2 Samuɛl 7:13 - Kazambale lé Sebe Sauunu 1979

¹³ Yee ɛ dan kɔn dɔ lɛ an tɔ nya yé maa dan alé plale mi nwiin lé webleblin dɔ lɛ gligli.

2 Samuɛl 7:13 ပူးပေါင်းရင်းမြစ်များ

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

2 Samuɛl 22:51

Mi lé é a dɔ minwiinzan nya, éé a sié we tɔntɔn blɛnnu lee, Yé mi lé wo nyɔnɔ zén a ta, Bale nyanai éé zén‐é a ta, Maa David valé an kulunu, éé a zén‐é ko ta yifaama.

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

2 Samuɛl 7:27

Lai sunyanu lé Gakelebale, Izraɛl lé Bale, biibozen ɛ a nagɔɔn i wuozan lɛ, a fele nya léé, ’é dan i fan lɛ. Bɛwemalé i wuozan bli ta dɔ plɛplɛ ba ’ko zorole i lɛ we ma.

1 Minwiinzannu 2:24

Sin, Gakelebale lé é an dɔ gligli yé é an nyana an ti David lé webleblin ta, yé é anlé kɔn kɛlɛ kyɔ élé blikɛlɛlɛdére yɛrama, é a é yuɛma; kyɔ, Adonija é dan ga lɛ.

1 Minwiinzannu 2:4

yé we lé Gakelebale a fe an lɛ, yé a lɛ é sɔɔ. Gakelebale lé an lɛ léma: Dé i benu ’wo yuɛ pa ’wolé tawobɛ va, dé wo tawo an ’lɛ yarapalale koo, wo bli faa koo, wo léli faa koo, wo nya, i ’ka dan vuru lɛ i paizan nyanale ma Izraɛl lé webleblin ta monomono lo.

1 Minwiinzannu 2:45

Naa, minwiinzan Salomɔn drɔɔ é dan vo lɛ yé David lé webleblin é dan dɔ lɛ gligli Gakelebale yara yifaama.

1 Minwiinzannu 5:5

Bé ye, é a an gi léé, ’an kɔn dɔ Gakelebale, anlé Bale tɔ nya, Gakelebale a fe an ti David lɛ fɛan zo, a zo. É léé: I be lé maa dan a nyana lɛ i pa gi, ilé webleblin ta, yee ɛ dan kɔn dɔ lɛ an tɔ nya.

1 Minwiinzannu 6:12

dé i tawo anlé bélidɔwe yɛrama, dé i an dére tawe kɛlɛ, dé i anlé bélidɔwe sɔnnénu pa, ’té i wo ta tawoo, blikɛlɛlɛdére lé maa a fe i ti David lɛ, maa dan a lɛ sɔɔ lɛ i vazia,

1 Minwiinzannu 8:13

Yé maa, maa i nyanagikɔn dɔ; é a fɛ lé i dan nyana lɛ ana lɛɛfaama, a glɛ ’ka lo, a nya.

1 Minwiinzannu 8:15

Yé é léé: Gakelebale, Izraɛl lé Bale lé é we fe an ti David lɛ ébo ’léé, yé we lé é a fe é a lɛ sɔɔ élé plɛplɛ nya, ’wa drɔɔ vo ma. É léma:

1 Minwiinzannu 8:19

Naa, biian, i dan kɔn ’ko dɔ lɛ lo; i be lé i dan a yaa lɛ, yee ɛ dan kɔn ’ko dɔ lɛ an tɔ nya.

2 Minwiinzannu 21:4

É yobannanu dɔ Gakelebale lé kɔn gi, dɔlé ’té Gakelebale a fe léé, Jérusalɛm ta lé é dan ’é tɔ vo lɛ.

2 Minwiinzannu 21:7

Asataté miyili lé é a kɛlɛ, é a dɔra Bale lé kɔn gi; kɔn lé Bale a fe David valé é be Salomɔn lɛ alé we ma léé: Jérusalɛm lé maa a si a va Izraɛl bɛnnu faa va, ’bɛ valé kɔn ’ko, maa dan an tɔ pa lɛ wo ma yifaama, yee kɔn lé.

2 Minwiinzannu 8:19

Naa, Gakelebale wuozan David lé we ma, é ’ka a va léé, é Juda kulu ga lo, blivolɛdére lé é a fe léé, é dan kyɛbɔ nɔ lɛ a lɛ yifaama a kulunu méléna, a yɛrama.

Minwiinzannu lé Wezuofe Sɛbɛ 28:10

’É dɔ i bɔn‐in léé, Gakelebale i si a va léé, ’i kɔn dɔ ’é lɛ, ’élé fɛna sauun nya. ’I dɔ plɛplɛ, ’i we kɛlɛ.

2 Minwiinmunu lé Wezuofe Sɛbɛ 33:4

É yobannanu kɛlɛ Gakelebale lé kɔn gi, dɔlé ’té Gakelebale a fe léé, ’é tɔ é dan kɛlɛ lɛ Jérusalɛm lɛɛfaama, a glɛ ’ka lo.

2 Minwiinmunu lé Wezuofe Sɛbɛ 6:16

Sin, Gakelebale, Izraɛl lé Bale, blivolɛderé lé bé fe an ti David lɛ, ’bé tawe kɛlɛ ma. I lé a lɛ léé, é ’ka dan vuru lɛ é paizan nyanale ma Izraɛl nwiinzan blɛn lé webleblin ta ’é ’lɛ lo, ’té dé a benu é yuɛ pa wo giégane va yé wo tawo ’é ’lɛ ’élé bélidɔwe yɛrama, éé tawoo ’é ’lɛ bɛan zo, a zo. A zo lé bé fe.

JOB (Job) 36:7

É ’ka é yuɛ sié mi tegelenu ta lo, Éé wo nyanaan webleblin ta minwiinzan blɛnnu nya, Éé wo voo ana lɛɛfaama, wo kɛlɛle blɛn we ma.

Lɛrɛvɔ Sɛbɛ 72:17

A tɔ é dan kɛlɛ lɛ ana yifaama, A tɔ é dan vo lɛ ana bélé yiri mɔnle zo, A tɔ gi lé wo dan wo ke drɔɔ vo lɛ, Yé bɛnnu faa é dan a fe lɛ léé, azé a néné.

Lɛrɛvɔ Sɛbɛ 89:21

Maa an wuozan David ye; Yé an nyɔnɔ ’lɛzan zén a ta.

Lɛrɛvɔ Sɛbɛ 89:29

Maa dan anlé zin tadɔ lɛ azé nya yifaama, Yé anlé gipawe é dan vo lɛ é dɔbɛ gi yifaama.

Lɛrɛvɔ Sɛbɛ 89:4

Maa an gi pa do munu lé maa wo si a va anzé nya, wo va; Wean maa anbo ’nyɔɔn a nya an wuozan David lɛ, yee lé ke léé:

Ézai 49:8

Gakelebale léma: Zin kɛlɛ mi lɛ bléyi va, maa dan i dére ’ma lɛ, Misiéwegi yi nya, maa dan bɔ lɛ i va; Maa dan i tabin lɛ yé maa dan i dɔ lɛ maa valé munu gipadozan nya Tɛrɛ vɔle a ma we ma, Yé tɔnɔfɛnu lé wo sɛrɛ turu, i dan wo guli lɛ é ziin wozannu ma;

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Jérémi 33:17

Naa, Gakelebale léma: David kululazan lé éé nyanaan Izraɛl munu lé webleblin ta, é ’ka dan vuru lɛ a ma lilo;

Ézékiɛl 37:25

Tɛrɛ lé maa a nɔ an leezan Jakɔb lɛ, yé wo tranu nyana a ta bɛ, wo dan nyana lɛ a ta; wo koo, wolé nénu koo, wo nénénu koo, wo dan nyana lɛ a ta lɛɛfaama. Yé an leezan David é dan kɛlɛ lɛ wo nwiinzan nya yifaama.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Zakari 6:12

Bé fe a lɛ léma: Lai sunyanu lé Gakelebale léma: Bé ye, mi do lé a tɔ ke mipunla, é dan nɛɛ lɛ élé fɛna, yé é dan Gakelebale lé kɔn dɔ lɛ.

Zakari 6:13

É dan Gakelebale lé kɔn dɔ lɛ; tɔ é dan kɛlɛ lɛ a bɛ la; é dan nyana lɛ élé webleblin la yé é dan pla lɛ munu nwiin. É dan kɛlɛ lɛ Balebanzan nya élé webleblin la yé alé balebannyanama valé alé plale mi nwiin nyanama é dan tawo lɛ ékeva drɔɔ.

Matio 16:18

Yé maa lé i lɛ léé, bii a Piɛri nya, yé gɔlɛ ’ko ta lé maa dan anlé léglizi dɔ lɛ yé gamunu nyanana lé plɛplɛ ’ka dan gié lɛ a ta lo.

Ébrunu 3:3

Naa, fɛan zo lé kɔndɔzan tɔ a é bɔle é mini kɔn bozen la, a zo duo lé wa ye léé, a yara a léé, ’wo Jézu tɔ bɔ é mini Moizi zé ta.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.