2 Samuɛl 22:3 - Kazambale lé Sebe Sauunu 1979

³ Bale a anlé gɔlɛgɔ lé maa an ta yɔɔan a fu va, a nya, É a an botakuunfɛ valé plɛplɛ lé é an sié we gi, a nya. É a anlé sa vulina valé an yɔɔna nya. Oo, an siéwegizan! Bii ɛ an si za?-?mawe tɔntɔn lee.

2 Samuɛl 22:3 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

2 Samuɛl 22:31

Gun ’ka Bale lé zinu ma lo, Gakelebale éé dére tawe kɛla; Munu faa lé wo ’wobo bɛ pa Bale lee, é a wo takuunfɛ nya.

2 Samuɛl 22:47

Gakelebale a é yuɛma! Anlé gɔlɛgɔ drɔɔ ’é vo ma! Bale, anlé gɔlɛgɔ, an siéwegizan tɔ ’é kɛlɛ blɛn ma,

2 Samuɛl 22:49

Yé éé an sié an nyanézannu lee. I an mini an mazannu ta, I an sié glazan lee.

2 Samuɛl 22:51

Mi lé é a dɔ minwiinzan nya, éé a sié we tɔntɔn blɛnnu lee, Yé mi lé wo nyɔnɔ zén a ta, Bale nyanai éé zén‐é a ta, Maa David valé an kulunu, éé a zén‐é ko ta yifaama.

2 Samuɛl 23:3

Izraɛl lé Bale we fe, Izraɛl lé gɔlɛ lé an lɛ léé: Mi lé éé plaan munu nwiin we tegele kɛlɛle nya na, Mi lé éé plaan munu nwiin kanale Bale lee nya na,

Lɛrɛvɔ Sɛbɛ 14:6

We lé wenaané bɔmazan bli ke a lɛ, ’Ka serele bo ’bɛ ma. Naa, Gakelebale a a vɔzizan nya.

Lɛrɛvɔ Sɛbɛ 140:1

David lɛrɛ ’ko vɔle gɔɔn lɛrɛvɔzannu zilɛzan lɛ.

Lɛrɛvɔ Sɛbɛ 140:11

’Wo kyɛnyɛ zén wo ta ma. ’Wo wo vuli kyɛ va ma, ’Wo wo vuli gurunu lé wo ’ka bɔa bɔrale lɛ wo gi lo, wo wɔlɛ ma ma.

Lɛrɛvɔ Sɛbɛ 140:4

Wo nɛnɛ a bélé méné zo, Ménénwunnu suiɛ nyi a wo lɔlu gi.

Lɛrɛvɔ Sɛbɛ 142:4

Dé an léli fuu a é sile é ta, Bii ɛ anlé zi dɔɔ. Zi lé an tawoo a ta, Wo san vɔ a ’léé.

Lɛrɛvɔ Sɛbɛ 144:2

É a wezinkɛlɛzan nya an lɛ; é a an tin‐évafɛ plɛplɛ nya. É a an yɔɔna plɛplɛ valé an siéwegizan nya. É a an takuunzan valé an vɔzizan nya. Yee ɛ anlé munu plaan an wuo.

Lɛrɛvɔ Sɛbɛ 18:2

Oo Gakelebale, anlé plɛplɛ, i sɔ an lɛ.

Lɛrɛvɔ Sɛbɛ 27:5

Naa, é dan an takuun lɛ élé kɔn gi we tɔntɔn bɔyi nya, É dan an yɔɔ lɛ élé kɔn gi, É dan an dɔ lɛ gɔlɛ ta loru.

Lɛrɛvɔ Sɛbɛ 28:7

Gakelebale a anlé plɛplɛ valé an takuunzan nya, An bli a a lɛ, yé éé bɔa an va; Ginanale lé éé giéan é glɛ ta, é a an bli gi, Yé maa a tɔ zin fé anlé lɛrɛvɔlenu nya.

Lɛrɛvɔ Sɛbɛ 3:3

Mi kiɛre a fena anlé we ma léé: Bale ’ka dan bɔ lɛ a va é dɛrɛ lo. Ka ye do.

Lɛrɛvɔ Sɛbɛ 32:7

Bii a an yɔɔna nya, i an ta béli dɔ kleblele lee. I an zi lɛ sɔɔan guliwuo vo lɛ lɛrɛnu nya. Ka ye do.

Lɛrɛvɔ Sɛbɛ 46:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. ’Wa vɔ lɛrɛvɔafɛ lé wa laama alamota, a va. Bale tɔbɔlɛrɛ do lé.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:2

Bale a ko yɔɔna valé ko tɛnmazan nya, Éé bɔa mi va yifaama; é ’ka sɔn vɔa bɔle munu va ma pelo.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 5:12

’Té munu faa lé wo pa i ta, wo gi é dan nana lɛ, Ginanale lé éé giéan é glɛ ta, é dan kɛlɛ lɛ wo gi yifaama, yé i dan wo takuun lɛ; Wo lé i tɔ sɔ wo lɛ, I dan kɛlɛ lɛ wo ginanamazan nya.

Lɛrɛvɔ Sɛbɛ 55:9

’Té an so wo lee é kele, ’Té an si ana bélé lu zana fu zo, bélé fu giéle plɛplɛ zo.

Lɛrɛvɔ Sɛbɛ 59:16

Woo goo ’ko yé wo da ’ko, wo blefɛnu ginile we ma, Fɔɔ woo tu kinié a zo, ’té wo ’ka kaan lo.

Lɛrɛvɔ Sɛbɛ 61:3

An fuu a é sile an ta, ’té an siaan i lɛ tɛrɛ glɛ sina; Gɔlɛgɔ lé an ’ka bɔa a giéle lɛ lo, ’i go an nya a nwiin.

Lɛrɛvɔ Sɛbɛ 71:7

Mi kiɛre gi éé vuruan anlé we ma, Yé bii, bii a an vɔzizan plɛplɛ nya.

Lɛrɛvɔ Sɛbɛ 72:14

É dan wo si lɛ munu lé woo yaan wo ta, é valé glawekɛlɛmunu lee. Yé é dan wo nyɛ ye lɛ fɛwezan nya.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Lɛrɛvɔ Sɛbɛ 84:9

Gakelebale, lai sunyanu lé Bale, ’i anlé bazorodére ’ma, Jakɔb lé Bale, ’i an ban i tɔné nya. Ka ye do.

Lɛrɛvɔ Sɛbɛ 86:14

Oo Bale, boblɛnzannu nwa an ma, É sɔ glawekɛlɛmunu palu do lɛ léé, ’wo an gyɛ; Wo ’ka wo gibɔrɔma i ma lo.

Lɛrɛvɔ Sɛbɛ 9:10

Munu lé woo yaan ’bɛnu ta, Gakelebale a ’bɛnu yɔɔna nya, É a wo yɔɔna nya wolé kle ble bléyi va.

Lɛrɛvɔ Sɛbɛ 9:9

Éé tɛrɛlamunu lé we blé tegele, Éé migɔnɔnu lé we blé é boen ma.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Wegɔnévɔlenu 30:5

Bale dére faa gi a é danle. Munu faa lé wa ’wo yɔɔna ginina Bale va é a wo botakuunfɛ nya.

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Ézai 32:2

Wo faa do do é dan kɛlɛ lɛ miyɔɔna nya, mi éé yɔɔan fu lɛɛ fɛan zo, a zo, bélé mi lé éé yɔɔan lɛɛ plɛplɛ lee, a zo. Wo dan kɛlɛ lɛ bélé ’yi lé éé yoroan fɛna gale na, a zo; bélé gɔlɛ blɛn furɔ zo, tɛrɛ kyɛdɔle ta.

Ézai 45:21

’Ka a lɛ kini wo lɛ, yé ’ka da wo nya. ’Wo we pla wo ke lɛ ma. De ɛ we ’konu lɛ kini a pélisia bléyi va, Yé ana mɔn ’té éé wo zana dɔɔan? Maa Gakelebale kaan loo? Dé é ’ka maa nya lo, Bale bɛ ’ka lo, Bale tegele lé éé mi bélié, maa do kpen ɛ ke a nya.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 16:9

Naa, Izraɛl lé Bale, lai sunyanu lé Gakelebale léma: Ka ye, ginana siaalenu valé bɔn‐in néné lé siaalenu koo, lesizan lé lɛrɛvɔlenu koo, bosizan lé lɛrɛvɔlenu koo, an dan wo nyaa lɛ fɛkona, ka yuɛ va, kazé bléyi va.

WENÉNÉ LÉ LUK A GYE (Évangile selon Luc) 1:47

An Siéwegizan Bale lé we ma lé an léli gi éé nanaan,

WENÉNÉ LÉ LUK A GYE (Évangile selon Luc) 1:69

É ko siéwegizan plɛplɛ nwa é wuozan David gɔnɔ gi,

WENÉNÉ LÉ LUK A GYE (Évangile selon Luc) 1:71

Ko siéwegizan lé éé ko sié ko nyanézannu lee, é valé munu faa lé ko za ke wo gi, wo lee, yee lé.

Bélidɔwesɛbɛ Fiézan 32:37

É dan a fe lɛ léé: Wo zi bale a kyɛɛn? Wo yɔɔzigɔlɛo, é a kyɛɛn?

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

Bélidɔwesɛbɛ Fiézan 33:29

Izraɛl, izé a néné, de ɛ ke bélé bii zoo? Munu lé Gakelebale wo si we gi, ka lé. ’Té yee ɛ ke ka botakuunfɛ nya, ’Té yee ɛ ke ka tɔbɔgwɔun nya, de ɛ ke bélé bii zoo? Ka nyanézannu wo dan ’wo ’wuo wɔra lɛ ka gane wuo, Yé ka dan wolé gɔnwiin yobannanu zɔn lɛ ka gane nya.

Tite 3:4

Naa, dé ko Siéwegizan Bale élé wezin valé élé mi va sɔlɛle gɔɔn munu lɛ bléyian va, é ko si we gi.

Tite 3:6

É Léli Sauun lé plɛplɛ nɔ ko lɛ kiɛre ko Siéwegizan Jézu Krist lé we ma, léé,

Ébrunu 2:13

Yé é ziin, é léé: Maa dan anbozen bɛ pa lɛ i lee. Yé é lé é ziin léé: Maa lo; maa valé nénu lé Kazambale wo nɔ an lɛ, ko lo.

1 Samuɛl 2:1

Ane bazoro yé é léé: An gi nana Gakelebale gi; Gakelebale an dɔ plɛplɛ é ziin; An ’léé fuo an nyanézannu ma, Naa, an gi nana i bɔle an va we ma.

1 Samuɛl 2:2

Mi do kpen ’ka sauun Gakelebale zo lo; Bii do kpen ɛ ke Bale nya. Kolé Bale ɛ ke gɔlɛgɔ nya é do kpen.