2 Samuɛl 13:22 - Kazambale lé Sebe Sauunu 1979

²² Dé é a wezin nyaoo, dé é a wenaané nyaoo, Abusalɔm ’ka a do kpen fe lɛ Aminɔn lɛ lo, naa, é a za pa é bli gi; é a zuané Tamaa sɛrɛ, azama.

2 Samuɛl 13:22 ပူးပေါင်းရင်းမြစ်များ

Wepélisiananu 24:50

Laban valé Bétuɛl léé: We ’ko si Gakelebale va. Dé é a wezin nyaoo, dé é a wenyané nyaoo, ko ’ka bɔa we do kpen fele lɛ a gi lo.

Wepélisiananu 31:24

Kazambale da Aramézan Laban va nyɛ fla é béli yé é lé a lɛ léé: ’I yuɛ pa ibo va, dé wezin léoo, dé wenyané léoo, té bé fe Jakɔb lɛ lo.

Wepélisiananu 31:29

An bɛ a plɛplɛ, an bɔaléé an wenaané kɛlɛ i lɛ, naa, i ti zé Bale lé an lɛ yese léé, an yuɛ pa anbo va, dé wezin léoo, dé wenyané léoo, té maa wo do fe Jakɔb lɛ lo.

2 Samuɛl 13:21

Minwiinzan David we ’konu ’ma yé a bli fli é baba.

Wegɔnévɔlenu 10:18

Mi lé éé zapale tɔ yɔɔan, a lɔlu a viéwo lɔlu nya, yé mi lé éé mi tɔ sɛra, é a ’tugyɛzan nya.

Wegɔnévɔlenu 25:9

Ka valé i bɔluzan, kalé we zuo fe é ke lɛ, naa, té i mi bɛ lé gungiwe fe lo,

Wegɔnévɔlenu 26:24

Mizapazan é ébo ta yɔɔan é lɔlu nya, yé éé dabli paan é bli gi.

Wegɔnévɔlenu 26:26

Dé élé mi zapale ta yɔɔ dabli nya faa, alé wenaané ta é dan bɔra lɛ zén‐ékevamunu méléna.

Bale Lé We Gifezan 7:9

Té i bli é fli é kele lo, naa, bliflile nyanana lé ke ’tugyɛzannu bli nya.

Matio 18:15

Dé i bwe wenyané kɛlɛ, ’i go we pla a lɛ ka fié méléna. Dé é i dére ’ma, ’té é kɛlɛ i bwe nya é pa gi.

Éfez munu 4:26

Yé dé ka bli fli té ka wenyané kɛlɛ monomono lo. Té yiri é vɔ kalé bliflile ma lo,

Éfez munu 4:31

We nyanale koo, zapale koo, bliflile koo, zɔdɔle koo, mitɔsɛrɛwe koo, we lɛrɛlɛrɛ gɔnɔ faa koo, woo faa ’é si ka méléna ma.

1 Jan 2:11

Naa, mian a bwe za ke a gi, é a gunutinu va, yé é a tawona gunutinu va yé gunutinu a yuɛ ’wii, amalé é ’ka é gona dɔɔa lo.

1 Jan 2:9

Mian é léé, ’é a san va, ’té a bwe za a a gi, é a tan gunutinu va.

1 Jan 3:10

We ’ko ma lé woo Kazambale lé nénu dɔɔan yé woo yo lé nénu dɔɔan. Dé miomian é ’ka we tegele kɛla lo, ’té é ’ka Kazambale zé nya lo, yé mianzan bwe ’ka sɔ lɛ ’é lɛ lo, ’bɛzan ’ka Kazambale zé nya lo é ziin.

1 Jan 3:12

Kain lé é ke Satan zé nya yé é é zuané gyɛ, té kaa kɛlɛ bélé yee zo lo. Mɛwemalé é a gyɛɛ? Abozen kɛlɛwenu a é naané, yé a zuané zé a tegele, bɛwemalé é a gyɛ.

1 Jan 3:15

Dé mianzan bwe za ke é gi, ’té ’bɛzan a migyɛzan nya. Yé ka a gi dɔɔ léé, vole é yuɛma lé a glɛ ’ka lo, é ’ka migyɛzan do kpen zé nya lo.