2 Samuɛl 23:10 - Kazambale lé Sebe Sauunu 1979

¹⁰ É nwa yé é Filisitinu gyɛ fɔɔ a bɛ wɔlɛi nyaa a ma yé a bɛ kua gwɔun ma. Gakelebale wo si we blɛn gi ’bɛ yi la. Munu da Éléazaa zuo gulizarafɛnu si lɛ é pla.

2 Samuɛl 23:10 ပူးပေါင်းရင်းမြစ်များ

2 Samuɛl 23:12

Saama dɔ féi méléna yé é a ta guli dan yé é Filisitinu gyɛ. Gakelebale wo si we blɛn gi ’bɛ yi la.

2 Minwiinzannu 5:1

Siri minwiinzan lé sunyanu nwiinzan, Naaman, a mi zin nya ézan yuɛ gi, ’té éé a mawe kɛla é zima; a nya lé Gakelebale Sirimunu si we gi, azama. Naa, mi ’ko lé ke mi plɛplɛ valé nyanazan nya, é a pantɛngyɛzan nya.

Minwiinzannu lé Wezuofe Sɛbɛ 11:13

É a David va Pas‐Damim, fɛana lé Filisitinu zén ékeva gulidanle we ma, ana. Sɔnmlén féi blɛn do ana bɛ; yé munu a vlan buruna Filisitinu lee.

Lɛrɛvɔ Sɛbɛ 108:13

’I bɔ ko va kolé kleblele gi, Munu bɔle ko va tɔnɔ ’ka lo.

Lɛrɛvɔ Sɛbɛ 144:10

Biian i minwiinmunu sié we gi, Biian i i wuozan David so migyɛ gwɔun lee,

Lɛrɛvɔ Sɛbɛ 68:12

Mizan dére do fe, Nwunvɔlomu lé wa zuo fé, wa mi gu blɛn nya.

Ézai 53:12

Bɛwemalé maa dan azé nɔ lɛ a lɛ mi blɛnnu va; Maa dan gulizarafɛ guli lɛ yee valé mi plɛplɛnu ma, Ébo nɔ ga lɛ Yé wa pa wenaané kɛlɛzannu va, ’bɛzama; É mi kiɛre lé wenyanénu si Yé é dɔ wegyɛzannu lé we gi, ’bɛzama.

Rom munu 15:18

Naa, wenu lé Jézu Krist a kɛlɛ maa nya, yé bɛn bɛnu ’é kɛlɛ a lɛdɔmazannu nya, ’bɛ we saa lé maa a fé, maa ’ka we bɛ fé lo. An dére valé an kɛlɛwenu koo,

2 Korɛnt Munu 4:5

Ko ’ka kobozen lé we fena lo; Mizan Jézu Krist lé we lé ko ke a fena, yé ko léé, ko a ka wuozannu nya Jézu lé we ma.

Jozué 10:10

Gakelebale wo kini ékema Izraɛl ’lɛ; yé Izraɛl wo gyɛ bélé winu zo Gabaɔn sɔnɔ, yé wo wo zuo bin zi lé é go loru Bɛt‐Orɔn vazia, a ta, yé wo go wo gyɛle nya fɔɔ Azéka valé Makéda.

Jozué 10:42

Minwiinzannu ’ko valé ’wolé tɛrɛnu, Jozué wo faa si bléyi do nya, naa, Gakelebale, Izraɛl lé Bale Izraɛl ta guli dan, ’bɛzama.

Jozué 11:8

Gakelebale wo pa Izraɛl lee; wo wo gyɛ yé wo wo zuo bin fɔɔ yé wo bɔ Sidɔn blɛn ma, fɔɔ yé wo bɔ Misréfɔt‐Maim ma, fɔɔ yé wo bɔ Misipa pɛnguru gi yirinwanazia. Wo wo gyɛ fɔɔ wo do kpen ’ka vo lɛ lo.

Weblezannu 15:14

Wo bɔ Lési aan wo, Filisitinu da a si lɛ zia siaale nya. Yé Gakelebale Léli a kun. Balenu lé ke a bɛ ma, wo kɛlɛ bélé wa kyɛ ble, a zo, yé wo si a bɛ ma yé wo dia.

Weblezannu 15:18

’Yiminilɔrɔ a gyɛ é baba yé é Gakelebale laa, yé é léé: Bii ɛ sile we gi ’ko kɛlɛ i wuozan bɛ nya; sin, maa é gan ’yiminilɔrɔ lee, yé ganedɔlozannu an kun?

1 Samuɛl 11:13

Naa, Saul léé: Wo ’ka dan mi do kpen gyɛ lɛ kyɔ lo, Gakelebale Izraɛl si we gi kyɔ, azama.

1 Samuɛl 14:23

Gakelebale Izraɛl si we gi ’bɛ yi nya yé wo go guli danle nya fɔɔ Bɛt‐Avan zi.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.

1 Samuɛl 17:53

Izraɛl lé nénu si Filisitinu zuo binna yé wo ’wii wolé sɔkɔnnu ta.

1 Samuɛl 19:5

é bli si é ga lɛ, é Filisiti mi gyɛ yé Gakelebale Izraɛl faa si we blɛn gi. Bé ye, yé i gi nana a we ma. Mɛmalé i dan wenyané kɛlɛ lɛ mi zin lɛ yé i David gyɛ é boaa?