2 Samuɛl 16:23 - Kazambale lé Sebe Sauunu 1979

²³ ’Bɛ bléyi va, wenu lé Asitofɛl a plaan mi lɛ, wa plɛplɛ bélé Bale bozen dére zo. Dé David lɛ léé, dé Abusalɔm lɛ léé, a zo lé Asitofɛl lé weplale ke.

2 Samuɛl 16:23 ပူးပေါင်းရင်းမြစ်များ

2 Samuɛl 15:12

Bléyian va lé Abusalɔm a Bale banna é mi nwunvɔ Gilo léé, ’wo da we pla David lɛzan Gilo mi Asitofɛl nya ’é va. Gipamima we ’ko kɛlɛ plɛplɛ yé mi gu lé wo go Abusalɔm va, wo taa vo zénna a va.

2 Samuɛl 15:31

Wo da a fe lɛ David lɛ léé: Asitofɛl a gipamimawe kɛlɛzannu va mi do nya Abusalɔm va. Yé David léé: Oo Gakelebale, ’i Asitofɛl lé weplale kɛlɛ boawe nya.

2 Samuɛl 17:1

Asitofɛl lé Abusalɔm lɛ léé: I zi nɔ an lɛ léé, an mi baa suiɛdo si a va. An dan nwa lɛ yé an dan David zuo bin lɛ é béli ’ko.

2 Samuɛl 17:14

Abusalɔm valé Izraɛl munu faa léé: Aaki mi Usai lé weplale fila vɔ é mini Asitofɛl zé ta. Naa, é a Gakelebale gi léé, ’é Asitofɛl lé weplale zima kɛla we pla nya, wenaané bɔle Abusalɔm ma we gi.

2 Samuɛl 17:23

Asitofɛl a ye aan wo léé, wo ’ka tawo lɛ élé weplale yɛrama lo, é nyanatafɛ pla élé sokofale punu yé é go élé kɔn ’léé élé fla. É é dére vo élé kɔngimunu va, yé ébo dun. ’Bɛ zo lé é ga yé wa pa é ti lé mipana.

JOB (Job) 28:28

Yé é lé blami lɛ léé: I a yé loo? Kanale Mizan lee lé ke wedɔɔle nya, Sile wenaané ma baa ɛ ke gikinile nya.

JOB (Job) 5:12

We lé é dɔ dablizan gi léé, ’é dan kɛlɛ lɛ, Bale a kɛla we pla nya, Yé a lɛ ’ka sɔɔan a lɛ lo;

Lɛrɛvɔ Sɛbɛ 19:7

Éé nwaan la glɛ do sina, Yé élé vlanburule ’wuo plaan a glɛ koɛzan ta; Yé fɛan a bile plɛplɛ ’ka ’naan ’bɛ ma lo, ’bɛ fɛ ’ka lo.

Lɛrɛvɔ Sɛbɛ 28:2

Dé maa an bɛnu nwa ilé kɔn sauun vazia, Dé an siaa i lɛ, ’i tɔné dɔ anlé nyanainya dére lɛ.

Bale Lé We Gifezan 10:1

Nyɔnɔtoro galenu éé lasikɔrɔ kɛlɛzan lé nyɔnɔ tɔn dɔa; yé ’tugyɛwe sɛné éé wedɔɔle valé tɔbɔle sɛra.

Jérémi 4:22

Naa, weboen lé, anlé munu ’wuo ’ka wo ta lo, wo ’ka an dɔɔa lo, Wo ta a é vole, wo gi do kpen ’ka é kinile lo. Weple saa lé wa kɛla, Naa, wo ’ka bɔa wezin do kpen kɛlɛle lɛ lo.

Jérémi 8:9

Yara wedɔɔmunu gyɛ; di kini wo gi yé wo wo kun. Wo nyé yélié Gakelebale dére ma. Wedɔɔle kaa ɛ ke wo lee?

Mi Nɔnɔle 27:21

É a lé é go Balebanzan Éléazaa va, yé ’bɛ é dan alé wenu laa lɛ urim lee Gakelebale ’lɛ, yé ’bɛ é dan a ma we fe lɛ, yé Jozué koo, Izraɛl munu faa koo, wo dan go lɛ Éléazaa dére ta, yé wo dan da lɛ a dére ta.

Matio 11:25

’Bɛ bléyi va, Jézu kun wefele ma yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ Wedɔɔzannu valé ’wuoatazannu ma, yé i wo nagɔɔn nénu lɛ.

WENÉNÉ LÉ LUK A GYE (Évangile selon Luc) 16:8

Kɔnzan é leegɔné ple ’ko tɔ zin fe léé, a gi kini. Naa, tɛrɛ ’ko lamunu gi kini wozé bléyi va é mini munu lé wo va ke é kinile, wo ta.

Rom munu 1:22

Wo ’wobo ze vɔ léé, ’wo ɛ we dɔɔ yé wo kinin ’tugyɛzannu nya,

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

1 Samuɛl 30:8

Yé David we laa Gakelebale lee léé: ’An go sunyanu palu ’ko zuoo? Maa dan a dɔ lɛ wo maa? Gakelebale lé a lɛ léé: ’I go wo zuo, naa, i dan a dɔ lɛ wo ma, yé i dan munu si lɛ wo lee.