2 Samuɛl 12:13 - Kazambale lé Sebe Sauunu 1979

¹³ David lé Natan lɛ léé: Maa wenyané kɛlɛ Gakelebale ma! Yé Natan lé David lɛ léé: Gakelebale i ma we vo, i ’ka dan ga lɛ lo.

2 Samuɛl 12:13 ပူးပေါင်းရင်းမြစ်များ

Wepélisiananu 39:9

Yeebozen ’ka blɛn yé é mini maa ta kɔn ’ko gi lo; yé é ’ka fɛ do kpen yi ga lɛ an lee lo, ’té dé é ’ka bii do nya lo; bii a a na nya, azama. An kɛla kaa yé an ’bɛ zo wenaané blɛn kɛlɛ yé an wenyané kɛlɛ Kazambale maa?

2 Samuɛl 24:10

David bli kyɛ dɔ munu nɔnɔle zuo. Yé é lé Gakelebale lɛ léé: ’Bɛ kɛlɛle nya lé an wenyané blɛn kɛlɛ. Sin, Gakelebale, ’i yara nɔla an ta yé ’i i wuozan lé weple ma zanté nyi si, naa, an ’tugyɛwe kɛlɛ tegele!

2 Samuɛl 24:17

David lanje ye, ’té éé munu gya yé é lé Gakelebale lɛ léé: Bé ye, maa ɛ wenyané kɛlɛ. We a maa ɛ nwiin; naa, ’blanu ’ko, mɛ lé wa kɛlɛɛ? ’I bɛ kɛlɛ maa valé an ti lé kɔngimunu ta ma.

1 Minwiinzannu 13:4

Dére lé Bale lé mi siaa a nya Bétɛl lé balebanna ta, minwiinzan blɛn a ’ma aan wo, é bɛ soi balebanna ta yé é léé: ’Ka a kun! Yé Jéroboam bɛ lé é a soi balelayezan ma, é kua yé é ’ka bɔa a plinle lɛ ’é va lo.

1 Minwiinzannu 21:20

Akab lé Éli lɛ léé: An nyanézan, i an yee? Yé é a zi pa léé: We lé ke é naané Gakelebale yuɛ gi, ibo nɔ a kɛlɛle lɛ, amalé maa i ye.

1 Minwiinzannu 22:8

Izraɛl nwiinzan a zi pa Jozafat lɛ léé: Mi do ana é ziin yé ko bɔa we laale lɛ Gakelebale lee ’bɛ nya; naa, a za a an gi, é ’ka balelawe zin fé an lɛ monomono lo, é balelawe naané saa ɛ fé, azama. Jimla be Misé lé. Yé Jozafat léé: Té minwiinzan é we fe ’bɛ zo lo ma.

2 Minwiinzannu 1:9

É mi yɔ fié wɔlɛ vu valé ’wo nwiinzan nwunvɔ Éli va. Wo nwiinzan ’ko go Éli va, ’té ’bɛ a é nyanale gɔ nwiin, yé é lé Éli lɛ léé: Bale lé mi, minwiinzan léé, ’i zun.

Minwiinzannu lé Wezuofe Sɛbɛ 21:8

Yé David lé Kazambale lɛ léé, an wenyané blɛn kɛlɛ, sin, ilé zanté, i leezan ma we vo, naa, maa we ’ko kɛlɛ ’tu nya.

2 Minwiinmunu lé Wezuofe Sɛbɛ 16:10

Aza bli fli fɛnayezan ma, yé é a vɔ bokɔn gi. A bli fli, azama. ’Bɛ bléyi duo nya, Aza yaa mi kenu ta.

2 Minwiinmunu lé Wezuofe Sɛbɛ 25:16

É a tan wefena tɔɔn, Amasia lé a lɛ léé: Ko i dɔ léé, i we pla minwiinzan blɛn lɛɛ? ’I gyɛ i zuo. Mɛmalé ibo bɔra i blale lɛɛ? Balelayezan si ana, ’té é a fé léé: Maa a gi dɔɔ léé, é a Bale bli gi léé, é dan i gyɛ lɛ. I we ’ko kɛlɛ yé i ’ka tɔné dɔ lɛ anlé weplale lɛ lo, azama.

JOB (Job) 33:27

Éé lɛrɛ vɔa munu yuɛ va léé, An wenyané kɛlɛ, an we tegele sɛrɛ, Yé Bale ’ka we lɛdɔ lɛ an gi an saanle yɛrama lo;

Lɛrɛvɔ Sɛbɛ 103:12

Fɛan zo lé yirivɔna ke é sile yirinwana ma baa, A zo lé éé kolé bélidɔwe sɛrɛlenu sié ko ma baa.

Lɛrɛvɔ Sɛbɛ 51:16

Baleoo Bale, an Siéwegibale, ’i mi nyɛ si an bɛ ma, Yé maa dan i tɔ nwa lɛ ilé nyanai zénle ma.

Lɛrɛvɔ Sɛbɛ 51:4

’I an zuru tata yé ’i anlé weple si an ma, ’I anlé wenyané si yé ’i an gi bɔ.

Lɛrɛvɔ Sɛbɛ 51:6

Maa wenyané kɛlɛ bii do ɛ ma; Yé we lé é ke é naané i yuɛ gi, maa a kɛlɛ, Amalé i we ’wuo dɔa tegele, Gun ’ka ilé weblele ma lo.

Fwile 9:27

Faraɔn Moizi valé Arɔn laa, yé é lé wo lɛ léé: Kyɔ maa wenyané kɛlɛ; Gakelebale ɛ ke tegele, yé we a maa valé anlé munu nwiin.

Wegɔnévɔlenu 25:12

Wedɔɔzan lé éé we plaan tɔnégidrɔɔzan lɛ, é a ’bɛzan lɛ bélé tɔnémakyan valé ’lɛrɛkyan wezan zo.

Wegɔnévɔlenu 28:13

Mi lé élé wenyané yɔɔan, alé we do kpen ’ka vɔa a ma lo, naa, mi lé éé wo fé yé éé daan wo ma, yee ɛ nyanai zénle é ta yé.

Ézai 38:17

Bé gini do, anlé nyanéblelenu boen‐oo, wo kɛlɛ an bélifɛ nya; É sɔ i lɛ kɔɔn léé, i an boen si yé sin an paiguru vo é pla, I anlé wenyané faa vo i bɛ zuo, azama.

Ézai 43:24

I ’ka ilé gɔɔli sɛrɛ lɛ lia ginzan lɔle an lɛ we ma lo; An ’ka kan lɛ ilé sarakabowi nyɔnɔ nya lo; Naa, i kle pa an ta ilé wenyané nya, Yé i an wɔlɛi nyaa an ma ilé weple nya.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Jérémi Lé Wuvɔ Sɛbɛ 3:32

Alé nyané pale mi ta zuo, É élé nyanai zénle valé mi mawe dɔɔle nagɔɔn‐an a lɛ.

Lévinu 20:10

Dé mi do wenyané kɛlɛ gɔné na va, dé é wenyané kɛlɛ é bɔlu do na va, ’wo we lɛdɔ gɔnézan valé gɔné gini le gi ga nya.

Lévinu 24:17

Mi lé é mi gyɛ, wo dan a gyɛ lɛ.

Zakari 3:4

Yé lanje we fe munu lé wo ke a ’lɛ, wo lɛ léé: ’Ka sɔ tiridɔle si a ta. ’Bɛ zuo é lé Jozué lɛ léé: Bé ye, maa ilé weplenu si i ma, yé maa fɛtikɛlɛsɔ zén i ta.

Matio 14:10

yé é munu nwunvɔ Jan ’wuo kinile we ma bokɔn gi.

WENÉNÉ LÉ LUK A GYE (Évangile selon Luc) 15:21

A be lé a lɛ léé: An ti, an wenyané kɛlɛ Bale valé bii lɛ. A yara ’ka an yara léé, wo an laa i be é dɛrɛ lo.

WENÉNÉ LÉ LUK A GYE (Évangile selon Luc) 18:13

Mi lé ’bɛ ke vagɔɔlisizan nya, ’bɛ dɔ baa, yé é ’ka dɔ lɛ ’bɛ gi boenwo lé é yara nwa la gi zia lo; naa, é kun é ’wuo ma ’té éé a fé léé: Oo, Kazambale, ’i nyanai zén maa wenyanékɛlɛzan ta.

Kelewenu 2:37

Wo we ’ko ’ma aan wo, é zun wo bli ma yé wo lé Piɛri valé nwunvɔmunu bɛnu lɛ léé: Ko bwenu, ko kɛla kaa?

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

1 Samuɛl 15:20

Saul a zi pa Samuɛl lɛ léé: An tɔné dɔ Gakelebale dére lɛ é zima, yé zi lé Gakelebale a gɔɔn an lɛ, maa a ta tawo. An da Amalɛknu nwiinzan Agaga nya yé an Amalɛk munu faa gyɛ;

1 Samuɛl 15:30

Saul lé é ziin léé: An wenyané kɛlɛ! Sin, ilé zanté, ’i an lɛdɔma anlé munu lé mi segelenu yuɛ va, Izraɛl yuɛ va; ’i da an va é ziin yé maa dan dia lɛ an yara Gakelebale ilé Bale ’lɛ.