2 Samuɛl 13:28 - Kazambale lé Sebe Sauunu 1979

²⁸ Abusalɔm é wuomunu faa béli dɔ léé: ’Ka yuɛ pa Aminɔn va, yé dé a gi nana nwɛ minile ma, dé maa fe ka lɛ léé, ’ka Aminɔn gyɛ, ’ka gyɛ; té ka kana lo; maa‐an maa fe loo? ’Ka dɔ gligli yé ’ka gɔnéwe nagɔɔn.

2 Samuɛl 13:28 ပူးပေါင်းရင်းမြစ်များ

Wepélisiananu 9:21

Yé é dɔrɔ mini yé dɔrɔ a gyɛ yé é sɔ si ’é ta ’élé sɔkɔn wuo.

2 Samuɛl 11:13

David a laa fɛblele ma é va, yé é a gyɛ nwɛ nya; é béli, Uri bɔra yé é yii ézan wuomunu va, naa, é ’ka go lɛ élé kɔn ’léé lo.

2 Samuɛl 11:15

É sɛbɛ gyɛ léé: ’I Uri dɔ fɛana lé guli ke plɛplɛ, ana, yé ’ka si a zuo yé wa gyɛ yé é ga.

2 Samuɛl 12:10

Sin, i sɔn vɔ an ma, yé i Éti mi Uri na si i na nya, amalé gwɔun ’ka dan si lɛ ilé kɔn ma monomono lo.

2 Samuɛl 13:27

Abusalɔm a tunu, amalé minwiinzan zi nɔ é benu faa valé Aminɔn lɛ léé, ’wo go a va.

2 Samuɛl 14:6

I wuozan be a fié; wo we sia féi yé wo kini ékemazan ’ka lo; a do é bɔluzan gyɛ yé é ga.

1 Minwiinzannu 20:16

Wo bɔra é yiéyi. Bɛn‐Adad a nwɛ minina fɔɔ yé nwɛ a gyɛ sɔkɔnnu wuo, minwiinzannu yɔ do wɔlɛ vu ta fié lé wo da bɔ lɛ a va, wo va.

Esitɛɛ 1:10

Miblale sɔrafié ana, woo minwiinzan blɛn Asuérus lé nyanama paan. Méuman koo, Bizta koo, Aabona koo, Bigita koo, Abagita koo, Zétaa koo, Kaaka koo, woo lé. Minwiinzan blɛn dɔrɔ minile sia é bɔ a yi sɔrafiézan ma, ’té nwɛ a a gyɛna yé a gi nana.

Lɛrɛvɔ Sɛbɛ 104:15

Yé nwɛ lé éé mi gi nanaan, Yee valé nyɔnɔ lé éé mi yara kɛla yɔrɔyɔrɔ, éé wo bɔraan, É valé buru lé éé mi dɔa plɛplɛ, wo nya.

Fwile 1:18

Éjipiti mununwiinzan blɛn dɔtrɔlomu laa yé é lé wo lɛ léé: Mɛmalé ka kɛlɛ ’bɛ zo yé ka nénu vo é yuɛmaa?

Bale Lé We Gifezan 10:19

Woo fɛ blé zanagyɛle we ma, dɔrɔ éé mi gi nanaan, yé gɔɔli éé we faa lɛ sɔɔan.

Bale Lé We Gifezan 9:7

’I go, ’ilé fɛ ble ginanale nya, ’ilé nwɛ mini ginanale nya; naa, Kazambale i kɛlɛwe nyi si é kyɛn.

Daniɛl 5:30

’Bɛ yi duo nya é béli, wo Kaldé munu nwiinzan blɛn Bɛlsasaa gyɛ.

Naum 1:10

Naa, kyɛ é dan wo ble lɛ Bélé lɔɔ gale zo tata. Wa é vurule ékema bélé lélinu zo, Bélé munu lé nwɛ éé wo gya, wo zo, azama.

WENÉNÉ LÉ LUK A GYE (Évangile selon Luc) 21:34

’Ka yuɛ pa kabozen va, dé ka zuru bɛn é da dɔ fɛblele kiɛre koo, nwɛ tanle koo, tɛrɛ la gibɔrɔlenu koo, wo nya, yé ’bɛ yi é bɔra ka ma fiaa bélé pɔgyɛséli zanale zo pɔnu ta;

Kelewenu 5:29

Piɛrinu léé: É a lé wo Kazambale lɛdɔma yé ’bɛ é mini munu ta.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Weblezannu 19:22

Wo gi a é nanale bléyian va, bé ye, flamunu, mi vɔnlenu, wo kɔn zi lɛ sɔɔ yé wo duoli gyɛ, yé wo lé kɔnzan, gɔné kwa, lɛ léé: Gɔnézan lé é da i va, bé bɔra ’ko, kolé a dɔɔle gɔné nya we gi.

Weblezannu 19:6

Yé wo nyana yé wo fiénu fɛ ble yé wo fɛ mini ékeva. A zuo le boroné ti lé a zana lɛ léé: ’I yii é ziin, yé i gi ’é nana.

Weblezannu 19:9

A lu zana nwa gole we gi é na valé é wuozan nya; naa, a na ti, le boroné ti lé a lɛ léé: Bé ye, nyanadi pa, yiri bɔ baa, amalé ’i yii; bé ye, yiri bɔ pɔrɔ la, ’i yii ’ko yé i gi ’é nana; tɛlɛ, ’ka nwa bladi tutu yé ’ka zi sia yé i go ilé sɔkɔn ’léé.

RUT (Ruth) 3:7

Boaz fɛ ble yé é fɛ mini yé a gi nana. É go yia lɛ ’sazun zi zia. Rut da wɔɔɔ, é sɔ wuo vɔ a gane ma yé é yia.

1 Samuɛl 18:22

Saul a fe é wuozannu lɛ léé: ’Ka we fe kyeen gi David lɛ, yé ’ka fe a lɛ léé: Bé ye, minwiinzan bli a é zima i vazia, yé i sɔ a wuomunu faa lɛ; amalé sin, ’i kɛlɛ a lu zana nya.

1 Samuɛl 28:10

Saul Gakelebale ’nyɔɔn a lɛ a fele nya léé: Gakelebale a é yuɛma. Wenaané do kpen ’ka dan kɛlɛ lɛ i lɛ ’bɛ we ma lo.

1 Samuɛl 28:13

Minwiinzan lé a lɛ léé: Té i kana lo; naa, mɛ lé bé yee? Lezan lé Saul lɛ léé: Maa bale do ye sina tɛrɛ gi.