2 Samuɛl 18:17 - Kazambale lé Sebe Sauunu 1979

¹⁷ Wo Abusalɔm si yé wa vuli guru blɛn gi pɔrɔ méléna yé wo gɔlɛ zun blɛn dɔ a ta. Izraɛl munu faa vlan buru yé wo go ’wolé sɔkɔn ’léé nuu.

2 Samuɛl 18:17 ပူးပေါင်းရင်းမြစ်များ

2 Samuɛl 19:5

Kɔn lé minwiinzan ke a gi, Joab wɔra ’bɛna yé é léé: Bii koo, i benu koo, i lunu koo, i nanu koo, i bwɛnu koo, i wuozannu lé wo ka faa lé tɛrɛla si we gi, i wo faa gyɛ yara nya kyɔ.

2 Samuɛl 19:8

Yé minwiinzan nwa yé é nyana flagɔrɔ ’léé. Yé wo lé munu faa lɛ léé: Ka ye, minwiinzan a é nyanale flagɔrɔ ’léé. Yé munu faa da minwiinzan va. Naa, Izraɛl munu fwila yé wo go wolé sɔkɔn ’léé nuu.

2 Samuɛl 19:9

Izraɛl bɛnnu faa gi, munu faa a za vɔna, a fele nya léé: David ko si ko nyanézannu lee, yee ɛ ko si Filisitinu lee; yé sin é fwi kolé tɛrɛ la Abusalɔm lee.

2 Samuɛl 20:1

Mi ple do ana bɛ, Bɛnjamɛn mi Bikri be lé wa laama Sééba, yee lé. É béli fɛn yé é léé: Kozé ’ka David va lo, kolé zarafɛ ’ka Izai benu va lo! Izraɛlmunu, ’ka faa é go kalé sɔkɔn ’léé.

2 Samuɛl 20:22

Yé lezan go munu va élé wedɔɔle nya; yé wo Bikri be Sééba ’wuo kini yé wa vuli Joab lɛ. Joab béli fɛn; wo si fla ma, yé wo faa go ’wolé sɔkɔnnu ’léé. Yé Joab nɔla Jérusalɛm minwiinzan va.

2 Minwiinzannu 14:12

Izraɛlnu Judanu kele, yé wo vlanburu ’wolé sɔkɔn ’léé do do.

2 Minwiinzannu 8:21

Joram go Saii élé goro faa nya é va; é nwa é béli yé Édom munu lé wa zi lɛ sɔɔ, é wo gyɛ, wo valé ’wolé gorovɔzannu nya, yé munu vlan buru wolé sɔkɔnnu ’léé.

Wegɔnévɔlenu 10:7

Mi tegele sele dɔle mi gi éé mi drɔɔ voo, naa, mi nyanénu tɔ éé sɛra.

Bélidɔwesɛbɛ Fiézan 21:20

Wo dan a fe lɛ fla mi segelenu lɛ léé: Ko be lé ke ’ko, é ’ka mi zin nya lo yé alé we ma a plɛplɛ; é ’ka é tɔné dɔa ko dére lɛ lo; ébo no wevɔnle valé nwɛ tanle lɛ.

Bélidɔwesɛbɛ Fiézan 21:21

Yé alé flamunu faa é dan gɔlɛ vuli lɛ a va yé é ga. ’Bɛ zo lé ka wenaané si ka méléna, Izraɛl munu faa lé a ’male valé kanale we gi.

Jozué 10:27

Yiri bɔ pɔrɔ la aan wo, Jozué lé wo lɛ léé, ’wo wo si yili la, yé ’wo wo vuli gɔmaguru lé wo ke é yɔɔle a gi kɔɔn, a gi, yé ’wo gɔlɛ blɛnnu dɔ gɔmaguru ’léé, yé wo vo ana fɔɔ kyɔ.

Jozué 7:26

yé wo gɔlɛ zun blɛn dɔ Akan ta yé é vo ana fɔɔ kyɔ. Yé Gakelebale daan élé bliflile blɛn ma. We ’ko lé we ma lé wo fɛkona tɔ pa Akɔɔ gɔnu worona fɔɔ kyɔ yi nya.

Jozué 8:29

É Ai nwiinzan dun yili ma yé wa vo fɔɔ yé nyanadi pa a ma. Dé yiri vɔ, Jozué léé, ’wa gale zun; yé wa vuli flagɔrɔ ’léé, yé wo gɔlɛ zun blɛn dɔ a ta, yé é vo ana fɔɔ kyɔ.

1 Samuɛl 4:10

Yé Filisitinu guli dan yé wo Izraɛl kele. Wo fwila yé wo go ’wolé sɔkɔnnu gi do do. Wo wo gyɛ é baba yé Izraɛl lé ganelamunu ga mi baa vu ta soru.