2 Samuɛl 21:17 - Kazambale lé Sebe Sauunu 1979

¹⁷ Séruja be Abisai da bɔ lɛ David va, yé é Filisiti mi gyɛ yé é ga. Yé David lé munu bale ’nyɔɔn a lɛ léé: I ’ka dan go lɛ guli dan lɛ ko zuo é dɛrɛ lo, dé Izraɛl lé kyɛbɔ é da diri.

2 Samuɛl 21:17 ပူးပေါင်းရင်းမြစ်များ

2 Samuɛl 14:7

Yé bé ye, ko gɔnɔlamunu faa nwa i wuo le ma, a fele nya léé: Mi lé é é bwe gyɛ, bé pa ko lee! Ko a a va léé, ko a gyɛ, a bwe lé é a gyɛ, a lɛgi nya; dé é a zarablezan nyaoo, ko gya. ’Bɛ zo léé, kyɛpéli lé é vo an lee wo dan a diri lɛ, yé wo ’ka an zana tɔ valé a paizan voo tɛrɛ la lo.

2 Samuɛl 18:2

É wo palu bɔi yaa yé é Joab kɛlɛ a palu do nwiinzan nya, yé é Joab zuané Séruja be Abisai kɛlɛ a palu fiézan nwiinzan nya, yé é Gat mi Itai kɛlɛ a palu yaazan nwiinzan nya. Yé minwiinzan lé munu lɛ léé: Maa é ziin, maa a a va léé, ’an go ka va.

2 Samuɛl 18:3

Naa, munu léé: I ’ka dan go lɛ lo. Dé ko fwila, ’bɛ ’ka we do nya wo yuɛ gi lo; dé ko lɛ do ga, ’bɛ ’ka we do kpen nya wo yuɛ gi lo; naa, bii a bélé ko va mi baa soru zo; a fila vɔ léé, ’i vo fla i ma’lɛrɛle nya, bɔle ko va we ma.

2 Samuɛl 22:19

Anlé klebleyi la wo bɔra an ma fiaa, Naa, Gakelebale kɛlɛ an vɔzizan nya.

2 Samuɛl 22:29

Iin, Gakelebale, bii ɛ ke anlé kyɛbɔ nya! Gakelebale éé an va gunu kinié.

1 Minwiinzannu 11:36

maa dan bɛn do vo lɛ a be lee, léé, té an wuozan David lé kyɛbɔ é diri an yara, Jérusalɛm lé maa a si a va an tɔ pale a ma we gi, ana lo.

1 Minwiinzannu 15:4

Naa, David lé we ma lé, Gakelebale alé Bale kyɛbɔ nɔ a lɛ Jérusalɛm, a be dɔle nya a pa gi valé Jérusalɛm vole ana nya.

Lɛrɛvɔ Sɛbɛ 132:17

Ana lé maa dan David lé plɛplɛ nwa lɛ, Anlé mi lé, an nyɔnɔ zén a nwiin, maa dan kyɛbɔ ma’lɛrɛ lɛ a lɛ.

Lɛrɛvɔ Sɛbɛ 144:10

Biian i minwiinmunu sié we gi, Biian i i wuozan David so migyɛ gwɔun lee,

Lɛrɛvɔ Sɛbɛ 46:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. ’Wa vɔ lɛrɛvɔafɛ lé wa laama alamota, a va. Bale tɔbɔlɛrɛ do lé.

Jérémi 40:15

Yé Karéak be Jokanan we fe Gédalia lɛ kyeen gi Misipa yé é léé: ’I zi nɔ an lɛ an Nétania be Ismaɛl gyɛ. Mi do kpen ’ka dan a we ’ma lɛ lo. Mɛmalé é a a va léé, é i gyɛɛ? Judanu faa lé wo zén ékeva i punma bɛ, mɛmalé é a lé wo kini ékema yé Juda munu pɔnénu é zamaga woo?

WENÉNÉ LE JAN A GYE (Évangile selon Jean) 5:35

Jan ɛ ke kyɛbɔ lé é ke bina ’té éé blé, a nya, yé ka a a va léé, ’wo gi é nana a san va bléyi do nya.