2 Samuɛl 8:6 - Kazambale lé Sebe Sauunu 1979

⁶ Yé David sunyanu nyana Damas, Siri tɛrɛ la. Yé Sirimunu pla David wuo ’té woo gɔɔli banwoo a lɛ. Dé David go fɛofɛana, Gakelebale a takuun‐an.

2 Samuɛl 8:6 ပူးပေါင်းရင်းမြစ်များ

2 Samuɛl 10:19

Minwiinmunu faa lé wo ke é plale Adadézɛɛ wuo, wa ye aan wo léé, Izraɛl ’wo kele, wo yɔfalo fu nwa wo lɛ yé wo pla wo wuo. Yé é ’ka dɔ lɛ Siri munu gi léé, wo bɔ Amɔn benu va é dɛrɛ lo.

2 Samuɛl 23:14

David a guliyɔɔkɔn plɛplɛ gi, ’té Filisitinu lé sunya palu do a é nyanale Bɛtléɛm.

2 Samuɛl 3:18

’ka dɔ a nya sin; naa, Gakelebale a ma we fe léé, ’é wuozan David nya lé é dan élé munu Izraɛl si lɛ Filisitinu valé wo nyanézannu faa lee.

2 Samuɛl 5:10

David kɛlɛle blɛn gi go gyɛle nya, ’té Gakelebale, lai sunyanu lé Bale a a va.

2 Samuɛl 7:9

dé i tawo fɛofɛana, maa a i va; maa i nyanézannu kulu ga i ’lɛ, yé maa i tɔ kɛlɛ blɛn bélé tɛrɛlamunu lé mi blɛnblɛnnu tɔ zo;

2 Samuɛl 8:14

É sunya lɛ do donu nyana Édom tɛrɛ faa la. Yé Édom tɛrɛ faa pla David wuo. Gakelebale éé David takuun‐an a gona faana.

2 Samuɛl 8:2

É guli dan Moab munu va yé é wo yia tɛrɛ va yé é bawɔrɔ dan wo yiale ’léé ma; é bawɔrɔ nya fié munu gyɛ yé é bawɔrɔ nya do munu vo é yuɛma. Yé Moabnu pla David wuo, ’té woo gɔɔli banwoo a lɛ.

2 Samuɛl 8:7

Adadézɛɛ lé munu lé botakuunfɛnu lé wa kɛlɛ kyan nya, David wo si yé é go wo nya Jérusalɛm.

1 Minwiinzannu 4:21

Salomɔn pla bɛntɛrɛnu faa nwiin, é sia yuu ma fɔɔ yé é bɔ Filisitinu lé tɛrɛ la, fɔɔ yé é bɔ Éjipiti tɛrɛ glɛ la; woo dan Salomɔn blan nya yé wo pla a wuo alé tɛrɛla faa gi.

2 Minwiinzannu 1:1

Akab gale zuo, Moab nwa Izraɛl ma.

2 Minwiinzannu 14:28

Jéroboam kɛlɛwe pɔnénu koo, we faa lé é a kɛlɛ koo, we blɛnblɛn lé é a kɛlɛ guli danna koo, Damas valé Amat lé ke é plale Juda wuo, é da wo nya é ziin Izraɛl wuo fɛan zo koo, wa é gyɛle Izraɛl nwiinzan blɛnnu lé we zuo fe sɛbɛ gi.

2 Minwiinzannu 18:7

Yé Gakelebale kɛlɛ Ézékia va, yé we faa lé é a pélisia, é a ’wuo pla. É nwa Asiri nwiinzan blɛn ma, yé é ’ka pla lɛ a wuo é dɛrɛ lo.

2 Minwiinzannu 3:4

Trubɛnu a Moab minwiinzan Mésa lee, yé ’blanénu baa yɔ fié wɔlɛ vu koo, ’blagɔné baa yɔ fié wɔlɛ vu koo, wo kyɛɛ koo, Izraɛl minwiinzan éé woo sié a lee lɛnpo nya.

Minwiinzannu lé Wezuofe Sɛbɛ 18:13

É sunyanu palunu nyana Édom, yé Édom munu faa pla David wuo. Fɛ faa lé David é go ana, Gakelebale a takuun‐an ana.

2 Minwiinmunu lé Wezuofe Sɛbɛ 17:2

É ébo dɔ plɛplɛ Izraɛl ma; é sunyanu pla Juda lé fla plɛplɛnu faa ta, yé é sunya palunu pla Juda tɛrɛ la valé Éfraim lé flanu lé a ti Aza a si, wo ta.

Lɛrɛvɔ Sɛbɛ 140:7

Maa lé Gakelebale lɛ léé: Bii a anzé Bale nya. Gakelebale, ’i tɔné dɔ anlé nyanainya dérenu lɛ.

Lɛrɛvɔ Sɛbɛ 60:10

Moab a kana lé an zuruwo a gi, a nya; Maa anlé sawala vulian Édom ta; An siaan ginanale nya Filisitinu lé tɛrɛ la.

Wegɔnévɔlenu 21:31

Woo wisoo ma’lɛra gulidanyinu lé we ma, naa, Gakelebale ɛ guliwuo no mi lɛ.

1 Samuɛl 13:3

Filisitinu sunyanu palu do lé ke Géba, Jonatan bɛ mini wo lɛ, yé Filisitinu a ’ma. Saul léé, ’wo béli fɛn tɛrɛ faa la, a fele nya léé: Ébrunu, ’ka tɔné dɔ ma.

1 Samuɛl 14:1

Yi do nya Saul be Jonatan lé pɛniɛ lé é alé gulidanfɛnu kɔné sié, a lɛ léé: ’I da, ’ko go Filisitinu lé gulimabɛnna lé ke mun zia bɛ, ana. Yé é ’ka we do kpen fe lɛ é ti lɛ lo.

1 Samuɛl 14:15

Kana zén sunyanu koo, ana tɛrɛlamunu koo, Filisitinu faa koo, wo gi. Gulimabɛnna munu valé ’wii mi ta munu é ziin, kana zén wo gi yé di kini ana tɛrɛ la munu gi. É a bélé Bale lé kana lé.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.