2 Samuɛl 15:25 - Kazambale lé Sebe Sauunu 1979

²⁵ Minwiinzan lé Sadɔk lɛ léé: ’Ka go Bale lé kɛsu nya fla. Dé Gakelebale zi kɛlɛ an lɛ, é dan da lɛ an nya é ziin yé an dan an yuɛ dɔ lɛ kɛsu valé é dɔrana ma é ziin.

2 Samuɛl 15:25 ပူးပေါင်းရင်းမြစ်များ

2 Samuɛl 6:17

Yé wo da Gakelebale lé kɛsu nya yé wa dɔra ’é dɔrana, sɔkɔn lé David a dɔ azé nya, a méléna; balebanwi lé wa kyɛ blé, é valé bɔvɔ sarakanu, David wo bo Gakelebale lɛ.

2 Samuɛl 7:2

é lé balelayezan Natan lɛ léé: Bé gini do. Maa a é nyanale sɛdrɛyili kɔn gi, ’té Bale lé kɛsu a sɔkɔn wuo.

Lɛrɛvɔ Sɛbɛ 122:1

Gɔ gié lɛrɛ do lé. David zé lé. Dé wa fé an lɛ léé, Kaa go Gakelebale lé kɔn gi, an gi éé nanaan.

Lɛrɛvɔ Sɛbɛ 122:9

Gakelebale, kozé Bale lé kɔn lé we ma, An bli a a lɛ léé, ilé we ’é kɛlɛ é sɔke.

Lɛrɛvɔ Sɛbɛ 26:8

Gakelebale, nyanale ilé kɔn gi sɔ an lɛ, Ilé fuasan nyanana sɔ an lɛ.

Lɛrɛvɔ Sɛbɛ 84:10

Biian i ke ko takuunzan nya, oo Bale, bé ye, ’Ilé nyɔnɔzénnwiinzan yara nagini.

Fwile 15:13

Ilé nyanai zénle nya lé i go munu ’ko nya, A nya lé i wo si we gi; Ilé plɛplɛ nya lé I nyanana sauun lé zi gɔɔn wo é lɛ.

Fwile 33:12

Moizi lé Gakelebale lɛ léé: Maa léma: bii lé an lɛ léé, ’an go munu ’ko nya. Yé dé i dan mi kyɛn pa lɛ an vaa? i ’ka a fe lɛ an lɛ lo, dɔlé té bé fe léé, ’é an dɔɔ an tɔ nya, yé ’é an ye mi zin nya ’é yuɛi.

Fwile 33:13

Sin, dé maa i yuɛi bɔ, ’i giébɛnu gɔɔn an lɛ; ’bɛna lé maa dan i dɔɔ lɛ, yé maa dan kɛlɛ lɛ mi zin nya i yuɛi. ’I gi bɔrɔ léé, bɛn ’ko a ilé munu nya.

Ézai 38:22

Yé Ézékia a fe kɔɔn léé: Tɔmase kaa nya lé maa dan a gi dɔɔ lɛ léé, maa dan go lɛ Gakelebale lé kɔn gii?

Jérémi 25:30

Yé bii Jérémi, i dan we ’konu faa fe lɛ wo lɛ balelawefele nya; bé fe wo lɛ léma: Gakelebale é dan siaa lɛ la gi plɛplɛ, É dan siaa lɛ é nyanana sauun na, yé a dére zuogi é go wele nya; É dan siaa lɛ plɛplɛ é nyanana ma, É dan siaa lɛ tɛrɛlamunu faa ta, Bélé munu lé woo dɔrɔ zɔn‐o wo gane nya, wo zo.

Jérémi 7:4

Dablidére lé wa fé léé: Fɛkona a Gakelebale lé kɔn nya, é a Gakelebale lé kɔn nyaoo kɔn nya, té ka bli é vo ’bɛ lɛ lo.