2 Samuɛl 7:12 - Kazambale lé Sebe Sauunu 1979

¹² Dé ilé yinu lɛ sɔɔ yé i yi gyɛ i tinu va, mi lé é si ibo bɔn gi, i kulu nya, maa dan a nwa lɛ i zuo, yé maa dan alé plale mi nwiin dɔ lɛ gligli.

2 Samuɛl 7:12 ပူးပေါင်းရင်းမြစ်များ

Wepélisiananu 15:4

Yé Gakelebale é dére fe a lɛ léé: Mian ’bɛ é kɛla i zarablezan nya, ’bɛ ’ka ’bɛ nya lo. Mi lé i dan a yaa lɛ, yee ɛ dan kɛlɛ lɛ i zarablezan nya.

2 Samuɛl 22:51

Mi lé é a dɔ minwiinzan nya, éé a sié we tɔntɔn blɛnnu lee, Yé mi lé wo nyɔnɔ zén a ta, Bale nyanai éé zén‐é a ta, Maa David valé an kulunu, éé a zén‐é ko ta yifaama.

1 Minwiinzannu 1:21

Yé dé anzan minwiinzan yi gyɛ é tinu va, wo dan we kɛlɛ lɛ maa valé an be Salomɔn lɛ bélé weanwiinzannu zo.

1 Minwiinzannu 1:48

We lé minwiinzan a fe, yee lé ke ’ko. É léé: Gakelebale, Izraɛl lé Bale lé é an paizan nɔ an lɛ kyɔ yé é nyana anlé webleblin ta, yé é a nyi si léé, maa ana ye, ’wa drɔɔ vo ma!

1 Minwiinzannu 2:1

David gabléyi a bɔna aan wo, é dére vo é be Salomɔn va léma:

1 Minwiinzannu 2:10

David yi gyɛ é tinu va yé wa pa David lé fla.

1 Minwiinzannu 2:4

yé we lé Gakelebale a fe an lɛ, yé a lɛ é sɔɔ. Gakelebale lé an lɛ léma: Dé i benu ’wo yuɛ pa ’wolé tawobɛ va, dé wo tawo an ’lɛ yarapalale koo, wo bli faa koo, wo léli faa koo, wo nya, i ’ka dan vuru lɛ i paizan nyanale ma Izraɛl lé webleblin ta monomono lo.

1 Minwiinzannu 5:5

Bé ye, é a an gi léé, ’an kɔn dɔ Gakelebale, anlé Bale tɔ nya, Gakelebale a fe an ti David lɛ fɛan zo, a zo. É léé: I be lé maa dan a nyana lɛ i pa gi, ilé webleblin ta, yee ɛ dan kɔn dɔ lɛ an tɔ nya.

1 Minwiinzannu 8:15

Yé é léé: Gakelebale, Izraɛl lé Bale lé é we fe an ti David lɛ ébo ’léé, yé we lé é a fe é a lɛ sɔɔ élé plɛplɛ nya, ’wa drɔɔ vo ma. É léma:

1 Minwiinzannu 8:19

Naa, biian, i dan kɔn ’ko dɔ lɛ lo; i be lé i dan a yaa lɛ, yee ɛ dan kɔn ’ko dɔ lɛ an tɔ nya.

1 Minwiinzannu 8:20

Gakelebale dérean fe, é a lɛ sɔɔ. Maa nwa an ti David pa gi, yé an nyana Izraɛl minwiinzan blɛn lé blin ta, Gakelebale a fe fɛan zo, a zo, yé an kɔn ’ko dɔ Gakelebale Izraɛl lé Bale tɔ nya.

1 Minwiinzannu 9:5

maa dan ilé plale mi nwiin lé webleblin dɔ lɛ gligli Izraɛl, maa fe i ti David lɛ fɛan zo, a zo, léé, é ’ka dan vuru lɛ ’é paizan nyanale ma Izraɛl lé webleblin ta lo.

2 Minwiinzannu 8:19

Naa, Gakelebale wuozan David lé we ma, é ’ka a va léé, é Juda kulu ga lo, blivolɛdére lé é a fe léé, é dan kyɛbɔ nɔ lɛ a lɛ yifaama a kulunu méléna, a yɛrama.

Minwiinzannu lé Wezuofe Sɛbɛ 17:11

Dé ilé yinu lɛ sɔɔ yé i go i tranu va, maa dan i kulu do nwa lɛ i zuo, i be do nya, yé maa dan a kɛlɛ lɛ mununwiinzan nya.

2 Minwiinmunu lé Wezuofe Sɛbɛ 1:9

Migɔnɔ do lé wo ’léé ke kiɛre bélé vun zo, i an dɔ wo nwiinzan nya. Amalé, sin, Gakelebale, blivolɛdére lé bé fe an ti David lɛ, bé lɛ sɔɔ ma.

2 Minwiinmunu lé Wezuofe Sɛbɛ 13:5

Ka ’ka a gi dɔɔa léé, gipawe lé é ’ka sɛra lo, Gakelebale Izraɛl lé Bale a kɛlɛ David va loo? É léé, David valé é benu é dan pla lɛ Izraɛl munu nwiin lɛɛfaama.

2 Minwiinmunu lé Wezuofe Sɛbɛ 21:7

Naa, Bale valé ’é wuozan David lé gi pale do lé we ma lé Gakelebale ’ka a va léé, é David kulu ga lo; blivolɛdére lé é a fe David lɛ léé, é dan kyɛbɔ nɔ lɛ yee valé é kulunu lɛ yifaama, ’bɛ we koo, é ziin.

2 Minwiinmunu lé Wezuofe Sɛbɛ 23:3

Zén‐ékevamunu faa wo gi pa do minwiinzan blɛn va Bale lé kɔn gi. Yé Jéojada lé wo lɛ léé: Ka ye, minwiinzan blɛn be é dan pla lɛ munu nwiin, Gakelebale a fe David kulu lé we ma fɛan zo, a zo.

2 Minwiinmunu lé Wezuofe Sɛbɛ 6:15

Blivolɛdére lé bé fe an ti, i leezan David lɛ, bé tawe kɛlɛ, yé we lé bé fe i ’léé, bé lɛ sɔɔ kyɔ ilé plɛplɛ nya.

2 Minwiinmunu lé Wezuofe Sɛbɛ 6:9

Naa, biian, i dan kɔn ’ko dɔ lɛ lo; i be lé i dan a yaa lɛ, yee ɛ dan kɔn ’ko dɔ lɛ an tɔ nya.

Lɛrɛvɔ Sɛbɛ 89:29

Maa dan anlé zin tadɔ lɛ azé nya yifaama, Yé anlé gipawe é dan vo lɛ é dɔbɛ gi yifaama.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Jérémi 33:17

Naa, Gakelebale léma: David kululazan lé éé nyanaan Izraɛl munu lé webleblin ta, é ’ka dan vuru lɛ a ma lilo;

Daniɛl 12:2

Munu lé wo ke yiɛna vun gi, wo va mi kiɛre é dan vuo lɛ, vole é yuɛma lé a glɛ ’ka lo, é dan kɛlɛ lɛ wo va mi kenu zé nya; serelebole valé yaragyɛwe lé é ’ka nyaan lo, é dan kɛlɛ lɛ wo va mi kenu zé nya.

Matio 1:1

Jézu a David valé Abraam kululazan nya. Jézu Krist tranu tɔ nɔnɔle lé ke ’ko:

WENÉNÉ LÉ LUK A GYE (Évangile selon Luc) 1:32

É dan kɛlɛ lɛ blɛn yé wo dan a laa lɛ Loruzan Be, yé Mizambale é dan a tra David lé webleblin nɔ lɛ a lɛ.

WENÉNÉ LÉ LUK A GYE (Évangile selon Luc) 24:27

Yé é a pélisia Moizi valé balelayemunu lé sɛbɛnu faa gi yé ébo tawe gɔɔn wo lɛ sɛbɛnu faa gi.

Kelewenu 13:36

Naa, dé é a David zé nya, é Kazambale bɔ ’bɛlé blibɔmawe kɛlɛle nya élé tɛrɛla gi, yé é ga yé é go é tranu va yé é vɔn.

Kelewenu 2:30

É ke aan wo balelayezan nya, é a gi dɔɔ léé, Kazambale a fe ébo kunle nya léé, é dan David kululazan do nyana lɛ David lé webleblin ta.

1 Korent munu 15:51

’Ka tɔné dɔ. An weyɔɔle do fe ka lɛ: kaa faa ’ka dan ga lɛ lo, naa, wo dan kaa faa kɔlɛ tavɔɔ lɛ,

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

1 Tɛsalɔnik munu 4:14

Dé ko dɔ a ta léé, Jézu ga yé é nwa é ziin, é a lé ko dɔ a ta é ziin léé, munu lé wo ga Jézu gi, Kazambale é dan wo pa lɛ Jézu va yé é da wo nya.