2 Samuɛl 7:23 - Kazambale lé Sebe Sauunu 1979

²³ Izraɛl lé, Bale da wo tabo lɛ, wo kɛlɛle élé munu nya we gi, wo zo bɛn do a tɛrɛ laa? I tɔ kɛlɛle blɛn lé we ma lé i gyɛzorowenu valé we blɛnblɛnnu kɛlɛ ilé tɛrɛ valé kolé we ma; munu lé i wo si Éjipiti tɛrɛ la wo kɛlɛle ilé munu nya we ma, i bɛnnu valé wolé balenu bin wo ’lɛ.

2 Samuɛl 7:23 ပူးပေါင်းရင်းမြစ်များ

2 Samuɛl 7:24

Yé i ilé munu Izraɛl dɔ gligli wo kɛlɛle ilé munu nya lɛɛfaama we ma; yé bii, oo Gakelebale, bii kinin wolé Bale nya.

Minwiinzannu lé Wezuofe Sɛbɛ 17:21

Bɛn bɛ a tɛrɛ la bélé ilé munu Izraɛl zoo? I da wo tabo lɛ, wo kɛlɛle ilé munu nya we gi, yé i tɔ nɔ ibo lɛ yé i gyɛzorowe valé we blɛnblɛnnu kɛlɛ bɛnnu binle nya ilé munu lé i wo tabo Éjipiti munu lee, wo ’lɛ. Bɛn bɛ a ’bɛ zoo?

Néémi 1:10

Wa ilé munu nya, wa i wuozannu nya, yé i wo tabo ilé plɛplɛ valé i bɛ plɛplɛ nya.

Lɛrɛvɔ Sɛbɛ 106:22

Yé é gyɛzorowenu kɛlɛ Sam tɛrɛ la, Yé é we blɛnblɛnnu kɛlɛ Wɛyi Sɔɔn sɔnɔ, wo gi san a ma.

Lɛrɛvɔ Sɛbɛ 111:9

É ’élé munu tabo, Alé gipawe a é dɔle é dɔbɛ gi lɛɛfaama; A tɔ ’lɛ a; éé kana zén‐é munu gi.

Lɛrɛvɔ Sɛbɛ 145:6

Ilé plɛplɛ lé éé nyɛ zén‐é mi gi, wo dan a glewo lɛ, Yé fɛan zo lé i ke blɛn, maa dan a zuo fe lɛ.

Lɛrɛvɔ Sɛbɛ 147:20

É ’ka ’bɛ zo wenu kɛlɛ lɛ bɛnnu faa lɛ lo, Yé wo ’ka a déretawenu dɔɔ lɛ pelo. ’Ka Gakelebale tɔ zin fe.

Lɛrɛvɔ Sɛbɛ 40:5

Mian éé paan Gakelebale ta, ’Té é ’ka nanaan boblɛnzannu valé viéwozannu va lo, azé a néné.

Lɛrɛvɔ Sɛbɛ 44:3

I bɛ nya lé i bɛnnu bin ko tranu vole wo pa gi we ma. I nyané pa migɔnɔnu ta ko tranu sɔɔlale wo pa gi we ma.

Lɛrɛvɔ Sɛbɛ 65:5

Mian bé si a va yé bé dale i va nyi sié, Léé, é nyana ilé gɔrɔ gi, azé a néné. Ilé kɔn gi fɛ zinnu é dan ko kan lɛ, Ilé kɔn sauun é dan kozé bɔ lɛ.

Lɛrɛvɔ Sɛbɛ 66:3

’Ka fe Bale lɛ léé, i panyanamanu woo kana zén‐é mi gi. Ilé plɛplɛ blɛn zama i nyanézannu éé blaané dére fé i lɛ.

Fwile 12:12

’Bɛ lé béli, maa dan gié lɛ Éjipiti tɛrɛ la, yé maa dan Éjipiti tɛrɛ la né vininnu faa gyɛ lɛ, é sia munu ma fɔɔ yé é bɔ winu ma, yé maa dan Éjipiti lé balenu lé we ble lɛ. Maa a Gakelebale nya.

Fwile 33:16

Dé maa valé ilé munu kɛlɛ mi zinnu nya i yuɛioo, dé ko ’ka kɛlɛ lɛ mi zinnu nya i yuɛi looo, dé i ’ka tawoo ko va lo, wo dan a gi dɔɔ lɛ kaa? Ilé tawole ko va lé we ma lé wo dan maa valé ilé munu dɔɔ lɛ tɛrɛlamunu faa méléna.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Fwile 9:15

Dé é a lé ’é bɛ soi kɔɔn yé é bii valé ilé munu gyɛ, ’té ka ta saan tɛrɛ la.

Fwile 9:16

Naa, é i vo ana, ilé ’élé plɛplɛ yele we gi yé wo ’é tɔ sɔɔla tɛrɛ faa la.

Jérémi 32:20

I gyɛzorowenu valé we blɛnnu kɛlɛ Éjipiti tɛrɛ la fɔɔ kyɔ, yé bé kɛlɛ Izraɛl tɛrɛla valé munu méléna. I tɔ kɛlɛ blɛn bélé fɛan zo lé é ke kyɔ, a zo.

Jérémi 32:21

Ilé munu Izraɛl si Éjipiti tɛrɛ la, gyɛzorowenu valé we blɛnblɛnnu kɛlɛle nya, i bɛ plɛplɛ soile nya, é valé kana blɛn zénle nya wo gi.

Ézékiɛl 20:9

Naa, duowo, maa we kɛlɛ an tɔ lé we ma, léé, bɛnnu lé Izraɛlnu ke é nyanale wo méléna bɛ, ’té maa wo si Éjipiti tɛrɛ la ’bɛnu yuɛ va anbo nagɔɔnle nya wo lɛ bɛ, té an tɔ é sɛrɛ ’bɛnu va lo.

Mi Nɔnɔle 6:27

’Ko zo lé wo dan an tɔ pa lɛ Izraɛlnu ta yé maa wo drɔɔ vo.

Bélidɔwesɛbɛ Fiézan 10:21

É a kalé fua nya, é a kalé Bale nya; yee ɛ we blɛnnu valé mitadanmawenu kɛlɛ ka méléna yé ka ana ye.

Bélidɔwesɛbɛ Fiézan 15:15

A sele ’é dɔ ka gi léé, ka a luu nya é vinin Éjipiti tɛrɛ la yé Gakalebale, kalé Bale ka tabo; bɛwemalé maa bélidɔwe ’ko nɔ ka lɛ kyɔ.

Bélidɔwesɛbɛ Fiézan 33:29

Izraɛl, izé a néné, de ɛ ke bélé bii zoo? Munu lé Gakelebale wo si we gi, ka lé. ’Té yee ɛ ke ka botakuunfɛ nya, ’Té yee ɛ ke ka tɔbɔgwɔun nya, de ɛ ke bélé bii zoo? Ka nyanézannu wo dan ’wo ’wuo wɔra lɛ ka gane wuo, Yé ka dan wolé gɔnwiin yobannanu zɔn lɛ ka gane nya.

Bélidɔwesɛbɛ Fiézan 9:26

An bazoro Gakelebale lɛ yé maa léé: Mizan Gakelebale, ilé munu, ilé tɔnɔfɛ lé i wo tabo ilé plɛplɛ blɛn nya, ’té i wo si Éjipiti tɛrɛ la i bɛ plɛplɛ nya bɛ, té ’i wo gyɛ lo.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Jozué 7:9

Kanaannu koo, munu faa lé ke é nyanale wolé tɛrɛ la koo, dé wa ’ma, wo dan ko zi lɛ sɔɔ lɛ, yé wo dan ko tɔ si lɛ tɛrɛ la, yé i dan a kɛlɛ lɛ kaa i tɔ blɛn lé we maa?

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;