2 Samuɛl 19:9 - Kazambale lé Sebe Sauunu 1979

⁹ Izraɛl bɛnnu faa gi, munu faa a za vɔna, a fele nya léé: David ko si ko nyanézannu lee, yee ɛ ko si Filisitinu lee; yé sin é fwi kolé tɛrɛ la Abusalɔm lee.

2 Samuɛl 19:9 ပူးပေါင်းရင်းမြစ်များ

2 Samuɛl 15:14

Yé David lé é wuozannu faa lé wo ke a va Jérusalɛm, wo lɛ léé: ’Ka nwa, kaa vɔ fli gi, ko ’ka bɔa sole lɛ Abusalɔm lee lo. Kaa go fiéfié; dé ’bɛ kaan lo, é dan bɔ lɛ kaa ma é kele yé é dan wenyané kɛlɛ lɛ ko lɛ yé é dan flamunu gyɛ lɛ gwɔun nya.

2 Samuɛl 18:17

Wo Abusalɔm si yé wa vuli guru blɛn gi pɔrɔ méléna yé wo gɔlɛ zun blɛn dɔ a ta. Izraɛl munu faa vlan buru yé wo go ’wolé sɔkɔn ’léé nuu.

2 Samuɛl 19:10

Yé Abusalɔm lé ko nyɔnɔ zén a nwiin, a plale ko nwiin we ma, guli a gyɛ; mɛwemalé kaa ’ka a fé léé, minwiinzan David ’é da loo?

2 Samuɛl 19:40

Minwiinzan go Gilgal vazia, ’té Kimam a a va. Judamunu faa valé Izraɛl munu lɛ do valé minwiinzan Juudɛn kini.

2 Samuɛl 22:44

I an si anlé munu lé zakɛlɛle wuo; I an dɔ bɛnnu nwiinzan nya; Migɔnɔ lé maa ’ka wo dɔɔa lo, woo plaan an wuo.

2 Samuɛl 5:20

David da Baal‐Pérasim yé é wo kele ’bɛna. A zuo é léé: Gakelebale an nyanézannu fwila an ’lɛ bélé yinu lé woo yoroan, wo zo. Bɛwemalé wo fɛkona tɔ pa Baal‐Pérasim.

Lɛrɛvɔ Sɛbɛ 18:43

An wo pun dɔa bélé vungoi lé fu éé goo a nya, a zo. An wo zɔn‐o bélé fla zinu ta voli zo.

Fwile 32:24

Maa lé wo lɛ léé: Munu lé kyan ke wo lee, ’wa si wo ma. Yé wa nɔ an lɛ, yé maa a vuli kyɛ va, yé diriné ’ko bɔra.

1 Samuɛl 17:50

’Bɛ zo lé David mini Filisiti mi ta paalu gi gɔlɛ nya; é a kele yé é a gyɛ, ’té gwɔun ’ka a lee lo.

1 Samuɛl 18:25

Saul léé: ’Ka fe David lɛ léma: Minwiinzan mawe ’ka lebogɔɔli gi lo; naa, é a a va léé, ’é Filisitinu gɔnédɔna kɔlɛ kuru yɔ soru ye, ’é lɛgi pale é nyanézannu ma we gi. É a Saul gi léé, Filisitinu é dan David gyɛ lɛ.

1 Samuɛl 19:5

é bli si é ga lɛ, é Filisiti mi gyɛ yé Gakelebale Izraɛl faa si we blɛn gi. Bé ye, yé i gi nana a we ma. Mɛmalé i dan wenyané kɛlɛ lɛ mi zin lɛ yé i David gyɛ é boaa?