2 Samuɛl 18:24 - Kazambale lé Sebe Sauunu 1979

²⁴ David a é nyanale flagɔrɔ ’léé fié méléna. Fla taginizan go flagɔrɔ ta loru, flagɔrɔ ’léé gwa ta; é yara nwa yé é a nagini, ’té mi do éé dan vlan nya.

2 Samuɛl 18:24 ပူးပေါင်းရင်းမြစ်များ

2 Samuɛl 13:34

Abusalɔm vɔ fli gi. Fla tagini pɛniɛ é yara nwa yé é a nagini. Yé bé ye, mi palu blɛn a dana, zi lé ke a zuo, gɔ nyé zunna, a ta.

2 Samuɛl 18:23

Akimaas lé é ziin léé: ’I an vo, é sɔ an lɛ léé, ’an vlan buru. Yé Joab lé a lɛ léé: ’I go. Akimaas vlan buru fɛna pɛblɛɛna zia yé é gié Kusi ta.

2 Samuɛl 18:25

Fla taginizan siaa, yé é a fe minwiinzan lɛ. Minwiinzan léé: Dé é a é do, ’té é da we zuo fe lɛ. Yé mi ’ko vo vlan buruna, ’té éé biéan.

2 Samuɛl 18:4

Minwiinzan a zi pa wo lɛ léé: We lé é dɔ ka gi we zima nya, maa kɛla. Yé minwiinzan dɔ flagɔrɔ ’léé, ’té munu éé bɔraan mi yɔ soru palu valé mi wuru soru palu nya.

2 Samuɛl 19:8

Yé minwiinzan nwa yé é nyana flagɔrɔ ’léé. Yé wo lé munu faa lɛ léé: Ka ye, minwiinzan a é nyanale flagɔrɔ ’léé. Yé munu faa da minwiinzan va. Naa, Izraɛl munu fwila yé wo go wolé sɔkɔn ’léé nuu.

1 Samuɛl 4:13

É bɔ Éli ma wo lɛbɛnna, ’té é a é nyanale blin ta zi sɔnɔ, naa, é a Bale lé kɛsu gi bɔrɔ pana. Dé mi ’ko bɔra fla tɔɔn, é we zuo fe yé flamunu faa kun siaale ma.