2 Samuɛl 11:2 - Kazambale lé Sebe Sauunu 1979

² Yi do nya nyanadi, David nwa élé yialafɛ ta; é a dɔwona minwiinzan lé kɔn gwa ta aan wo, é le do ye zuruna; le ’ko a é nɔnɔmi.

2 Samuɛl 11:2 ပူးပေါင်းရင်းမြစ်များ

Wepélisiananu 12:11

Wo bɔ aan wo Éjipiti tɛrɛ sɔnɔ, yé é lé é na Sarai lɛ léé: Maa lé ma, maa a gi dɔɔ léé, i a le lé a yara ke é nɔnɔmi, a nya.

Wepélisiananu 3:6

Lezan a ye aan wo léé, yili ’ko poro a blefɛ zima nya, yé é a nɔnɔmi mi yuɛ gi, yé é a mi bɔn‐in kinifɛ zima nya, é a poro so yé é a ble; a zana lé ’bɛ ke a va bɛ, é a ke nɔ ’bɛ lɛ yé ’bɛ a ble.

Wepélisiananu 34:2

Tɛrɛ ’ko la minwiinzan, Amɔɔ be Sisɛm, Dina ye. É a si, yé é yi gyɛ a va yé é a sɛrɛ.

Wepélisiananu 39:6

Fɛnu faa lé ke azé nya, é wonu faa vo Jozɛfu lee. É ’ka é bɔn‐in bɔrɔan we do kpen ma é dɛrɛ lo, éé fɛ blé é pla; naa, Jozɛfu dɔ gɔné dɔbɛ gi é zima, yé a yara a é nɔnɔmi.

Wepélisiananu 6:2

yé Bale benu munu lunu ye, léé, wa nɔnɔmi, yé wo wo si ’wo nanu nya, é sɔ wo lɛ fɛan zo, a zo.

2 Samuɛl 13:1

’Bɛ zuo, we lé é bɔ, yee lo. David be Abusalɔm zuané do ana le nya. É a é nɔnɔmi yé wa tɔ laama Tamaa; é sɔ David be Aminɔn lɛ.

2 Samuɛl 14:27

Abusalɔm né yaa gɔné yaa le do. Wa lu tɔ laama Tamaa; a yara a é nɔnɔmi.

2 Samuɛl 4:5

Naa, Béérɔt mi Rimɔn be fiénu, Rékab valé Baana go kyɛyee bɔbléyi va Isi‐Bɔsɛt lé kɔn ’léé, ’té Isi‐Bɔsɛt a é yiale é yiéyi flinna.

2 Samuɛl 4:7

Naa, wo wɔra kɔn gi yé wo go fɛana lé é ke é yiale élé yialafɛ ta kɔnmi zi, ana, yé wa gyɛ yé é ga, yé wa ’wuo kini. Wa ’wuo si yé wo vo tawona é béli yé wo fɛna pɛblɛɛ kini.

JOB (Job) 31:1

An gi pa an yuɛ va do léé, Té an yuɛ dɔ blɛnzan ta lo we gi.

Lɛrɛvɔ Sɛbɛ 119:37

Té an yuɛ é bɔ boafɛnu ma lo ma, Yé ’i an vo é yuɛma, an tawo ilé zi ta.

Wegɔnévɔlenu 19:15

Kun‐anwole éé mi gya yi nya, yé lɔrɔ é dan mi yowuliné gyɛ lɛ.

Wegɔnévɔlenu 31:30

Zin a dabli nya, yé yara nɔnɔmi a fɛ boa nya; lezan lé éé kanaan Gakelebale lee, yee lé wo dan a tɔ bɔ lɛ.

Wegɔnévɔlenu 6:25

Té i bli é bɔ a ma a nɔnɔmi we ma lo, yé té i daan ibo ma léé, é i saan é yuɛtakɔné gyɛle nya lo.

Wegɔnévɔlenu 7:8

É a giéna kɔn méléna zinu ta, zi blan do lé bɛn le do ke é dɔle a ta, ana, yé é gié a sɔnɔ, yé é go alé kɔn ’léé;

Jérémi 19:13

Jérusalɛm kɔnnu valé Juda nwiinzannu lé kɔnnu, wo dan kɛlɛ lɛ fɛ lé wana sɔnné sɛrɛ, a nya, bélé Tofɛt zo; kɔnnu faa lé wo lasikɔrɔ kyɛ ble wo nwiin lagifɛnu faa ’lɛ, ’té woo baleban’yi zanaan bale bɛnu lɛ wo nwiin bɛ, woo lé.

Matio 10:27

We lé maa a fé ka lɛ gunutinu va, ’ka a fe é yiéyi, yé we lé ka maan ka tɔné gi, ’ka dɔ kɔn nwiin yé ’ka siaa a nya.

Matio 24:17

mi lé é ke kɔn gwa ta, té é zun yé élé kɔngifɛnu si lo;

Matio 5:28

Naa, maa lé ka lɛ léé, miomian é yuɛ vɔ le do ta é bli bɔle a ma we gi, ’té é a gini é bli gi kwakwa.

Kelewenu 10:9

’Bɛ é tu kini dé munu ’ko a zia yé wo bɔ aan wo Jopé sɔnɔ, ’té Piɛri go kɔn nwiin é yiéyi bazorole we ma.

Bélidɔwesɛbɛ Fiézan 22:8

Dé i kɔn dɛrɛ dɔ, ’i gɔrɔ dɔ a gwa ta loru, dé mi do é da dia yé nyɛ é da zana ilé kɔn ta.

Bélidɔwesɛbɛ Fiézan 5:21

Té i bli é bɔ i bɔluzan na ma lo; alé kɔn koo, alé féi koo, a wuogɔné koo, a wuole koo, alé diri koo, alé sokofale koo, dé é a alé fɛofɛan nya, té i bli é bɔ a do kpen ma lo.

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.

1 Jan 2:16

We faa lé é ke tɛrɛ la, mi dɔbɛ kyɛn lé sɔlɛwe koo, yuɛbɔle fɛ ma koo, bo kɛlɛle blɛn koo, wo ’ka sié Ti va lo. Woo sié tɛrɛlawe va.

1 Samuɛl 9:25

Wo si balebanna loru na yé wo go tɛrɛ zia fla, yé Samuɛl glewo Saul va kɔn gwa ta.