2 Samuɛl 12:14 - Kazambale lé Sebe Sauunu 1979

¹⁴ Naa, we ’ko kɛlɛle nya lé i zi nɔ Gakelebale nyanézannu lɛ léé, wo Gakelebale sɔnɔ, amalé négɔné lé wa yaa i lɛ, é dan ga lɛ.

2 Samuɛl 12:14 ပူးပေါင်းရင်းမြစ်များ

2 Samuɛl 12:15

Yé Natan go élé kɔn ’léé. Né lé Uri na a yaa David lɛ, Gakelebale gyɛ vɔ a ma yé é kɛlɛ plɛplɛ.

Néémi 5:9

Yé maa léé: We lé ka ke a kɛlɛna ’ko, é ’ka é zima lo. É ’ka lé ka tawo kanale nya kolé Bale lee loo? Dé ka kɛlɛ ’bɛ zo, bɛnnu lé ke ko nyanézannu nya, wo ’ka dan ko sɔnɔ lɛ loo?

Lɛrɛvɔ Sɛbɛ 69:6

Oo Bale, i anlé ’tugyɛwe dɔɔ, Yé an saanlenu ’ka é yɔɔle i ma pelo.

Lɛrɛvɔ Sɛbɛ 74:10

Baleoo, Bale, yaamitazan é dan ko sɔnɔ lɛ fɔɔ bléyi kyɛn vaa? Ko nyanézan é dan serele bo lɛ i tɔ ma yifaamaa?

Lɛrɛvɔ Sɛbɛ 94:12

Oo Gakelebale, mian i we lɛdɔa a gi, Yé ilé bélidɔwe paa a gi, Léé, é vo drɔɔ we tɔntɔn bɔyi la, Fɔɔ yé wo guru blɛn bo mi nyanénu lee, azé a néné.

Lɛrɛvɔ Sɛbɛ 99:8

Gakelebale, kolé Bale, i wolé bazorole nyi si, I kɛlɛ wo lɛ Bale lé éé mi ma we voo, a nya, Naa, i we lɛdɔ wo gi wolé saanlenu we ma.

Ézai 52:5

Wo go anlé munu nya luu gi é pla, Yé sin maa dan a kɛlɛ lɛ kaa? Yaawotazannu éé siaan wo ta plɛplɛ, Woo flile siaan an tɔ ma bladi fɔɔ yé yiri é vɔ a zo.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Matio 18:7

We tɔntɔn ’é kɛlɛ tɛrɛlamunu lɛ diérawenu lé we ma. É a lé diérawenu é bɔ, naa, mian é da mi diérawe nya, we tɔntɔn ’é kɛlɛ ’bɛzan lɛ ma.

Rom munu 2:24

Naa, woo Kazambale tɔ sɔnɔan bɛn bɛnu méléna kalé we ma, fɛan zo lé é a é gyɛle sɛbɛ gi, a zo.

1 Korent munu 11:32

Naa, dé Mizan kaalé we ble, ’té é we lɛdɔ ɛ wo kaa gi, léé, té wo ga dɔ kaa nwiin tɛrɛlamunu nya ékeva lo.

Ébrunu 12:6

Naa, mi lé é sɔ Mizambale lɛ, éé we lɛdɔa a gi, Yé munu faa lé éé wo yé é benu nya, éé wo blaan vlewɔlɛ nya.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.