2 Samuɛl 24:17 - Kazambale lé Sebe Sauunu 1979

¹⁷ David lanje ye, ’té éé munu gya yé é lé Gakelebale lɛ léé: Bé ye, maa ɛ wenyané kɛlɛ. We a maa ɛ nwiin; naa, ’blanu ’ko, mɛ lé wa kɛlɛɛ? ’I bɛ kɛlɛ maa valé an ti lé kɔngimunu ta ma.

2 Samuɛl 24:17 ပူးပေါင်းရင်းမြစ်များ

Wepélisiananu 18:23

Abraam bié yé é léé: I dan mi tegele gyɛ lɛ zamaga nya mi nyané vaa?

Wepélisiananu 44:33

Amalé, ilé zanté. ’An vo né pa gi anzan lé luu nya ma. Yé nézan valé é bwenu ’é go ma.

2 Samuɛl 12:13

David lé Natan lɛ léé: Maa wenyané kɛlɛ Gakelebale ma! Yé Natan lé David lɛ léé: Gakelebale i ma we vo, i ’ka dan ga lɛ lo.

2 Samuɛl 24:10

David bli kyɛ dɔ munu nɔnɔle zuo. Yé é lé Gakelebale lɛ léé: ’Bɛ kɛlɛle nya lé an wenyané blɛn kɛlɛ. Sin, Gakelebale, ’i yara nɔla an ta yé ’i i wuozan lé weple ma zanté nyi si, naa, an ’tugyɛwe kɛlɛ tegele!

2 Samuɛl 7:8

Sin, bé fe an wuozan David lɛ léma: Lai sunyanu lé Gakelebale léma: Maa i si bwi gi, ’blanu zuo, i kɛlɛle anlé munu Izraɛl nwiinzan nya we gi;

1 Minwiinzannu 22:17

Misé a zi pa léé: Maa Izraɛlnu faa ye é nwɛɛnle gɔnu ma bélé ’blanu lé wo tabinzannu ’ka lo, wo zo, yé Gakelebale léé: Munu ’ko, wozan ’ka lo; wo faa do do ’é nɔla drɔɔ ’wolé kɔn ’léé ma.

JOB (Job) 42:6

Amalé anbo gyɛ we nya yé an bli nɔla Vungoi valé kyɛyee zénle nya an ta.

JOB (Job) 7:20

Munutabinzan, dé an wenyané kɛlɛ, mɛ lé ’bɛ a kɛlɛ i lɛɛ? Mɛmalé i an pa léé, i an gyɛɛ? Mɛmalé an kɛlɛ kɔné nya anbo nwiin?

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Lɛrɛvɔ Sɛbɛ 44:11

Bé kɛlɛ léé, ko vo vlan buruna ko nyanézannu lee, ’Té ko zapamunu éé kolé fɛnu sié.

Lɛrɛvɔ Sɛbɛ 74:1

Azafa lé Bale tɔbɔlɛrɛ lé. Oo Bale, mɛmalé i sɔn vɔa an ma yifaamaa? Mɛmalé i bli éé flian ilé wi lé lu blena trubɛ maa?

Lɛrɛvɔ Sɛbɛ 78:71

É a si ’blanu lé wo nyɔ no ’wolé nénu lɛ, wo zuo, Léé, é fɛblele nɔ élé munu Jakɔb lɛ, É valé Izraɛl munu lé wo ke alé munu nya, wo lɛ.

Fwile 10:16

Faraɔn Moizi valé Arɔn laa é kele yé é léé: Maa wenyané kɛlɛ Gakelebale, kalé Bale valé ka ma.

Ézai 6:5

Yé maa léé: Wenaané kɛlɛ an lɛ! Maa a é sanle weboen nya, naa, maa a mi lé a lɔlu tiri ke é dɔle, a nya, yé maa nyanaan munu lé wo lɔlu tiri ke é dɔle, wo va; maa Minwiinzan blɛn, lai sunyanuzan Gakelebale ye an yuɛ nya, azama.

Jonas 1:12

É a zi pa wo lɛ léé: ’Ka an si, yé ’ka an vuli wɛyi va, yé wɛyi ta é dan zana lɛ ka lɛ. Naa, maa a gi dɔɔ léé, anlé we ma lé fu plɛplɛ ’ko a giéna ka va.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Mi Nɔnɔle 16:22

Moizinu dia ’wo bli la, yé wo léé: Oo Bale, munu faa lélinu lé Bale, mi do kpen wenyané kɛlɛ yé i bli fli munu faa maa?