2 Samuɛl 22:48 - Kazambale lé Sebe Sauunu 1979

⁴⁸ Bale ɛ ke anlé we lɛgipazan nya Yé éé munu plaan an wuo,

2 Samuɛl 22:48 ပူးပေါင်းရင်းမြစ်များ

2 Samuɛl 18:19

Sadɔk be Akimaas léé: ’I zi nɔ an lɛ, ’an go vlan nya minwiinzan va yé we néné lé Gakelebale a kɛlɛ a lɛ, alé we lɛgi palé a nyanézannu ma nya, yé maa a zuo fe a lɛ.

2 Samuɛl 18:31

Tɔɔn, Kusi bɔ. Yé é léé: Anzan minwiinzan ’é we néné ’ma ma. Kyɔ, Gakelebale ilé we yuɛ gi bo tegele yé munu faa lé wo nwa i ma, é i si wo lee.

2 Samuɛl 4:8

Wo go Isi‐Bɔsɛt ’wuo nya David lɛ Ébrɔn yé wo lé minwiinzan lɛ léé: I nyanézan Saul lé é sɔ a lɛ léé, ’é i gya, a be Isi‐Bɔsɛt ’wuo lo; Gakelebale anzan minwiinzan lé we lɛgi pa kyɔ Saul valé é kulu ma.

Lɛrɛvɔ Sɛbɛ 110:1

David zé lé. Lɛrɛ do lé. Gakelebale lé anzan lɛ léé: ’I nyana an bɛyila, Fɔɔ yé maa i nyanézannu pla i wuo.

Lɛrɛvɔ Sɛbɛ 144:2

É a wezinkɛlɛzan nya an lɛ; é a an tin‐évafɛ plɛplɛ nya. É a an yɔɔna plɛplɛ valé an siéwegizan nya. É a an takuunzan valé an vɔzizan nya. Yee ɛ anlé munu plaan an wuo.

Lɛrɛvɔ Sɛbɛ 94:1

Gakelebale, welɛgipa Bale, Panu dɔrazan Bale, ’i bɔra a gi.

1 Korent munu 15:25

Naa, é a lé é pla mi faa nwiin fɔɔ yé é nyanézannu faa pla é wuo.

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.

1 Samuɛl 24:12

An ti, bé nagini, ilé sɔ lɔlu lé ke an lee ’ko, bé ye. Maa ilé sɔ lɔlu bɔi, yé maa ’ka i gyɛ lɛ fɛan zo lo bɛ, bé ye yé bé gi dɔɔ léé, weple valé nwale mi ma ’ka an giébɛ nya lo, yé an ’ka wenyané kɛlɛ lɛ i lɛ lo. Yé bii, i an ma we ble, anlé tɛrɛla nyaale we ma.

1 Samuɛl 25:30

Weboen faa lé Gakelebale a fe i lɛ, dé Gakelebale a faa lɛ sɔɔ anzan lɛ, yé é i pla Izraɛl nwiin,

1 Samuɛl 25:39

David a ’ma léé, Nabal ga yé é léé: Gakelebale lé é dɔ an zuo, sɔnɔ lé Nabal a wo an lɛ, alé we ma, yé é wenyané kɛlɛle yi ga é wuozan lee, ’wa drɔɔ vo ma. Gakelebale Nabal lé we ple nɔla ébo nwiin. David mi pa zia Abigail va alé bwɛ we fele we ma a lɛ.