2 Samuɛl 22:33 - Kazambale lé Sebe Sauunu 1979

³³ Bale ɛ ke anlé guliyɔɔkɔn plɛplɛ nya ’Té éé goo an nya zi drɔle ta.

2 Samuɛl 22:33 ပူးပေါင်းရင်းမြစ်များ

2 Samuɛl 22:2

É léma: Gakelebale a anlé gɔlɛgɔ koo, anlé guliyɔɔkɔn koo, an vo anbomazan koo, wo nya.

JOB (Job) 22:3

Dé i a tegele, Plɛplɛfaazan éé fɛ yé ’bɛ maa? Dé ilé tawobɛ a wéiin, Bale éé fɛ yé a gii?

Lɛrɛvɔ Sɛbɛ 101:2

Maa dan an yara pa lɛ zi tegele ta tawole ta, Dé i dan da lɛ an va mɛ bléyi vaa? An dan tawo lɛ anlé munu va, Bli lé, gun ’ka a ma lo, a nya.

Lɛrɛvɔ Sɛbɛ 101:6

Maa dan an yuɛ pa lɛ yarapawelazannu ta, Wo nyanale an sɔnɔ we ma, Mian éé tawoo zi drɔle ta, yee ɛ dan kɛlɛ lɛ an wuozan nya.

Lɛrɛvɔ Sɛbɛ 119:1

Munu lé gun ’ka wolé tawobɛ ma lo, ’Té woo tawoo Gakelebale lé bélidɔwe yɛrama, wozé a néné.

Lɛrɛvɔ Sɛbɛ 18:32

’Té dé é ’ka Gakelebale nya lo ’naan, de ɛ ke Bale nyaa? ’Té dé é ’ka kolé Bale nya lo ’naan, de ɛ ke gɔlɛgɔ nyaa?

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 32:8

Gakelebale léé: An dan we paa lɛ i gi, yé zi lé é a lé i tawo a ta, maa dan a gɔɔn lɛ i lɛ; An dan we pla lɛ i lɛ, maa dan an yuɛ pa lɛ i va.

Lɛrɛvɔ Sɛbɛ 46:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. ’Wa vɔ lɛrɛvɔafɛ lé wa laama alamota, a va. Bale tɔbɔlɛrɛ do lé.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Zakari 10:12

Maa dan wo dɔ lɛ gligli Gakelebale lé plɛplɛ nya, Yé wo dan tawo lɛ a tɔ gi. A zo lé Gakelebale a fe.

2 Korɛnt Munu 12:9

yé é lé an lɛ léé: Anlé plɛplɛ lɛ éé sɔɔan fɛ tɔɔtɔɔ nya, amalé anlé zin izé bɔ. Amalé maa dan anbo ze taa vɔ lɛ gi nanale nya an tɔɔtɔɔnu we ma, Krist lé plɛplɛ zénle an gi we ma.

Éfez munu 6:10

We pɔné lé é ke ’ko: ’ka dɔ gligli Mizan gi, alé plɛplɛ lé a glɛ ’ka lo, a nya.

Bélidɔwesɛbɛ Fiézan 18:13

Ka a Gakelebale, kalé Bale zé nya é ta lé kɔn‐an.

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.