2 Samuɛl 7:1 - Kazambale lé Sebe Sauunu 1979

¹ Minwiinzan a é nyanale élé kɔn gi aan wo, ’té Gakelebale flinle nɔ a lɛ, yé é a si a nyanémunu lé ke a zi, wo lee,

2 Samuɛl 7:1 ပူးပေါင်းရင်းမြစ်များ

2 Samuɛl 5:11

Tii nwiinzan Iiram munu nwunvɔ David va, yé sɛdrɛyilinu koo, yilinyaazannu koo, gɔlɛnyaazannu koo, é wo pa David lɛ zia yé wo David lé kɔn dɔ.

2 Samuɛl 6:23

Naa, Saul lu Mikal ’ka né yaa lɛ élé tɛrɛla faa gi lo, fɔɔ yé é ga a zo.

2 Samuɛl 7:11

bélé bléyian va lé maa anlé munu Izraɛl taweblezannu dɔ ’bɛ bléyi zo lo. Maa flinle nɔ i lɛ, i sile i nyanémunu lee nya. Yé Gakelebale lé i lɛ léé, ’é dan i fan lɛ.

1 Minwiinzannu 5:4

Sin, Gakelebale, anlé Bale an vo drɔɔ bɛ faa ma; an nyanézannu ’ka é dɛrɛ lo, di kinié migiwe ’ka é dɛrɛ lo.

Minwiinzannu lé Wezuofe Sɛbɛ 22:6

David é be Salomɔn laa, yé é lé a lɛ léé, ’é kɔn dɔ Gakelebale, Izraɛl lé Bale zé nya.

Minwiinzannu lé Wezuofe Sɛbɛ 22:7

David lé Salomɔn lɛ léé: An be, é a an bli gi léé, maa kɔn dɔ Gakelebale anlé Bale tɔ gi.

Minwiinzannu lé Wezuofe Sɛbɛ 28:2

Minwiinzan blɛn David dɔ loru yé é léma: Anlé munu, an bwenu, ’ka tɔné dɔ an lɛ. É a an gi léé, ’an kɔn dɔ yé ’bɛ é kɛlɛ Gakelebale lé gipawe pagikɛsu flinna valé kolé Bale gane dɔrana nya, yé maa a anbo ma’lɛrɛna a dɔle we ma.

2 Minwiinmunu lé Wezuofe Sɛbɛ 14:6

Aza lé Judanu lɛ léma: Kaa fla ’konu pa ma; kaa wo zi lɛ sɔɔ gɔrɔnu valé dɔtafɛnu nya, yé wo duolinu valé wo lɛtanfɛnu ’é kɛlɛ ma. Tɛrɛ a tan ko ’lɛ. Naa, ko Gakelebale kolé Bale nagini. Ko a nagini, yé é flinle nɔ ko lɛ bɛ faa ma. Amalé wo flanu pa, yé wolé we va gyɛ.

2 Minwiinmunu lé Wezuofe Sɛbɛ 20:30

Yé Jozafat lé tɛrɛla vo drɔɔ, yé alé Bale flinle nɔ a lɛ bɛ faa ma.

Lɛrɛvɔ Sɛbɛ 132:5

Fɔɔ ’té an fɛna ye izé nya, ’Té an bii, Jakɔb lé Mi Plɛplɛ, nyanana kɛlɛ é wo.

Lɛrɛvɔ Sɛbɛ 18:1

Gakelebale wuozan David lɛrɛ ’ko vɔle gɔɔn lɛrɛvɔmunu ’lɛzan lɛ. É lɛrɛ ’ko vɔ Gakelebale lɛ bléyian va lé Gakelebale a si a nyanézannu faa valé Saul lee. É léé:

Wegɔnévɔlenu 16:7

Dé mi giébɛ sɔ Gakelebale lɛ, dé é a a nyanézan boen nyaoo, Bale éé yee valé ’bɛ kɛla mi do.

Matio 25:16

Tɔɔn, mi lé é talan soru nɔ ’bɛ lɛ, ’bɛ go yaawo lɛ a nya yé é pa a ma talan soru.

Kelewenu 7:46

David kɛlɛ mi zin nya Kazambale yuɛ gi yé ’bɛ a laa Bale lee léé, ’é kɔn dɔa Jakɔb lé Bale zé nya;

Jozué 21:44

Gakelebale flinle nɔ wo lɛ bɛ faa ma, é a fe wo tranu lɛ ébo ’nyɔɔnle nya fɛan zo, a zo; wo nyanézan do kpen ’ka bɔa dɔle lɛ wo ma lo, yé Gakelebale wo faa pa wo lee.

Jozué 23:1

Ana mɔn Gakelebale flinle nɔ Izraɛl lɛ, a nyanézannu lé wa zi lɛ sɔɔ, a sile nya wo lee. Jozué a kwa, yé a lɛɛ kɛlɛ kiɛre.