2 Samuɛl 17:23 - Kazambale lé Sebe Sauunu 1979

²³ Asitofɛl a ye aan wo léé, wo ’ka tawo lɛ élé weplale yɛrama lo, é nyanatafɛ pla élé sokofale punu yé é go élé kɔn ’léé élé fla. É é dére vo élé kɔngimunu va, yé ébo dun. ’Bɛ zo lé é ga yé wa pa é ti lé mipana.

2 Samuɛl 17:23 ပူးပေါင်းရင်းမြစ်များ

2 Samuɛl 15:12

Bléyian va lé Abusalɔm a Bale banna é mi nwunvɔ Gilo léé, ’wo da we pla David lɛzan Gilo mi Asitofɛl nya ’é va. Gipamima we ’ko kɛlɛ plɛplɛ yé mi gu lé wo go Abusalɔm va, wo taa vo zénna a va.

2 Samuɛl 15:31

Wo da a fe lɛ David lɛ léé: Asitofɛl a gipamimawe kɛlɛzannu va mi do nya Abusalɔm va. Yé David léé: Oo Gakelebale, ’i Asitofɛl lé weplale kɛlɛ boawe nya.

2 Samuɛl 16:23

’Bɛ bléyi va, wenu lé Asitofɛl a plaan mi lɛ, wa plɛplɛ bélé Bale bozen dére zo. Dé David lɛ léé, dé Abusalɔm lɛ léé, a zo lé Asitofɛl lé weplale ke.

2 Samuɛl 17:22

David valé é vamunu faa nwa yé wo Juudɛn yuu kini; tu kini bléyi va, mi lé é ’ka Juudɛn kini lɛ lo, ’bɛzan ’ka lo.

1 Minwiinzannu 16:18

Zimri a ye aan wo léé, wo fla si, é go minwiinzan blɛn lé kɔn gi guliyɔɔkɔn gi yé é minwiinzan lé kɔn kyɛ vɔ ébo la.

2 Minwiinzannu 20:1

’Bɛ bléyi va, Ézékia gyɛ kɛlɛ gagyɛ nya. Balelayezan Amosi be Ézai da a va yé é lé a lɛ léé: Gakelebale léma: I dan ga lɛ, i ’ka dan vo lɛ é yuɛma é dɛrɛ lo, amalé ’i dére vo ilé kɔngimunu va.

JOB (Job) 31:3

Mi nyanéan a guru éé zanaan a gi loo? Munu lé woo weple kɛla, wo ma‐an we tɔntɔn éé bɔa loo?

Lɛrɛvɔ Sɛbɛ 109:20

Gakelebale, ’i we lɛgi pa an nyanézannu ma a zo ma, Wo valé munu lé woo weple fé an ma, wo nya.

Lɛrɛvɔ Sɛbɛ 5:10

Naa, dére tegele do kpen ’ka sié wo ’léé lo, Wo bli a é fanle mi blifliwe nya, Wo bɔrɔ gi a mi vun lɛ sole nya, Yé blaanépadérenu a wo nɛnɛ ta.

Lɛrɛvɔ Sɛbɛ 55:23

’Ilé we bɛ pa Gakelebale lee yé é dan bɔ lɛ i va, É ’ka dan mi tegele vo lɛ léé, é saan lo.

Wegɔnévɔlenu 16:18

Kulugale éé dan bo tɔbɔle zuo; saanle éé dan bo blɛn zuo.

Wegɔnévɔlenu 19:3

Mi lé tavowe éé mi giébɛ sɛra, yé Gakelebale ma lé a bli éé flian.

Ézai 38:1

’Bɛ bléyi va, Ézékia gyɛ kɛlɛ gagyɛ nya. Balelayezan Amosi be Ézai da a va yé é lé a lɛ léé: Gakelebale léma: I dan ga lɛ, i ’ka dan vo lɛ é yuɛma é dɛrɛ lo, amalé ’i dére vo ilé kɔngimunu va.

Matio 27:5

Judas gɔɔlifu nwɛɛn Balebangikɔn gi yé é go ébo dun lɛ.