2 Samuɛl 3:3 - Kazambale lé Sebe Sauunu 1979

³ a fiézan lé ke Nabal na Kaamɛl le Abigail be Kiléab nya; a yaazan lé ke Gésuu nwiinzan Talmai lu Maaka be Abusalɔm nya;

2 Samuɛl 3:3 ပူးပေါင်းရင်းမြစ်များ

2 Samuɛl 13:1

’Bɛ zuo, we lé é bɔ, yee lo. David be Abusalɔm zuané do ana le nya. É a é nɔnɔmi yé wa tɔ laama Tamaa; é sɔ David be Aminɔn lɛ.

2 Samuɛl 14:23

Yé Joab nwa, yé é go Gésuu yé é da Abusalɔm nya Jérusalɛm.

2 Samuɛl 14:24

Naa, minwiinzan léé: ’É go élé kɔn ’léé ma, té ’é an yara ye lo ma. Yé Abusalɔm go élé kɔn ’léé yé é ’ka minwiinzan yara ye lɛ lo.

2 Samuɛl 14:32

Abusalɔm a zi pa Joab lɛ léé: Bé ye, maa i laa léé, ’i da ’ko, yé maa i pa zia minwiinzan va ilé a fele a lɛ we gi léé, mɛmalé an si Gésuu? A fila vɔ kɔɔn léé, an vo ana mi. Sin, maa a a va léé, maa minwiinzan yara ye; yé dé wenyané a an gi, ’é an gyɛ yé ’an ga.

2 Samuɛl 15:7

Lɛɛ ziɛn nyaale zuo Abusalɔm lé minwiinzan blɛn lɛ léé: ’I zi nɔ an lɛ ’an go Ébrɔn anlé Gakelebale kunle lɛ sɔɔle we ma.

2 Samuɛl 15:8

Naa, bléyian va lé maa i wuozan a Gésuu, Siri tɛrɛ la, an bale kun; maa léé, dé Gakelebale da an nya é ziin Jérusalɛma, an dan Gakelebale lé nyanama pa lɛ.

2 Samuɛl 18:33

Yé dunu zén minwiinzan ta yé é go kɔn lé ke flagɔrɔ ’léé ta loru, a gi, ’té éé wuvɔa, ’té éé a fé léé: An bi Abusalɔm! An beoo an be Abusalɔm! Maa ɛnɔ kɔɔn gaan i pa gi. Abusalɔm, an beoo, an be!

2 Samuɛl 2:2

David go ana, é na fié nya é va, Jizréɛl le Akinoam valé Nabal na Kaamɛl le Abigail, wo lé.

1 Minwiinzannu 1:6

A ti ’ka we pla lɛ a lɛ alé tɛrɛla faa gi, léé, mɛmalé i ’bɛ kɛlaa? lo. Yé é ziin, Adonija a é nɔnɔmi é baba yé wa yaa Abusalɔm zuo.

1 Minwiinzannu 2:15

’Bɛ lé a lɛ léé: Bé fe. Yé é léé: Bé gi dɔɔ léé, kɛlɛle minwiinzan se a anzé nya yé Izraɛl munu faa yuɛ a an lɛ léé, ’an pla wo nwiin. Naa, kɛlɛle minwiinzan nya se nɔla yé é kɛlɛ an zuané zé nya, Gakelebale a nɔ a lɛ, azama.

Minwiinzannu lé Wezuofe Sɛbɛ 3:1

David benu lé é wo yaa Ébrɔn, wo lé ke ’ko: Alé né vininzan Aminɔn, Jizréɛl le Akinoam ɛ yaa; a fiézan Daniɛl, Kaamɛl le Abigail ɛ yaa;

Minwiinzannu lé Wezuofe Sɛbɛ 3:2

a yaazan Abusalɔm, Gésuu nwiinzan Talmai lu Maaka ɛ yaa; a ziɛnzan Adonija, Agit ɛ yaa;

Bélidɔwesɛbɛ Fiézan 3:14

Manasé be Jaii Aagɔb tɛrɛ faa si fɔɔ yé é bɔ Gésuunu valé Maakatinu lé tɛrɛ glɛ la, yé é ’ébo tɔ pa Bazan tɛrɛ la flanu ma, yé wo wo laan Jaii lé flanu fɔɔ kyɔ.

Jozué 13:13

Naa, Izraɛlnu ’ka Gésuunu valé Maakatinu bin lɛ lo, yé wa é nyanale Izraɛl munu méléna fɔɔ kyɔ yi nya.

1 Samuɛl 25:3

Wo mi ’ko laama Nabal, yé wa na laama Abigail; ’wuoata le lé, yé é a é nɔnɔmi é yara ma, naa gɔnézan a bli tɔntɔnzan nya yé é a é naané é kɛlɛwe faa gi. Kalɛb kululazan lé.

1 Samuɛl 25:42

Tɔɔn, Abigail zi sia, ’té é a sokofale punu, yé blɛnnu soru go a pa lɛ; é go David lé nwunvɔmunu zuo yé é kinin a na nya.

1 Samuɛl 27:8

David valé élé munu nwa yé wo go guli wɛɛ lɛ Gésuunu koo, Giizinu koo, Amalɛknu koo, wo va; naa bɛnnu ’ko a turu é kyɛn tɛrɛ ’ko la, é sia Sure bɛ do la fɔɔ yé é bɔ Éjipiti tɛrɛ la.