2 Samuɛl 24:10 - Kazambale lé Sebe Sauunu 1979

¹⁰ David bli kyɛ dɔ munu nɔnɔle zuo. Yé é lé Gakelebale lɛ léé: ’Bɛ kɛlɛle nya lé an wenyané blɛn kɛlɛ. Sin, Gakelebale, ’i yara nɔla an ta yé ’i i wuozan lé weple ma zanté nyi si, naa, an ’tugyɛwe kɛlɛ tegele!

2 Samuɛl 24:10 ပူးပေါင်းရင်းမြစ်များ

2 Samuɛl 12:13

David lé Natan lɛ léé: Maa wenyané kɛlɛ Gakelebale ma! Yé Natan lé David lɛ léé: Gakelebale i ma we vo, i ’ka dan ga lɛ lo.

2 Samuɛl 24:17

David lanje ye, ’té éé munu gya yé é lé Gakelebale lɛ léé: Bé ye, maa ɛ wenyané kɛlɛ. We a maa ɛ nwiin; naa, ’blanu ’ko, mɛ lé wa kɛlɛɛ? ’I bɛ kɛlɛ maa valé an ti lé kɔngimunu ta ma.

1 Minwiinzannu 8:35

Dé la lɛ a é tanle yé lɛɛ ’ka dan lo, wolé wenyané lé wa kɛlɛ i ma, a we ma, dé wo bazoro fɛkona yé wo i tɔ bɔ, yé dé wo yara si ’wolé wenyané kɛlɛle ta, ilé we lɛdɔle wo gi we ma,

Minwiinzannu lé Wezuofe Sɛbɛ 21:7

Bélidɔwe ’ko ’ka sɔ lɛ Kazambale lɛ lo, yé é Izraɛlnu gyɛ gyɛ nya.

Minwiinzannu lé Wezuofe Sɛbɛ 21:8

Yé David lé Kazambale lɛ léé, an wenyané blɛn kɛlɛ, sin, ilé zanté, i leezan ma we vo, naa, maa we ’ko kɛlɛ ’tu nya.

2 Minwiinmunu lé Wezuofe Sɛbɛ 16:9

Naa, Gakelebale éé tɛrɛlamunu faa naginian, munu lé wo bli ke a lɛ é ta lé kɔn‐an, wo dɔle gligli we ma. I we ’ko kɛlɛ ’tu nya. Naa, guli é dan nwa lɛ i ma lao bɛ.

2 Minwiinmunu lé Wezuofe Sɛbɛ 32:26

Yé Ézékia daan élé boblɛn ma, yé yee valé Jérusalɛm munu wobo kɛlɛ kiéné. Yé Gakelebale ’ka we kɛlɛ lɛ wo lɛ é bliflile nya Ézékia zé bléyi va lo.

JOB (Job) 7:21

I ’ka an ma we vo anlé wenyanénu ma, Yé i gi é saan anlé weplenu ma loo? Naa, maa a gona yiɛna vun va; I dan an nagini lɛ, ’té maa ’ka ana é dɛrɛ lo.

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Fwile 10:16

Faraɔn Moizi valé Arɔn laa é kele yé é léé: Maa wenyané kɛlɛ Gakelebale, kalé Bale valé ka ma.

Wegɔnévɔlenu 28:13

Mi lé élé wenyané yɔɔan, alé we do kpen ’ka vɔa a ma lo, naa, mi lé éé wo fé yé éé daan wo ma, yee ɛ nyanai zénle é ta yé.

OZÉ (Osée) 14:2

’Ka da Gakelebale va yé ’ka ka gi we fe. ’Ka fe a lɛ léma: ’I ko ma we vo kolé weple faa ma, yé ’i ko si é zima. Ko ’ka dan i ban lɛ diri nya lo, naa, ko dan i ban lɛ ko lɔlu nya.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Mi Nɔnɔle 12:11

’Bɛ zuo, Arɔn lé Moizi lɛ léé: Anzan, ilé zanté, wenyané lé ko a kɛlɛ ’tu nya, yé ko kɛlɛ a gi wegyɛzannu nya, té bé dɔ ko nwiin lo.

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 8:9

Wo ’bɛ ’ma aan wo, wolé wevasibli we dɔ wo nwiin, yé é sia mi segelenu ma yé é bɔ pɛɛnu ma, wo faa bɔra do do. Yé Jézu valé lezan vo wo fié, ’té lezan a é dɔle é pa duo gi.

Bélidɔwesɛbɛ Fiézan 32:6

’Tugyɛzannu lé ka ’ka we dɔɔa lo, ’Bɛ zo lé ka we lɛgi paan Gakelebale maa? Ka ti kaan loo? Ka Kɛlɛzan kaan loo? Yeean é ka ’lɛrɛ loo? Yeean é ka dɔ plɛplɛ loo?

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.

1 Jan 1:9

Dé kaa kaalé wenyanénu fe, Bale a yarapawelazan nya yé é a tegele yé é kaa ma we voo yé éé weple faa sié kaa lee, yé é kaa kɛla tata.

1 Samuɛl 13:13

Samuɛl lé Saul lɛ léé: Bé kɛlɛ ’tu nya; we lé Gakelebale, ilé Bale a fe i lɛ, i ’ka a kɛlɛ lɛ lo. Dé bé lɛdɔma kɔɔn, Gakelebale ’kanɔ i plale Izraɛl nwiin glɛ dɔa lo,

1 Samuɛl 24:5

David lé munu lé é lɛ léé: Yian nya lé Gakelebale a fe i lɛ léé, ’é i nyanézan pa i lee, dé é sɔ i lɛ fɛan zo, bé kɛlɛ a lɛ, a yi lé kyɔ. David nwa yé é Saul lé sɔ lɔlu bɔi drɔɔɔ.

1 Samuɛl 24:6

’Bɛ zuo a gibɔrɔle we dɔ a nwiin Saul lé sɔ lɔlu bɔile we ma.

1 Samuɛl 26:21

Saul léé: An wenyané kɛlɛ. An be David, ’i da é ziin, naa, maa ’ka dan wenyané kɛlɛ lɛ i lɛ é dɛrɛ lo, anlé tɛrɛla a fɛwezan nya i yuɛ gi kyɔ, azama. An we kɛlɛ bélé gwegyɛzan zo, yé an saan blɛn.