2 Samuɛl 12:9 - Kazambale lé Sebe Sauunu 1979

⁹ Mɛmalé i sɔn vɔ Gakelebale dére ma, we lé ke é naané a yuɛ gi, a kɛlɛle nyaa? I Éti mi Uri gyɛ gwɔun nya; bé na si izé nya yé bébozen gyɛ Amɔn munu lé gwɔun nya.

2 Samuɛl 12:9 ပူးပေါင်းရင်းမြစ်များ

2 Samuɛl 11:4

Yé David munu nwunvɔ léé, ’wo da a nya ’é va. É da a va yé é yii a nya. Dé é gi bɔ faa é go élé kɔn ’léé.

2 Samuɛl 12:10

Sin, i sɔn vɔ an ma, yé i Éti mi Uri na si i na nya, amalé gwɔun ’ka dan si lɛ ilé kɔn ma monomono lo.

2 Samuɛl 16:7

Siméi bale pa a ma, a fele nya léé: Nyɛzanami, mi ple, ’i gooo, ’i go!

1 Minwiinzannu 15:5

Naa, we lé ke tegele Gakelebale yuɛ gi, David a kɛlɛ, yé é ’ka é yara si lɛ alé bélidɔwe do kpen kɛlɛle ta lo alé tɛrɛla faa gi, ’té dé é ’ka Éti mi Uri lé we nya lo.

1 Minwiinzannu 21:19

Bé fe a lɛ léma: Gakelebale léma: Bii ’ka migyɛzan valé kyeenwozan nya loo? Yé bé fe a lɛ léma: Gakelebale léma: Fɛana lé blénnu Nabɔt nyɛ flan, ana duo lé wo dan ibozen nyɛ flan lɛ.

2 Minwiinmunu lé Wezuofe Sɛbɛ 33:6

É é benu kyɛ ble Inom benu lé pɛngurunu gi; éé ’moné dɔa latinu valé ménénu nya wena yele we ma, é ébo nɔ yokɛlɛle lɛ, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Lɛrɛvɔ Sɛbɛ 51:14

’I ilé mibélile ma gi nanale nɔ an lɛ é ziin, Bli lé ke é zima munu vazia, ’bé vɔ an gi.

Lɛrɛvɔ Sɛbɛ 51:16

Baleoo Bale, an Siéwegibale, ’i mi nyɛ si an bɛ ma, Yé maa dan i tɔ nwa lɛ ilé nyanai zénle ma.

Lɛrɛvɔ Sɛbɛ 51:4

’I an zuru tata yé ’i anlé weple si an ma, ’I anlé wenyané si yé ’i an gi bɔ.

Lɛrɛvɔ Sɛbɛ 90:8

I kolé weplenu voo i yuɛ gi yifaama, Ko saanlenu lé wo ta ke é yɔɔle, i yara san éé wo ta bɔraan.

Wegɔnévɔlenu 14:2

Mi lé éé tawoo é drɔle, éé kanaan Gakelebale lee, naa, mi lé éé zi plinlenu sian éé Bale yé boazan nya.

Ézai 5:24

Bɛwemalé, kyɛnɛnɛ éé ’sapɛɛ blé fɛan zo yé kyɛ éé lugale blé fɛan zo, a zo lé wo suni é dan vɔn lɛ yé wo vwi é dan san lɛ bélé vungoi zo; naa, wo serele bo lai sunyanu lé Gakelebale lé bélidɔwe ma yé wo nyé yéli Izraɛl lé Bale sauun dére ma, azama.

Jérémi 18:10

naa, dé ’bɛ bɛn ’ko wenaané kɛlɛ an yuɛ gi, dé é ’ka tɔné dɔ lɛ an lɛ lo, wezin lé ke an bli gi léé, maa kɛla a lɛ, an dan an bli si lɛ ’bɛ lɛ.

Amɔs 2:4

Gakelebale léma: Juda munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo serele bo Gakelebale lé bélidɔwe ma, yé wo ’ka a sɔnnénu pa lɛ lo, yé viémiyilinu lé wo tranu tawo wo zuo, ’bɛnu wo saan, ’bɛzama.

1 Samuɛl 15:19

Mɛmalé i ’ka i tɔné dɔ lɛ Gakelebale dére lɛ loo? Mɛmalé i ’wii gulizarafɛnu ta yé i Gakelebale ’namawe kɛlɛɛ?

1 Samuɛl 15:23

Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.

1 Samuɛl 15:26

Samuɛl lé Saul lɛ léé: I sɔn vɔ Gakelebale dére ma, yé Gakelebale sɔn vɔ i ma, té i kɛlɛ Izraɛl nwiinzan nya é dɛrɛ lo we gi, amalé an ’ka dan go lɛ i va lo.