we tegele kɛlɛ weboen nya, ’ka wezin kɛlɛ ka ke lɛ yé ka nyanai ’é zén ka ke ta.

Matio 6:11

’I kolé kyɔ fɛblele nɔ ko lɛ kyɔ;

WENÉNÉ LÉ LUK A GYE (Évangile selon Luc) 22:30

yé ka dan fɛ ble lɛ anlé tablé ta anlé fuatɛrɛ la, yé ka dan nyana lɛ webleblinnu ta Izraɛl lé bɛn vu ta fié lé we blele we ma.

Wegɔɔnle 3:20

Bé ye, maa a é dɔle kɔn ’léé, ’té maa duoli gya. Dé mian é an dére ’ma yé é kɔn lɛ so an lɛ, ’té maa a wɔrana a va, yé maa fɛ blé a va yé éé fɛ blé an va.

1 Samuɛl 12:24

Naa, ’ka kana Gakelebale lee ma, yé ’ka a bɔ tɔnégidrɔɔ valé ka bli faa nya ma; we plɛplɛ lé é a kɛlɛ ka méléna, ka a yé loo?

1 Samuɛl 20:15

dé an ga, dé Gakelebale i nyanézannu faa do do si tɛrɛ laoo, té ilé we zin kɛlɛle yi é ga anlé munu lɛ lo.

1 Samuɛl 22:23

’I vo an va, té i kana we do kpen lee lo, naa, mian é ke kwa kulina léé, ’é anlé tɛrɛla nyaa, yee duo ɛ ke kwa kulina léé, ’é izé nyaa; dé i a an va, ’té i ta béli a é dɔle.