2 Samuɛl 23:1 - Kazambale lé Sebe Sauunu 1979

¹ David dére voélanu lé ke ko: Izai be David, Mi lé wa mini é bɔluzannu ta, Jakɔb lé Bale lé nyɔnɔzénnwiinzan, Izraɛl lé lɛrɛ néné vɔzan, a dére lo.

2 Samuɛl 23:1 ပူးပေါင်းရင်းမြစ်များ

Wepélisiananu 49:1

Jakɔb é benu laa yé é léé: ’Ka zén ékeva, yé we lé é dan bɔ lɛ ka ma é voéla, maa dan a fe lɛ ka lɛ.

2 Samuɛl 22:34

Éé an gane kɛla bélé ’kla zé zo, Yé éé an dɔa gligli gɔnu nwiin.

2 Samuɛl 22:51

Mi lé é a dɔ minwiinzan nya, éé a sié we tɔntɔn blɛnnu lee, Yé mi lé wo nyɔnɔ zén a ta, Bale nyanai éé zén‐é a ta, Maa David valé an kulunu, éé a zén‐é ko ta yifaama.

Minwiinzannu lé Wezuofe Sɛbɛ 16:7

’Bɛ yi ’ko la lé David Azafa valé é bwenu béli dɔ é vinin léé, ’wo Gakelebale tɔ zin fe lɛrɛvɔle nya.

Minwiinzannu lé Wezuofe Sɛbɛ 16:9

’Ka lɛrɛ vɔ, ’ka a tɔ bɔ lɛrɛvɔlenu nya. ’Ka a panyanama blɛnnu faa glewo.

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Lɛrɛvɔ Sɛbɛ 72:20

Izai be David lé bazorolenu nyaana lo.

Lɛrɛvɔ Sɛbɛ 89:20

É vinin, i we fe mi lé é sɔ i lɛ, a lɛ, yuɛzi gi, Yé i léé: Maa bɔ nyanazan va, Maa pɛniɛ do si munu va yé maa a nwa;

Lɛrɛvɔ Sɛbɛ 89:21

Maa an wuozan David ye; Yé an nyɔnɔ ’lɛzan zén a ta.

Amɔs 6:5

Woo boalɛrɛnu vɔa kpélé va. É dɔ wo gi léé, ’wa lɛrɛvɔafɛnu gyɛzannu baba nya, bélé David zo.

WENÉNÉ LÉ LUK A GYE (Évangile selon Luc) 20:42

Lɛrɛvɔ Sɛbɛ gi David bozen léé: Mizambale lé anzan lɛ léé: ’I nyana an bɛyila

WENÉNÉ LÉ LUK A GYE (Évangile selon Luc) 24:44

A zuo yé é lé wo lɛ léé: Bléyian va lé maa ke yi la ka va, maa a fe ka lɛ léé, we lé wa gyɛ an ma we nya Moizi lé bélidɔwe koo, balelayemunu lé sɛbɛnu koo, lɛrɛvɔ sɛbɛ koo, wo gi, é a lé wo faa lɛ é sɔɔ. Yeean é kɛlɛ ’ko loo?

Bélidɔwesɛbɛ Fiézan 33:1

Kazambale lé mi Moizi Izraɛl lé nénu drɔɔan vo ’é gale ’lɛ, yee lé ke ’ko:

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

SEBE LÉ JAK A GYE (Épitre de Jacques) 5:13

Ka va mi do a nyané blenaa? ’É bazoro ma. Yé mi do gi a nananaa? ’Bɛ ’é lɛrɛ vɔ ma.

1 Samuɛl 17:12

Éfraim mi lé é si Bɛtléɛm, Juda tɛrɛ la, wa laama Izai, ’té a be a sɔraa yé Saul bléyi va é a é kwa yé a lɛɛ a kiɛre, David a ’bɛ be nya.

1 Samuɛl 18:7

Lomu éé lɛrɛ sian, ’té woo wé a ma, a fele nya léé: Saul élé mi wurunu gyɛ, Yé David élé mi baanu gyɛ.

1 Samuɛl 2:10

Gakelebale nyanézannu ma é dan nyɔɔn lɛ; Lagiloru baabaana lé é dan élé zagele zun lɛ wo ta. Gakelebale é dan tɛrɛlamunu faa lé we ble lɛ. É dan plɛplɛ nɔ lɛ élé minwiinzan lɛ, Yé é dan élé Nyɔnɔzénnwiinzan lé plɛplɛ lɛ si lɛ.