2 Samuɛl 2:6 - Kazambale lé Sebe Sauunu 1979

⁶ Yé sin Gakelebale ’é zin valé tɔnégidrɔɔ we kɛlɛ ka lɛ ma. Kalé we kɛlɛle ’bɛ zo lé we ma lé, maa é ziin, an dan wezin kɛlɛ lɛ ka lɛ.

2 Samuɛl 2:6 ပူးပေါင်းရင်းမြစ်များ

2 Samuɛl 10:2

Yé David léé: Maa dan wezin kɛlɛ lɛ Nakas be Anun lɛ, bélé fɛan zo lé a ti wezin kɛlɛ an lɛ, a zo. Yé David é wuomunu nwunvɔ a tɔrɔpaale we ma a ti gale we ma. David wuomunu bɔ aan wo Amɔn munu lé tɛrɛ la,

2 Samuɛl 15:20

I da yese yé kyɔ maa i kɛlɛ nɔɔzan nya ko va, dɔlé ’té maabozen an ’ka an gona dɔɔa lo! ’I diéra yé ’i go i bwenu nya i va. Gakelebale ’é kɛlɛ yarapawelazan nya i lɛ yé ’é we zin kɛlɛ i lɛ ma.

2 Samuɛl 2:7

’Ka bɛ dɔ plɛplɛ ma, yé ’ka kɛlɛ nyanazannu nya ma; naa, kazan Saul ga yé Juda munu nyɔnɔ zén an nwiin léé, ’an kɛlɛ wo nwiinzan blɛn nya.

2 Samuɛl 9:3

Yé minwiinzan léé: Saul lé kɔngimi do kpen ’ka ana é ziin yé an zin kɛlɛ a lɛ Bale lé we ma loo? Yé Siba a zi pa minwiinzan lɛ léé: Jonatan be do ana é ziin, ganesuruzan nya.

2 Samuɛl 9:7

David lé a lɛ léé: Té i kana lo; naa, maa a a va léé, an wezin kɛlɛ i lɛ i ti Jonatan lé we ma. An dan i tra Saul lé tɛrɛnu faa nɔ lɛ i lɛ é ziin, yé i dan fɛ ble lɛ yifaama anlé kɔn ’léé.

Lɛrɛvɔ Sɛbɛ 57:3

An siaan lagi loru Bale lɛ, Bale lé éé wezin kɛla an lɛ, a lɛ.

Fwile 34:6

Yé Gakelebale gié a ’lɛ yé Gakelebale siaa léé: Gakelebale, Gakelebale, é a mimawe vo Bale valé nyanaizénmila Bale nya; éé we lɛbɛn‐é faa yé a bli é fli, yé zin valé yarapalale a a lee kiɛre.

Wegɔnévɔlenu 14:22

Munu lé woo gi bɔrɔan wenyané nya, wo ’ka dan saan lɛ loo? Naa, munu lé woo gi bɔrɔan wezin nya woo we kɛla bli zin valé yarapalale nya.

Matio 10:16

Ka ye, maa ka nwunvɔ bélé ’blanu zo glaunu méléna. Amalé ka gi ’é kini bélé méné zo ma, yé ’ka vo drɔɔ bélé plala zo ma.

Matio 5:44

Naa, maa lé ka lɛ léé: Ka nyanézannu ’é sɔ ka lɛ ma; munu lé woo bale paan ka ma, ’ka wo drɔɔ vo ma; ’ka wezin kɛlɛ ka zapamunu lɛ ma; munu lé woo nyané valé kle paan ka ta, ’ka bazoro wolé we ma ma.

Matio 5:7

Nyanaizénmunu a bɛan ’bɛ gi bɛ, ’bɛ a é zima wozé nya, naa, Bale é dan nyanai zén lɛ wo ta.

Jozué 2:14

Munu ’konu a zi pa a lɛ léé: Dé kanu gaan kɔɔn, ko ga ka lɛi, ’té dé i ’ka ko ta bɔra lɛ lo; yé dé Gakelebale tɛrɛ ’ko nɔ ko lɛ, ko dan ilé we kɛlɛ lɛ wezin valé yarapalale nya.

RUT (Ruth) 1:8

Yé Naomi lé é benu nanu fiénu lɛ léé: ’Ka go ka pai ka bunu va. Gakelebale ’é we zin kɛlɛ ka lɛ ma, fɛan zo lé ka kɛlɛ munu lé wo ga bɛ, ’wo valé maa lɛ, a zo ma.