2 Samuɛl 8:3 - Kazambale lé Sebe Sauunu 1979

³ David guli dan Tesoba nwiinzan Réob be Adadézɛɛ va, bléyian va lé ’bɛ a gona Yufrat yuu kɛlɛ lɛ ézé nya é ziin, a bléyi va.

2 Samuɛl 8:3 ပူးပေါင်းရင်းမြစ်များ

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

2 Samuɛl 10:15

Sirimunu a ye aan wo léé, Izraɛlnu ’wo kele, wo faa ’wo suni wɔra.

2 Samuɛl 10:16

Sirimunu lé wo ke yuu zi, Adadézɛɛ munu nwunvɔ wo laana léé, ’wo da; yé wo da Élama, ’té Adadézɛɛ lé sunyanu nwiinzan Sobak a wo ’lɛ.

2 Samuɛl 10:19

Minwiinmunu faa lé wo ke é plale Adadézɛɛ wuo, wa ye aan wo léé, Izraɛl ’wo kele, wo yɔfalo fu nwa wo lɛ yé wo pla wo wuo. Yé é ’ka dɔ lɛ Siri munu gi léé, wo bɔ Amɔn benu va é dɛrɛ lo.

2 Samuɛl 10:6

Amɔn munu a ye aan wo léé, ’wo gin dɔ David nyé gi, wo sunyanu laa léé, ’wo da bɔ ’wo va yé ’wo wo banwo; Bɛt‐Réob Sirimunu valé Tesoba Sirimunu lé gane la tawo sunyanu a baa vu; Maaka nwiinzan lé munu a mi wuru soru, yé Tob lé munu a mi baa suiɛdo.

2 Samuɛl 23:36

Soba mi Natan be Jigéal a do. Gad mi Bani a do.

1 Minwiinzannu 4:21

Salomɔn pla bɛntɛrɛnu faa nwiin, é sia yuu ma fɔɔ yé é bɔ Filisitinu lé tɛrɛ la, fɔɔ yé é bɔ Éjipiti tɛrɛ glɛ la; woo dan Salomɔn blan nya yé wo pla a wuo alé tɛrɛla faa gi.

Minwiinzannu lé Wezuofe Sɛbɛ 18:3

Tesoba munu nwiinzan blɛn Adadézɛɛ go Yufrat yuu si lɛ ézé nya, yé David guli dan a va Amat sɔnɔ yé é a kele.

2 Minwiinmunu lé Wezuofe Sɛbɛ 8:3

Salomɔn go guli dan lɛ Amat munu va, Tesoba vazia, yé é wolé fla si.

Lɛrɛvɔ Sɛbɛ 60:1

David lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bélidɔwe a bélé bolu lé goo zo, ’wa vɔ a va. Bale tɔbɔlɛrɛ lé David a vɔ, we paale mi gi we ma.

Lɛrɛvɔ Sɛbɛ 72:8

É dan pla lɛ munu nwiin, é sia wɛyi ’ko ma yé é bɔ a koɛ ma, É sia yuu ma yé é bɔ fɔɔ tɛrɛ glɛ sina.

Fwile 23:31

Maa dan ilé tɛrɛ glɛ dɔ lɛ, é sia Wɛyi Sɔɔn ma fɔɔ yé é bɔ Filisitinu lé wɛyi ma, yé é sia bwi ma fɔɔ yé é bɔ yuu ma; naa, maa dan ana tɛrɛlamunu pa lɛ ka lee, yé ka dan wo bin lɛ ka ’lɛ.

Bélidɔwesɛbɛ Fiézan 11:24

Fɛ faa lé ka dan ka gane zun lɛ ana, é dan kɛlɛ lɛ kazé nya; kalé tɛrɛ glɛ do é dan kɛlɛ lɛ Liban lé bwi nya, yé kalé tɛrɛ glɛ do é dan kɛlɛ lɛ Yufrat yuu nya, yé kalé tɛrɛ é dan go lɛ fɔɔ yé é bɔ wɛyi lé ke yirivɔnazia, a ma.

1 Samuɛl 14:47

Saul plale Izraɛl nwiin lɛ sɔɔ aan wo, é guli dan é nyanézannu faa va, é zi fɛfaana, Moab koo, Amɔnnu koo, Édom koo, Soba nwiinzannu koo, Filisitinu koo, woo lé; dé é yara dɔ fɛana, guliwuo vo a lɛ.