2 Samuɛl 15:30 - Kazambale lé Sebe Sauunu 1979

³⁰ David Ɔlivigɔ gié. É a gié wuvɔle nya, ’té sɔ a é zénle a ’wuo ma, ’té sawala ’ka a gane ma lo; a vamunu faa sɔ zén ’wo ’wuo ma é ziin, yé wo gɔ gié wuvɔle nya.

2 Samuɛl 15:30 ပူးပေါင်းရင်းမြစ်များ

2 Samuɛl 15:29

’Bɛ zo lé Sadɔk valé Abiataa diéra Bale lé kɛsu nya yé wo goan Jérusalɛm yé wo vo ana.

2 Samuɛl 19:4

Minwiinzan é yara yɔɔ, ’té éé siaan dére plɛplɛ nya léé: An be Abusalɔm! Abusalɔm, an beoo, an be!

2 Samuɛl 19:5

Kɔn lé minwiinzan ke a gi, Joab wɔra ’bɛna yé é léé: Bii koo, i benu koo, i lunu koo, i nanu koo, i bwɛnu koo, i wuozannu lé wo ka faa lé tɛrɛla si we gi, i wo faa gyɛ yara nya kyɔ.

Esitɛɛ 6:12

Maadosé go é pa gi minwiinzan blɛn lé gɔrɔ ’léé, yé Aman go é kele élé kɔn ’léé, é bli kyɛ dɔle nya, ’té sɔ a é zénle a ’wuo ma.

Lɛrɛvɔ Sɛbɛ 42:3

Bale, Bale yuɛmale, i lɔrɔ an boen gya. Mɛ yi la léé, maa dan go lɛ yé maa Bale yara yee?

Lɛrɛvɔ Sɛbɛ 43:5

An boen, mɛmalé i fuu éé sié i ta yé i dunnuma an gii? I bli ’é vo Bale lɛ; naa, maa dan a tɔ zin fe lɛ é ziin, Yee ɛ ke an Siéwegizan valé anlé Bale nya.

Ézékiɛl 24:17

’I bawuruma flin wo drɔɔ; té i mi galenu gyɛ bo lo; ’ilé nɔɔn vuru i ’wuo ma, ’ilé sawala wo i gane ma; té i puomagun yɔɔ lo, yé té i mi bɛnu lé fɛ ble lo.

Ézékiɛl 24:23

kalé nɔɔnnu é dan vo lɛ é vurule ka ’wuo ma, yé kalé sawalanu é dan vo lɛ ka gane ma; ka ’ka dan gyɛ wuvɔ lɛ lo yé ka ’ka dan wuvɔ lɛ lo; maa dan fuunégyɛ vɔ lɛ ka ma kalé weplenu lé we ma, yé ka dan dunnu lɛ ka ke va. Ézékiɛl é dan kɛlɛ lɛ tɔmase nya ka lɛ.

Zakari 14:4

’Bɛ yi nya a ganenu é dan dɔra lɛ ɔlivigɔ lé ke Jérusalɛm yara yirinwanazia, a nwiin, ɔlivigɔ fén é dan gyɛ lɛ é méléna, é sia yirinwanazia yé é bɔ yirivɔnazia yé a worona é dan kɛlɛ lɛ blɛn. Gɔ ’ko fee do é dan bié lɛ yirinwana bɛbolazia, yé a fee do é dan bié lɛ yirinwana bɛyilazia.

Matio 5:4

Gikyɛdɔmunu a bɛan ’bɛ gi bɛ, ’bɛ a é zima wozé nya, naa, Bale é dan wo tɔrɔ paa lɛ.

WENÉNÉ LÉ LUK A GYE (Évangile selon Luc) 19:29

É bɔ aan wo Bɛtfajé valé Bétani sɔnɔ, Ɔlivi gɔ ma zia, Jézu é zuomi fié nwunvɔ a fele nya léé:

WENÉNÉ LÉ LUK A GYE (Évangile selon Luc) 19:37

Wo bɔ aan wo Ɔlivi gɔ zunna, a zuomunu gu gi nanale sia yé wo kun Kazambale tɔ zin fele ma dére plɛplɛ nya, gyɛzorowenu faa lé wo wo ye, wolé we ma,

WENÉNÉ LÉ LUK A GYE (Évangile selon Luc) 19:41

Wo bɔ aan wo fla sɔnɔ Jézu fla ye, yé é kun wuvɔle ma alé we ma,

WENÉNÉ LÉ LUK A GYE (Évangile selon Luc) 21:37

Jézu éé we paan munu gi Balebangikɔn gi é yiéyi, yé é béli éé goo yii lɛ gɔ lé wa laama Ɔlivi gɔ, a nwiin.

WENÉNÉ LÉ LUK A GYE (Évangile selon Luc) 22:39

É bɔra aan wo yé é go Ɔlivi gɔ nwiin a kɛlɛbɛ kyɛn zo. ’Té a zuomunu a a va.

Kelewenu 1:12

Gɔ lé wa laama Ɔlivi gɔ, ’té é ke é sile Jérusalɛm ma kilo do, flinyi do lé tawole yɛrama bɛ, wo si a nwiin yé wo go Jérusalɛm.

Rom munu 12:15

Ka gi ’é nana, munu lé wo gi ke é nanale, wo va ma. ’Ka wuvɔ, munu lé wo ke wuvɔna, wo va ma.

1 Korent munu 12:26

Yé dé kɔlɛvafɛ do a nyané blena, ’té kɔlɛvafɛnu faa éé nyané blé a va. Yé dé wo kɔlɛvafɛ do tɔ bɔ, ’té kɔlɛvafɛnu faa gi éé nanaan a va.