2 Samuɛl 5:2 - Kazambale lé Sebe Sauunu 1979

² É li é kwakwa, bléyian va lé Saul a ko nwiinzan nya, ’té bii ɛ goo Izraɛl nya, ’té i dan wo nya. Gakelebale lé i lɛ léé: Bii ɛ dan fɛblele nɔ lɛ élé munu Izraɛl lɛ, yé bii ɛ dan kɛlɛ lɛ Izraɛl nwiinzan blɛn nya.

2 Samuɛl 5:2 ပူးပေါင်းရင်းမြစ်များ

Wepélisiananu 49:24

Naa, alé sa vo plɛplɛ, Naa, Jakɔb lé Bale plɛplɛ, Mitabinzan Bale, Izraɛl lé Gɔlɛ, A bɛ ɛ Jozɛfu bɛ dɔ plɛplɛ.

2 Samuɛl 6:21

David a zi pa Mikal lɛ léé: Gakelebale lé é i ti valé élé kɔn faa vo yé é an si a va an kɛlɛle Gakelebale lé munu, Izraɛl munu nwiinzan nya we gi bɛ, yee Gakelebale ’lɛ lé an ke nɛnɛ bona.

2 Samuɛl 7:7

Ta faa lé ko wo Izraɛl munu nya, Izraɛl munu lé maa wo dɔ léé, ’wo anlé munu Izraɛl tabin, maa fe tan do wo va mi do lɛ léé, mɛmalé ka ’ka anlé sɛdrɛyili kɔn dɔ lɛ loo?

2 Samuɛl 7:8

Sin, bé fe an wuozan David lɛ léma: Lai sunyanu lé Gakelebale léma: Maa i si bwi gi, ’blanu zuo, i kɛlɛle anlé munu Izraɛl nwiinzan nya we gi;

2 Minwiinzannu 20:5

’I diéra, bé fe anlé munu nwiinzan Ézékia lɛ léma: Gakelebale, i tra David lé Bale léma: Maa ilé bazoro dére ’ma, maa i yuɛ’yi ye. Bé ye, maa dan i béli lɛ; a yi yaazan nya i dan go lɛ Gakelebale lé kɔn gi.

Minwiinzannu lé Wezuofe Sɛbɛ 11:2

Turu é kyɛn, bléyian va lé Saul a ko nwiinzan nya, ’té bii ɛ goo Izraɛlnu nya, ’té i dan wo nya. Gakelebale, ilé Bale lé i lɛ léé: Bii ɛ dan élé munu Izraɛl pa lɛ, yé bii ɛ dan pla lɛ élé munu Izraɛl nwiin.

2 Minwiinmunu lé Wezuofe Sɛbɛ 1:10

Amalé, ’i wedɔɔle valé gikinile nɔ an lɛ, fɛan zo lé é a lé an tawo munu ’ko nwiinzan nya yé maa a dɔɔ. Naa, ilé munu kiɛre ’ko, de ɛ bɔa wolé weblele lɛɛ?

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 55:4

Maa a dɔ wenayezan nya munu lɛ, Maa a dɔ munu nwiinzan valé wo bélidɔzan nya.

Ézékiɛl 34:23

Maa dan wo pa lɛ wo pazan do kpen lee, yee lé ke an leezan David nya. Yee ɛ dan wo pa lɛ, yé é dan kɛlɛ lɛ wo pazan nya.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Mi Nɔnɔle 27:17

’té éé goo, ’té éé dan wo yuɛ va, ’té éé goo wo nya, ’té éé dan wo nya, léé, té Gakelebale lé munu é vo bélé ’blanu lé wo tabinzan ’ka lo, wo zo lo.

Matio 2:6

Yé bii Bɛtléɛm, Juda tɛrɛ la, I tɔ ’ka kiéné Juda fla blɛnnu méléna lo. Naa, bii ta lé wo dan minwiinzan yaa lɛ, Yee ɛ dan fɛblele nɔ lɛ anlé munu Izraɛl lɛ.

WENÉNÉ LE JAN A GYE (Évangile selon Jean) 10:11

Maa a ’blatabinzan zima nya. ’Blatabinzan zima éé gaan ’élé ’blanu ta.

Ébrunu 2:10

Naa, Kazambale lé, fɛnu faa ke azé nya, ’té é wo faa kɛlɛ bɛ, é sɔ a lɛ léé, mi kiɛre ’é kɛlɛ ’é benu nya yé ’é wo kɛlɛ fua nya, yé é a é zima léé, mi lé é wo béliwe bɔra bɛ, Kazambale ’é gun si a ma alé nyanéblele nya.

1 Samuɛl 13:14

naa, sin, i plale wo nwiin ’ka dan mɔn lɛ lo. Mi do lé é sɔ Gakelebale lɛ a bli gi, é a si a va, yé Gakelebale a dɔ élé munu nwiinzan nya; we lé Gakelebale a fe i lɛ, i ’ka a kɛlɛ lɛ lo, azama.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.

1 Samuɛl 18:13

É David si é ma baa, yé é a kɛlɛ mi wuru soru zilɛzan nya. David éé goo ’té éé dan munu zilɛzan nya.

1 Samuɛl 18:16

naa, David sɔ Izraɛl valé Juda faa lɛ, éé goo ’té éé dan wo zilɛzan nya, azama.

1 Samuɛl 18:5

Dé Saul a nwunvɔ fɛofɛana David éé goo ana yé é a kɛlɛle lɛ sɔɔan. Saul a dɔ gulidanmunu zilɛzan nya, yé é sɔ munu faa lɛ, dé é a Saul wuozannu nyaoo.

1 Samuɛl 25:28

Ilé zanté, ’i wuo le ma we vo, naa, Gakelebale é dan anzan lé kɔn dɔ lɛ gligli; ilé zanté, naa, anzan Gakelebale lé gulinu daan, yé wo ’ka dan we ple ye lɛ i gi monomono lo.

1 Samuɛl 25:30

Weboen faa lé Gakelebale a fe i lɛ, dé Gakelebale a faa lɛ sɔɔ anzan lɛ, yé é i pla Izraɛl nwiin,

1 Samuɛl 9:16

Tɛlɛ, yiri ’ko nya, maa dan Bɛnjamɛn mi do pa lɛ i lɛ zia, yé i dan nyɔnɔ zén lɛ a nwiin anlé munu Izraɛl nwiinzan nya. É dan anlé munu si lɛ Filisitinu lee; naa, anlé munu lé siaale bɔ an va, amalé an yuɛ vɔ wo ta.