2 Samuɛl 16:21 - Kazambale lé Sebe Sauunu 1979

²¹ Yé Asitofɛl lé Abusalɔm lɛ léé: I ti bwɛnu lé é wo vo kɔn ta yuɛpazannu nya, ’i go wo va; ’bɛ zo lé Izraɛl faa é dan a gi dɔɔ lɛ léé, i gin dɔ i ti nyé gi yé i vamunu bli ta é dan dɔ lɛ plɛplɛ.

2 Samuɛl 16:21 ပူးပေါင်းရင်းမြစ်များ

Wepélisiananu 34:30

Jakɔb lé Siméɔn valé Lévi lɛ léé: Ka an sɛrɛ yé ka an gin dɔ tɛrɛ ’ko la munu nyé gi, Kanaannu valé Férézinu nyé gi. An vamunu ’ka kiɛre lo. Wo dan zén lɛ ékeva an ma yé wo dan an bla lɛ yé wo dan an kulu ga lɛ, maa valé anlé munu nya.

Wepélisiananu 35:22

Bléyian va lé Izraɛl a tɛrɛ ’ko la, Rubɛn go yi gyɛ lɛ é ti wuozan Bila va. Yé Izraɛl a we ’ma. Jakɔb benu a mi vu ta fié.

Wepélisiananu 38:16

É bɔ a ma zia, yé é léé: ’I zi nɔ an lɛ an yi gyɛ i va. É ’ka a gi dɔɔ lɛ léé, ’é be na lé lo. Yé ’bɛ léé: I dan mɛ fɛ nɔ lɛ an lɛ yé i yi gyɛ an vaa?

Wepélisiananu 6:4

’Bɛ bléyi va, ’té gɔné glaliglalinu a tɛrɛ la. Yé ’bɛ zuo é ziin, dé Bale benu go munu lunu zuo, yé ’bɛnu né yaa wo lɛ, wolé nénu kɛlɛ nyanazannu nya, yé wo ɛ tɔ ye é li.

2 Samuɛl 10:6

Amɔn munu a ye aan wo léé, ’wo gin dɔ David nyé gi, wo sunyanu laa léé, ’wo da bɔ ’wo va yé ’wo wo banwo; Bɛt‐Réob Sirimunu valé Tesoba Sirimunu lé gane la tawo sunyanu a baa vu; Maaka nwiinzan lé munu a mi wuru soru, yé Tob lé munu a mi baa suiɛdo.

2 Samuɛl 12:11

Gakelebale léma: Bé ye, maa dan wenyané bɔ lɛ i ma izé kɔngizan nya, yé maa dan i nanu si lɛ i yuɛ va yé maa dan wo nɔ lɛ mi bɛ lɛ yé é dan yia lɛ wo va yiri la.

2 Samuɛl 13:5

Jonadab lé a lɛ léé: ’I yia yé ’ibo kɛlɛ gyɛkɛlɛzan zo. Dé i ti da we lɛ i va, bé fe a lɛ léé, ’é zi nɔ i zuané Tamaa lɛ léé, ’é da fɛ nya i lɛ; ’é da fɛ dɔne i yuɛ va, yé i fɛ si a lee iboan.

2 Samuɛl 15:16

Minwiinzan bɔra yé alé kɔngimunu faa go a zuo yé é bwɛ vu vo yuɛ pale kɔn ta we gi.

2 Samuɛl 16:20

Abusalɔm lé Asitofɛl lɛ léé: ’Ka ka va we ble; ko kɛla kaa?

2 Samuɛl 17:7

Usai a zi pa Abusalɔm lɛ léé: Gɔnɔ do ’ko zé nya, Asitofɛl lé weplale ’ka é zima lo.

2 Samuɛl 2:7

’Ka bɛ dɔ plɛplɛ ma, yé ’ka kɛlɛ nyanazannu nya ma; naa, kazan Saul ga yé Juda munu nyɔnɔ zén an nwiin léé, ’an kɛlɛ wo nwiinzan blɛn nya.

2 Samuɛl 20:3

David wɔra élé kɔn gi Jérusalɛm. A bwɛ vu lé é wo vo kɔn taginile we gi, é wo pa fɛana lé wo vo wo saa, ana; é wolé fɛ nɔ wo lɛ, naa, é ’ka go lɛ wo va lo yé wo vo ana bélé zanagala lomu zo, fɔɔ yé wo ga.

1 Minwiinzannu 11:25

É kɛlɛ Izraɛl nyanézan nya Salomɔn lé tɛrɛ la faa gi, ’té Adad éé wenyané kɛla Salomɔn lɛ a bléyi duo nya. Izraɛl za a a gi, yé é pla Siri munu nwiin.

1 Minwiinzannu 2:17

’Bɛ léé: Bé fe. Yé é léé: Ilé zanté, bé fe minwiinzan Salomɔn lɛ léé, ’é Sunɛm le Abisag nɔ an lɛ an na nya, naa, é ’ka dan a fe lɛ bii lɛ gba lo.

1 Minwiinzannu 2:22

Minwiinzan Salomɔn a zi pa é bu lɛ léé: Mɛmalé i Sunɛm le Abisag ma laa Adonija zé nyaa? ’I kɛlɛle minwiinzan nya se ma laa azé nya é ziin. Naa, é a an bwe nya . . . yee koo, Balebanzan Abiataa koo, Séruja be Joab koo, bé ma laa wo faa zé nya.

Lévinu 18:8

Té i ti na poro lo. I ti zé bɛ.

Lévinu 20:11

Dé mi do wenyané kɛlɛ é ti na va, dé é ’é ti na porole ye ’bɛ zo, ’wo we lɛdɔ gɔné ’ko valé le ’ko gi ga nya; wo nyɛ a wobo nwiin.

Zakari 8:13

’Kaa Juda valé Izraɛl munu, fɛan zo lé ka kɛlɛ balepamazannu nya bɛnnu méléna, a zo lé maa dan ka si lɛ we gi, yé maa dan ka drɔɔ vo lɛ. Té ka kana lo, ka bɛ ’é dɔ plɛplɛ ma.

1 Korent munu 5:1

Maa a ’ma gɔnɔ kiɛre nya léé, pɛnpɛnnégyɛle a ka méléna. Pɛnpɛnnégyɛle ’ko a lɛrɛlɛrɛ é mini yolémunu zé ta; yee lé ke léé, ka va mi do é yaati na si.

1 Samuɛl 13:4

Izraɛl faa a ’ma léé, wa fena léé, Saul lé guli bɛ dia Filisitinu sunya palu do ta, yé Izraɛl gin dɔ Filisitinu nyé gi. Yé wo munu laa léé, ’wo go Saul va Gilgal.

1 Samuɛl 27:12

Akis bli vo David lɛ, yé é a fena léé: Ébo gin dɔ élé munu Izraɛl nyé gi, yé é dan kɛlɛ lɛ an wuozan nya lɛɛfaama.