2 Samuɛl 23:5 - Kazambale lé Sebe Sauunu 1979

⁵ Gipawe lé a glɛ ’ka lo, ’té Bale a kɛlɛ an va bɛ, É a giwe fe wo ke zuo ke zuo yé é a sɔbɛlawe nya, Amalé anlé kɔn lé we ’ka dan kɛlɛ lɛ ’bɛ zo loo? É ’ka dan an bélile valé anlé blibɔmawenu gɔn bɔ lɛ loo?

2 Samuɛl 23:5 ပူးပေါင်းရင်းမြစ်များ

Wepélisiananu 9:16

Bɔmlɛ é dan bɔra lɛ lati wuo, yé maa dan a nagini lɛ yé a sele é dan dɔ lɛ an gi léé, maa, Kazambale, an gi pa do fɛ yuɛmale gɔnɔ faa va, yé gipale ’ko a lɛɛfaama we nya, a glɛ ’ka lo.

2 Samuɛl 12:10

Sin, i sɔn vɔ an ma, yé i Éti mi Uri na si i na nya, amalé gwɔun ’ka dan si lɛ ilé kɔn ma monomono lo.

2 Samuɛl 13:14

Naa, é ’ka é tɔné dɔ lɛ a lɛ lo; é yia a va gla nya yé é a sɛrɛ.

2 Samuɛl 13:28

Abusalɔm é wuomunu faa béli dɔ léé: ’Ka yuɛ pa Aminɔn va, yé dé a gi nana nwɛ minile ma, dé maa fe ka lɛ léé, ’ka Aminɔn gyɛ, ’ka gyɛ; té ka kana lo; maa‐an maa fe loo? ’Ka dɔ gligli yé ’ka gɔnéwe nagɔɔn.

2 Samuɛl 18:14

Joab léé: An ’ka dɔa ’ko an tɔné dɔna i lɛ lo. Yé é toané din si yaa yé é Abusalɔm fɔn a nya é zuru ’léé, ’té é a tan é yuɛma térébɛnt yili méléna.

2 Samuɛl 7:12

Dé ilé yinu lɛ sɔɔ yé i yi gyɛ i tinu va, mi lé é si ibo bɔn gi, i kulu nya, maa dan a nwa lɛ i zuo, yé maa dan alé plale mi nwiin dɔ lɛ gligli.

2 Samuɛl 7:18

Yé David go ébo bɔra lɛ Gakelebale yara yé é léé: Mizan Gakelebale, maa koo, an gɔnɔ koo, ko a mɛ fɛ nya yé i da an nya fɛana lé maa ke kyɔ, anaa?

1 Minwiinzannu 1:5

Agit be Adonija blii boblɛn nya fɔɔ yé é léé: Maa ɛ dan kɛlɛ lɛ minwiinzan nya. Yé é goro valé wisootazannu ye, é valé mi yɔ fié wɔlɛ vu lé woo vlan buruwo a ’lɛ, wo nya.

1 Minwiinzannu 11:38

Dé i an dére lɛdɔma, dé i anlé zinu ta tawo, we lé ke é drɔle an yuɛ gi, dé i ’bɛ kɛlɛ anlé bélidɔwe ta tawole valé an sɔnné pale nya, an wuozan David a kɛlɛ fɛan zo, a zo, maa dan kɛlɛ lɛ i va, yé maa dan ilé kɔn dɔ lɛ gligli, maa David zé dɔ fɛan zo, a zo, yé maa dan Izraɛl nɔ lɛ i lɛ.

1 Minwiinzannu 12:14

yé é we fe wo lɛ, we lé pɛniɛnu a fe a lɛ, a yɛrama. É léé: An ti luubale fɔnɔ ka bɔrɔ ma, yé maa dan a taa fɔnɔ lɛ; an ti we lɛdɔ ka gi plén nya, yé maa dan we lɛdɔ lɛ ka gi wɛsɛnénu nya.

Lɛrɛvɔ Sɛbɛ 111:9

É ’élé munu tabo, Alé gipawe a é dɔle é dɔbɛ gi lɛɛfaama; A tɔ ’lɛ a; éé kana zén‐é munu gi.

Lɛrɛvɔ Sɛbɛ 119:81

É sɔ an lɛ léé, i an béli, an boen wɔlɛi nyaa é ma, An bli a ilé blivolɛdére lɛ.

Lɛrɛvɔ Sɛbɛ 27:4

We do lé an bli ke é bɔle a ma é baba, ’té maa a laan Gakelebale lee: Yee lé ke léé, an nyana Gakelebale lé kɔn gi anlé tɛrɛla faa gi, Gibɔrɔle Gakelebale tɔ blɛn ma we gi, Yee valé alé kɔn ze vɔle we ma.

Lɛrɛvɔ Sɛbɛ 62:2

Iin, an boen éé paan Bale ɛ ta, An silewegi éé sié yee ɛ va,

Lɛrɛvɔ Sɛbɛ 89:3

Naa, maa léé: Ilé zin a é dɔle gligli lɛɛfaama zé nya; I i yarapale we ta dɔ plɛplɛ la gi.

Ézai 11:1

Izai bɛ do é dan dɔ lɛ é ma bélé yilibɛ zo, yé a suni do é dan fɔn lɛ a ta.

Ézai 27:6

Bléyi do é dan bɔ lɛ yé Jakɔb suni é dan wɔra lɛ, Izraɛl punla é dan fɔn lɛ é ta yé a vwi é dan bi lɛ, yé a poro é dan tɛrɛ la ble lɛ.

Ézai 4:2

’Bɛ bléyi va, Gakelebale lé fɛ gɔn é dan bɔ lɛ; é dan kɛlɛ lɛ Izraɛl ’lɛrɛfɛ valé a tɔbɔle nya. Yee fɛ gɔn lé tɛrɛ a bɔra bɛ, Izraɛl lé munu lé wo si we gi, é dan kɛlɛ lɛ wo tɔbɔmafɛ valé wo nyɛɛfɛ nya.

Ézai 54:10

Dé gɔblɛnnu go baa, Dé gɔpanénu ma nyɔɔn, I va sɔlɛle ’ka sié an gi pelo, Yé anlé gipawe lé ke ka vole drɔɔ nya, é ’ka dan sɛrɛ lɛ pelo. Gakelebale lé a nyanai éé zén‐é i ta, yee ɛ fe.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Ézai 61:8

Naa, maa, Gakelebale, we tegele sɔ an lɛ, ’Wiile fɛ ta kyeenwole nya valé weple za a an gi; An yuɛgi ’ka dan blan lɛ wo banwole ma lo. Gipawe lé é ’ka nyaan lo, maa dan a kɛlɛ lɛ wo va.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Jérémi 33:21

’té gipawe lé maa a kɛlɛ an wuozan David va, ’té é sɛrɛ, ’té a kululazan ’ka nyanaan alé webleblin ta é dɛrɛ lo, yé anlé gipawe lé maa a kɛlɛ Balebanmunu Lévinu lé woo an va nyanama paan bɛ, wo va, ’té é dan sɛrɛ lɛ.

Ézékiɛl 37:26

Maa dan an gi pa lɛ wo va do, wo vole drɔɔ we ma, yé gipawe lé éé voo ana lɛɛfaama, maa dan a kɛlɛ lɛ wo va. Maa dan wo suni wɔra lɛ, yé maa dan wo fan lɛ, yé maa dan anlé fɛna sauun dɔ lɛ wo méléna lɛɛ faa zé nya.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Kelewenu 13:34

É a nwa gamunu va, léé, té é kɛlɛ fɛ vɔnle nya lo, yee lé é a fe dére ’ko nya léé: Zin drɔɔ bozennu lé, Maa wo ma blivolɛdére fe David lɛ, Maa dan wo kɛlɛ lɛ ka lɛ.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

Ébrunu 6:19

Bli vole we lɛ ’ko, é a kaa gi kaa bélimafɛ blɛɛn boen nya. Éé goo fɔɔ yé éé wɔraan Balebangikɔn gi, sɔ lé wa kɛlɛ kɔnmi nya, a zi, yé ’bɛ a la gi.

1 Samuɛl 2:35

Yarapawelazan lé é dan we kɛlɛ lɛ an bli valé an boen yɛrama, maa dan a dɔ lɛ Balebanzan nya; maa dan alé kɔn ’léé drɔɔ vo lɛ, yé é dan tawo lɛ yifaama anlé nyɔnɔzénnwiinzan yara.

1 Samuɛl 25:28

Ilé zanté, ’i wuo le ma we vo, naa, Gakelebale é dan anzan lé kɔn dɔ lɛ gligli; ilé zanté, naa, anzan Gakelebale lé gulinu daan, yé wo ’ka dan we ple ye lɛ i gi monomono lo.