2 Samuɛl 6:21 - Kazambale lé Sebe Sauunu 1979

²¹ David a zi pa Mikal lɛ léé: Gakelebale lé é i ti valé élé kɔn faa vo yé é an si a va an kɛlɛle Gakelebale lé munu, Izraɛl munu nwiinzan nya we gi bɛ, yee Gakelebale ’lɛ lé an ke nɛnɛ bona.

2 Samuɛl 6:21 ပူးပေါင်းရင်းမြစ်များ

2 Samuɛl 5:2

É li é kwakwa, bléyian va lé Saul a ko nwiinzan nya, ’té bii ɛ goo Izraɛl nya, ’té i dan wo nya. Gakelebale lé i lɛ léé: Bii ɛ dan fɛblele nɔ lɛ élé munu Izraɛl lɛ, yé bii ɛ dan kɛlɛ lɛ Izraɛl nwiinzan blɛn nya.

2 Samuɛl 6:14

David nɛnɛ bo élé plɛplɛ faa nya Gakelebale ’lɛ, lɛnsɔ lé wa kɛlɛ éfɔdi nya, a nya é ta.

2 Samuɛl 6:16

Gakelebale lé kɛsu bɔra David lé fla bléyian va, ’té Saul lu Mikal a naginian fɛnɛti ta, yé é minwiinzan blɛn David ye fɔrɔna, é valé nɛnɛ bona Gakelebale ’lɛ, yé é nyé yéli a ma é bli gi.

2 Samuɛl 6:22

Yé maa a a va léé, an kɛlɛ naané é mini ’bɛ la yé an kɛlɛ kiéné anbo yuɛ gi; naa, mi wuolomu lé bé fe bɛ, wo dan an tɔ bɔ lɛ.

2 Samuɛl 6:5

Lɛrɛvɔafɛ gɔnɔ faa lé wa kɛlɛ siprɛyili nya koo, kɔnɔ koo, kpélé koo, flin koo, yɔyɔ koo, kɔanu koo, David valé Izraɛl munu faa wo gyɛ Gakelebale ’lɛ.

2 Samuɛl 7:8

Sin, bé fe an wuozan David lɛ léma: Lai sunyanu lé Gakelebale léma: Maa i si bwi gi, ’blanu zuo, i kɛlɛle anlé munu Izraɛl nwiinzan nya we gi;

Minwiinzannu lé Wezuofe Sɛbɛ 15:29

Dé Gakelebale lé gipawe pagikɛsu wɔra David lé fla, ’té Saul lu Mikal a naginina fɛnɛti la; é minwiinzan blɛn David ye fɔrɔna, ’té éé nɛnɛ bo, yé é lɔlu kplililii bo a ma é bli gi.

Kelewenu 13:22

’Bɛ zuo, é ’bɛ si ana, yé é David dɔ wo nwiinzan blɛn nya, yé é ’bɛlé we fe ’ko zo léé: Mi lé an gi bli ke a gi, maa ye, Izai be David lé. É dan anlé blibɔmawe faa kɛlɛle lɛ sɔɔ lɛ.

1 Korent munu 10:31

We ’ko ma lé, dé ka a fɛ blenaoo, dé ka a fɛ mininaoo, dé ka a fɛofɛan kɛlɛnaoo, ’ka wo faa kɛlɛ Kazambale tɔbɔle we ma.

1 Samuɛl 13:14

naa, sin, i plale wo nwiin ’ka dan mɔn lɛ lo. Mi do lé é sɔ Gakelebale lɛ a bli gi, é a si a va, yé Gakelebale a dɔ élé munu nwiinzan nya; we lé Gakelebale a fe i lɛ, i ’ka a kɛlɛ lɛ lo, azama.

1 Samuɛl 15:28

Samuɛl lé a lɛ léé: Gakelebale i kɛlɛle Izraɛl nwiinzan nya se si i lee kyɔ yé é a nɔ mi bɛ lé ’bɛ ke é zima é mini bii ta, a lɛ.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.

1 Samuɛl 16:12

Yé Izai mi pa zia a laana. Naa, é a fu yé a yuɛ a é zima yé a yara a é nɔnɔmi. Gakelebale lé Samuɛl lɛ léé: ’I nwa, ’i nyɔnɔ zén a nwiin, naa, yee lé sin bɛ.