2 Samuɛl 7:14 - Kazambale lé Sebe Sauunu 1979

¹⁴ Maa dan kɛlɛ lɛ a ti nya yé é dan kɛlɛ lɛ an be nya. Dé é wenyané kɛlɛ, maa dan we lɛ dɔ lɛ a gi munu lé plén valé munu lé fɔlɛ nya;

2 Samuɛl 7:14 ပူးပေါင်းရင်းမြစ်များ

1 Minwiinzannu 11:34

Maa ’ka dan bɛntɛrɛ faa si lɛ a lee lo, é dan vo lɛ minwiinzan nya élé tɛrɛla faa gi, an wuozan David lé maa a si a va, ’té éé anlé bélidɔwe sɔnnénu paan, ’té éé tawoo anlé bélidɔwenu ta bɛ, alé we ma.

1 Minwiinzannu 9:6

Naa, dé ka si an va, ka valé ka benu nya, an sɔnnénu valé anlé bélidɔwenu lé maa wo fe ka lɛ, dé ka ’ka wo ta tawo lɛ lo, dé ka go bale bɛnu bɔ lɛ yé ka dia ka bli la wo ’lɛ,

Minwiinzannu lé Wezuofe Sɛbɛ 17:13

Maa dan kɛlɛ lɛ a ti nya, yé é dan kɛlɛ lɛ an be nya, yé maa ’ka dan an yuɛ si lɛ a ta, bélé fɛan zo lé maa a si mi lé ke i ’lɛ, a ta, a zo lo.

Minwiinzannu lé Wezuofe Sɛbɛ 22:10

Yee ɛ dan kɔn dɔ lɛ ’é tɔ gi. É dan kɛlɛ lɛ ’é be nya, yé ’yee ɛ dan kɛlɛ lɛ a ti nya; yé ’é dan a plale Izraɛl munu nwiin dɔ lɛ gligli lɛɛfaama. A zo lé Gakelebale a fe an lɛ.

Minwiinzannu lé Wezuofe Sɛbɛ 28:6

É lé an lɛ léé, an be Salomɔn ɛ dan ’élé kɔn valé ’élé gɔrɔnu dɔ lɛ, naa, ’é a si ’é be nya, yé ’é dan kɛlɛ lɛ a ti nya.

JOB (Job) 5:17

Mi lé Kazambale we lɛdɔ a gi, azé a néné. Dé Plɛplɛfaazan a i drɔna, té bé ye boawe nya lo.

Lɛrɛvɔ Sɛbɛ 2:7

Maa dan i dére zana dɔɔ lɛ; Gakelebale lé maa lɛ léé: I a an be nya, Maa i yaa kyɔ.

Jérémi 30:11

Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

1 Korent munu 11:32

Naa, dé Mizan kaalé we ble, ’té é we lɛdɔ ɛ wo kaa gi, léé, té wo ga dɔ kaa nwiin tɛrɛlamunu nya ékeva lo.

2 Korɛnt Munu 6:18

Yé maa dan kɛlɛ lɛ ka Ti nya, Yé ka dan kɛlɛ lɛ an benu valé an lunu nya. Yee lé Mizambale Plɛplɛfaazan a fe.

Bélidɔwesɛbɛ Fiézan 8:5

É a lé ka gi dɔɔ ka bli gi léé, Gakelebale, kalé Bale we lɛdɔ ka gi, bélé mi éé we lɛdɔa élé né gi fɛan zo, a zo.

Ébrunu 1:5

Lanjenu va lanje kyɛn lɛ lé Kazambale léé: An be lé ke i nya, Maa i yaa kyɔɔ? Yé é ziin, lanje kyɛn ma lé é a fe léé: Maa dan kɛlɛ lɛ a Ti nya, Yé é dan kɛlɛ lɛ an be nyaa?

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.