2 Samuɛl 7:22 - Kazambale lé Sebe Sauunu 1979

²² Bale, Gakelebale, i a blɛɛn! Naa, we faa lé ko a ’mana ko tɔné gi, a yɛrama lé i bɔmazan ’ka lo, yé bale bɛ ’ka i va lo.

2 Samuɛl 7:22 ပူးပေါင်းရင်းမြစ်များ

2 Samuɛl 22:32

’Té dé é ’ka Gakelebale nya lo ’naan, de ɛ ka Bale nyaa? ’Té dé é ’ka kolé Bale nya lo ’naan, de ɛ ke gɔlɛgɔ nyaa?

1 Minwiinzannu 8:23

yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

Minwiinzannu lé Wezuofe Sɛbɛ 16:25

Naa, Gakelebale a blɛn, a tɔ zi fe yara lé é baba, É a kanamazan nya é mini balenu faa ta;

2 Minwiinmunu lé Wezuofe Sɛbɛ 2:5

Naa, kozé Bale blɛn mini balenu faa ta, amalé kɔn lé maa dan a dɔ lɛ bɛ, é a lé é kɛlɛ blɛɛn.

Lɛrɛvɔ Sɛbɛ 135:5

Maa a gi dɔɔ léé, Gakelebale a blɛn, Yé kozan a balenu faa nwiinzan nya.

Lɛrɛvɔ Sɛbɛ 145:3

Gakelebale a blɛn; a tɔ zin fele yara lé, A kɛlɛle blɛn glɛ ’ka lo.

Lɛrɛvɔ Sɛbɛ 44:1

David lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu lé lɛrɛ do lé.

Lɛrɛvɔ Sɛbɛ 48:1

Bale tɔbɔlɛrɛ do lé. Lɛrɛ lé Koré benu a vɔ, yee lé.

Lɛrɛvɔ Sɛbɛ 86:10

Naa, i a blɛn, i we blɛnblɛn kɛla, Bii do kpen, bii ɛ ke Bale nya.

Lɛrɛvɔ Sɛbɛ 86:8

Mizan, i zoɛzan ’ka balenu va lo, Yé woan woo nyanama paan i panyanama zo, ’bɛzan ’ka lo.

Lɛrɛvɔ Sɛbɛ 89:6

Oo Gakelebale, lanu i bɔ vɔa i kɛlɛwe blɛnblɛnnu lé we ma. Woo i yara pale we ta glewoo mi sauunnu lé wo zén ékeva, wo va.

Lɛrɛvɔ Sɛbɛ 89:8

Bale a kanamazan blɛn nya mi sauunnu lé wo zén ékeva, wo va, Éé kana zén‐é munu faa lé woo dirian a zi, wo gi.

Lɛrɛvɔ Sɛbɛ 96:4

Naa, Gakelebale a blɛn, a tɔ zin fe yara lé é baba, É a kanamazan nya é mini balenu faa ta;

Fwile 10:2

we lé maa kɛlɛ Éjipiti munu lɛ, é valé tɔmasenu lé maa a kɛlɛ wo méléna, yé ka wo zuo fe ka benu valé ka nénénu lɛ, ’bɛ lé we ma é ziin. Yé ka dan a gi dɔɔ lɛ léé, maa a Gakelebale nya.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 8:10

Wo wo zun dɔ, yé tɛrɛ gin dɔ.

Fwile 8:6

Faraɔn léé: Tɛlɛ. Moizi léé: É dan kɛlɛ lɛ i dére yɛrama, ilé a gi dɔɔle we gi léé, Gakelebale, kolé Bale bɔmazan ’ka lo.

Fwile 9:14

Naa, gɔnɔ do ’ko nya ’é dan ’élé dunuvɔmagyɛnu faa pa lɛ zia, bii koo, i wuozannu koo, ilé munu koo, ka ma, ilé a gi dɔɔle we gi léé, ’é bɔmazan ’ka tɛrɛ faa la lo.

Ézai 40:18

Ka dan Bale dan lɛ mi kyɛn maa? Mɛ lé i dan a gɔɔn lɛ a foto nyaa?

Ézai 40:25

Mi Sauun léma: Ka dan an dan lɛ mi kyɛn ɛ ma, yé ko bɔ a nya ékemaa?

Ézai 45:18

Gakelebale, Lanu kɛlɛzan, Bale do kpen lé É tɛrɛ kɛlɛ yé é a dɔ gligli, ’Té é a kɛlɛ léé, té ana é vo é pla bɛ lo, ’Té é a kɛlɛ léé, munu éé nyanaan a ta bɛ, yee Gakelebale léma: Maa ɛ ke Gakelebale nya, Bale bɛ do kpen ’ka ana lo.

Ézai 45:22

Ka faa lé ka ke tɛrɛ glɛ sinanu na, ’Ka nɔla an vazia yé ka dan si lɛ we gi. Naa, maa a Bale nya, yé a bɛ ’ka lo.

Ézai 45:5

Maa a Gakelebale nya, a bɛ ’ka lo, Dé é ’ka maa nya lo, Bale bɛ ’ka lo. Maa plɛplɛ nɔ i lɛ, ’té i ’ka tan an dɔɔ lɛ lo.

Ézékiɛl 36:22

Amalé, bé fe Izraɛl munu lɛ léma: Gakelebale léma: Izraɛl munu, maa ’ka we ’ko kɛlɛna ka plizi lo; an tɔ sauun lé ka a sɛrɛ bɛntɛrɛnu lé ka go wona bɛ, alé we ma lé maa a kɛlɛ.

Ézékiɛl 36:32

Mizan Gakelebale léma: Maa ’ka we ’ko kɛlɛna kalé we ma lo; ka we ’ko dɔɔ ma. Izraɛl munu, yara ’é ka gyɛ ma, yé ka yuɛ ’é tana kalé tawobɛ lé we ma ma.

Daniɛl 2:45

Gɔlɛ lé bé ye sona gɔ ma bɛ, ’té mi bɛ ’ka a ma lo, yé foliɛwɔlɛ koo, zéné koo, bɔtɛrɛ koo, gɔɔlifu koo, kyan koo, yé é wo wii bɛ, ’bɛ gi lé ke bɛ. We lé é dan bɔ lɛ ’bɛ zuo, Bale blɛn a gɔɔn minwiinzan blɛn lɛ. A nyɛ a webozen nya, yé a gifedére a tegele.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Bélidɔwesɛbɛ Fiézan 3:24

Mizan, Gakelebale, ilé blɛn valé i bɛ plɛplɛ, bé péli sia yé bé gɔɔn maa, i wuozan lɛ; dé é a lagi nyaoo, dé é a tɛrɛ la nyaoo, bale kyɛn ɛ ke ana yé é bɔalɛ é i panyanama valé i kɛlɛwe blɛnblɛn zuosonaa?

Bélidɔwesɛbɛ Fiézan 32:39

Amalé, ka gi dɔɔ léé, maa ɛ ke Bale nya, Yé bale bɛ ’ka lo; Maa ɛ mi voo é yuɛma, yé maa ɛ mi gya, Maa ɛ mi tuoan, yé maa ɛ mi bélié, Yé mi do kpen ’ka bɔa mi sile lɛ an lee lo.

Bélidɔwesɛbɛ Fiézan 4:35

Ka a we ’konu faa nayezannu nya, kalé a gi dɔɔle we gi léé, Gakelebale a Bale nya, yé bale bɛ ’ka lo.

Bélidɔwesɛbɛ Fiézan 4:39

Amalé, kyɔ ka gi dɔɔ ma, yé ’é vo ka bli gi léé, Gakelebale a Bale nya ma; é a Bale nya la gi yé é a Bale nya tɛrɛ la, bale bɛ ’ka lo.

1 Samuɛl 2:2

Mi do kpen ’ka sauun Gakelebale zo lo; Bii do kpen ɛ ke Bale nya. Kolé Bale ɛ ke gɔlɛgɔ nya é do kpen.