2 Samuɛl 5:7 - Kazambale lé Sebe Sauunu 1979

⁷ Naa, David fla plɛplɛ Siɔn si; David lé fla lé.

2 Samuɛl 5:7 ပူးပေါင်းရင်းမြစ်များ

2 Samuɛl 5:8

David lé ’bɛ yi la léé: Dé mian é Jébusimunu kele yé é bɔ ’yi yorona, ganesuruzannu valé yuɛwiizannu ’ko lé ke David nyanézannu nya, dé mian é wo kele . . . ’Bɛ lé we ma lé wa vɔa gɔné nya sin léé, yuɛwiizan valé ganesuruzannu ’ka dan wɔra lɛ kɔn gi lo.

2 Samuɛl 5:9

David nyana kli fla plɛplɛ ta yé é a laa David lé fla. É kɔnnu dɔ fɛfaana, Milo boen valé Milo zi.

2 Samuɛl 6:10

É ’ka a va léé, é go Gakelebale lé kɛsu nya é va David lé fla lo, amalé é go a nya Gat mi Obɛd‐Édom lé kɔn ’léé.

2 Samuɛl 6:12

Wo da a fe lɛ minwiinzan David lɛ léé: Bale lé kɛsu we ma, Gakelebale Obɛd‐Édom valé élé fɛnu faa drɔɔ vo. Yé David zi sia yé é Bale lé kɛsu si Obɛd‐Édom lé kɔn gi yé é goan David lé fla gi nanale blɛn nya.

2 Samuɛl 6:16

Gakelebale lé kɛsu bɔra David lé fla bléyian va, ’té Saul lu Mikal a naginian fɛnɛti ta, yé é minwiinzan blɛn David ye fɔrɔna, é valé nɛnɛ bona Gakelebale ’lɛ, yé é nyé yéli a ma é bli gi.

1 Minwiinzannu 2:10

David yi gyɛ é tinu va yé wa pa David lé fla.

1 Minwiinzannu 3:1

Salomɔn é gi pa do Éjipiti minwiinzan va lesile nya. É Faraɔn lu si é na nya, yé é da a nya David lé fla fɔɔ yé é nyaa élé kɔn valé Gakelebale lé kɔn dɔle nya, é valé Jérusalɛm zi gɔrɔ bole nya.

1 Minwiinzannu 8:1

Yé Izraɛl lé mi segelenu koo, bɛn faa nwiinzannu koo, Izraɛl lé guniwuonu koo, minwiinzan Salomɔn wo laa léé, ’wo zén ékeva é va Jérusalɛm, Gakelebale lé gipawe pagikɛsu lé ke David lé fla Siɔn, a sile ana we gi.

1 Minwiinzannu 9:24

Faraɔn lu si David lé fla yé é go kɔn lé Salomɔn a dɔ a lɛ, a gi. ’Bɛ zuo Salomɔn Milo pa.

Minwiinzannu lé Wezuofe Sɛbɛ 11:7

David nyana fla plɛplɛ ta, bɛwemalé wana laama David lé fla.

2 Minwiinmunu lé Wezuofe Sɛbɛ 24:16

Wa pa minwiinzannu va David lé fla. É we zin kɛlɛ Izraɛl tɛrɛ la, Gakelebale valé élé kɔn vazia, azama.

2 Minwiinmunu lé Wezuofe Sɛbɛ 5:2

’Bɛ zuo, Izraɛl lé mi segelenu koo, Izraɛl bɛn faa nwiinzannu koo, Izraɛl lé guniwuonu koo, Salomɔn wo zén ékeva Jérusalɛm, Gakelebale lé gipawe pagikɛsu lé ke David lé fla Siɔn, a sile ana we gi.

Néémi 3:15

Kol‐Ozé be Salum lé ke Misipa lé fɛna nwiinzan nya, flagɔrɔ ’léé lé wa laama ’yibɔna, é ’bɛ ma’lɛrɛ yé é ’bɛ lé duoli vɔ. É duoli ta loru lɛ tan, yé é a duoli vɔ yé é a lɛtan foliɛwɔlɛnu vɔ a ta. ’Bɛ ta loru, Siloé ’yiguru lé ke minwiinzan blɛn lé zianféi sɔnɔ, é ’bɛna gɔrɔ bo fɔɔ yé é bɔ sikalié lé é zunwo David lé fla, a ma.

Lɛrɛvɔ Sɛbɛ 132:13

Iin, Gakelebale Siɔn si ézé nya, É sɔ a lɛ léé, ’é kɛlɛ é nyanana nya.

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Lɛrɛvɔ Sɛbɛ 48:12

Siɔn gɔblɛn tamunu gi éé nanaan, Juda lé tɛrɛla blɛnnu gi éé nanaan é baba, Ilé weblelenu lé we ma.

Lɛrɛvɔ Sɛbɛ 48:3

Gɔ ’ko a é nɔnɔmi, éé tɛrɛlamunu faa gi nanaan, Siɔn gɔblɛn lé. A san do lé é ke yirinwana bɛbolazia, minwiinzan blɛn lé fla a ’bɛna.

Lɛrɛvɔ Sɛbɛ 51:18

Dé é a kɔɔn léé, i a sarakanu va, ’té maa a bo i lɛ; Naa, balebanwi lé wa kyɛ blé, é ’ka i gi nanaan lo.

Lɛrɛvɔ Sɛbɛ 87:2

Siɔn gɔrɔ ’léénu sɔ Gakelebale lɛ, É mini Jakɔb nyanananu faa ta.

Lɛrɛvɔ Sɛbɛ 9:11

Munu lé wo i tɔ dɔɔ, woo paan bii ɛ ta, Naa, munu lé woo i naginian, oo Gakelebale, I ’ka dan wo vo lɛ lo.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 59:20

Mitabozan é dan da lɛ Siɔn lé we ma. Jakɔb lé munu lé wo bli nɔla wolé wenyané ma, é dan da lɛ wolé we ma; Gakelebale ɛ fe.

Jérémi 21:13

Gakelebale léma: Maa a i ma; bii fla lé i ke é pale gɔnu worona, gɔlɛgɔ blɛn lé ke fɛna pɛblɛɛ na, a ta, ka lé ka fé léé: De ɛ dan zun lɛ ko maa? De ɛ dan wɔra lɛ ko nyananaa?

Misé 4:2

Bɛn gunu é dan go lɛ ana, yé wo dan a fe lɛ léé: ’Ka da, kaa go Gakelebale lé gɔ nwiin; Kaa go Jakɔb lé Bale lé kɔn gi, Yé é élé zi ta tawole paa kaa gi, Yé kaa tawo alé zinu ta. Naa, bélidɔwe é dan si lɛ Siɔn Yé Gakelebale dére é dan si lɛ Jérusalɛm.

Rom munu 9:33

we lé é ke é gyɛle Bale lé sɛbɛ gi, a yɛrama; wo léé: Ka ye, maa misaangɔlɛ plaan Siɔn gɔ nwiin; Yee lé ke midiéragɔlɛ nya; Naa, mian é bli vo a lɛ, yara ’ka dan a gyɛ lɛ lo.

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,

Wegɔɔnle 14:1

Maa a naginina ’té ’Blané dɔ Siɔn gɔ nwiin, ’té mi baa yɔ yaa wɔlɛ vu ta fié lé, a tɔ valé a Ti tɔ ke é gyɛle wo yarapɛla, wa a va.