2 Samuɛl 23:19 - Kazambale lé Sebe Sauunu 1979

¹⁹ Wa tɔ bɔ é mini a bɔlunu fié ta yé é a wo nwiinzan nya; naa, yee valé mi yaa vinin ’ka bɔ lɛ ékema lo.

2 Samuɛl 23:19 ပူးပေါင်းရင်းမြစ်များ

2 Samuɛl 23:13

Sunyanu nwiinzannu yɔ do wɔlɛ vu va mi yaa bɔra yé wo go David va Adulam lé gɔmaguru gi, fɛ gyɛ bléyi va, ’té Filisitinu palu do wolé sɔkɔnnu dɔ Réfaim munu lé gɔ worona.

2 Samuɛl 23:16

Amalé gulidan nyanazannu yaa Filisitinu lé sɔkɔn dɔna kini yé wo ’yi tɔ ’yiguru lé é ke Bɛtléɛm flazigɔrɔ ’léé, a gi. Wo goan yé wa nɔ David lɛ; naa, é ’ka nyi si lɛ léé, é a mini lo, yé é a zana Gakelebale ’lɛ.

2 Samuɛl 23:18

Joab zuané Séruja be Abisai a mi yaa nwiinzan nya. É mi wuru do mi yɔ soru gyɛ élé din nya; é tɔ ye mi yaa va.

2 Samuɛl 23:20

Kabiséɛl mi do be Jéojada be Bénaja a do. É a nyanazan nya yé é tɔ ye élé we blɛn kɛlɛle ma. Moab mi fié lé wo mini ’wo bɔlunu faa ta, é wo gyɛ. Yi do nya ’té glasépun a dana, é zun guru gi yé é golizra gyɛ.

2 Samuɛl 23:9

’Bɛ é zuo, Akoki be Dodo be Éléazaa ana. Gulidanzannu yaa lé wo go guli dan lɛ Davidnu nya, bléyian va lé Filisitinu zén ékeva gulidanle we ma, ’té Izraɛl lé munu vlan buru loru, é a wo va mi do nya.

Minwiinzannu lé Wezuofe Sɛbɛ 11:25

É a lɛamazan nya mi yɔ do wɔlɛ vu va, naa, yee valé mi yaa palu vininzan ’ka bɔ lɛ ékema lo. Yé David a nyana élé wekyɛ zi.

Matio 13:23

’Sawɔlɛ lé é dia tɛrɛ zima la, ’bɛ a mi lé éé Bale dére maan yé éé wɔraan a ’wuo gi, a nya; a wɔlɛ éé baan webozen nya, a nɛnɛ do wɔlɛ éé kɛla yɔ soru, yé a nɛnɛ do wɔlɛ éé kɛla yɔ yaa, yé a nɛnɛ do wɔlɛ éé kɛla yɔ do wɔlɛ vu.

Matio 13:8

A wɔlɛ kenu dia tɛrɛ zima ta; a wɔlɛ baa yé a nɛnɛ do wɔlɛ kɛlɛ yɔ soru, a nɛnɛ do wɔlɛ kɛlɛ yɔ yaa, a nɛnɛ do wɔlɛ kɛlɛ yɔ do wɔlɛ vu.

1 Korent munu 15:41

Yiri bile a é yɛrama, yé moné bile a é yɛrama; yé monéné bile a é yɛrama; yé é ziin monéné kenu bile a é yɛrama wo bɔlunu va.