2 Samuɛl 11:1 - Kazambale lé Sebe Sauunu 1979

¹ ’Bɛ lɛɛ bɛ gi, bléyian va lé minwiinmunu éé goo guli dan lɛ, Joab koo, David wuomunu koo, Izraɛl faa koo, David wo pa zia Amɔn munu sɛrɛle tata we gi, é valé Raba munu mabɛnle we gi. Naa, David vo Jérusalɛm.

2 Samuɛl 11:1 ပူးပေါင်းရင်းမြစ်များ

2 Samuɛl 10:14

Amɔnnu a ye aan wo léé, Sirimunu fwila, wo fwila é ziin Abisai lee, yé wo go fla. Joab si Amɔn munu zuo yé é da é pa gi Jérusalɛm.

1 Minwiinzannu 20:22

Yé balelayezan bié Izraɛl nwiinzan blɛn va, yé é lé a lɛ léé: ’I go, ’ibo dɔ plɛplɛ, bé gini, yé dé i dan wean kɛlɛ lɛ, bé gi dɔɔ; naa, lɛɛ bɛ gi Siri nwiinzan blɛn é dan nwa lɛ i ma é ziin.

1 Minwiinzannu 20:26

’Bɛ zuo lɛɛ gi, woo Sirimunu gié Bɛn‐Adad ’lɛ yé é go Afɛk vazia, guli danle Izraɛl va we gi.

Minwiinzannu lé Wezuofe Sɛbɛ 20:1

’Bɛ zuo lɛɛ do, bléyian va lé minwiinzan blɛnnu éé goo guli dan lɛ, Joab sunyanu palu plɛplɛ si, yé wo go ’wii lɛ Amɔnnu lé tɛrɛ la, yé é Raba mabɛn. Naa, David vo Jérusalɛm. Joab Raba gyɛ guli nya, yé é a guru zana a gi.

2 Minwiinmunu lé Wezuofe Sɛbɛ 36:10

’Bɛ zuo lɛɛ do, minwiinzan blɛn Nébukanɛsaa go a nya Babilɔn, yee valé Gakelebale lé kɔn gi nyanamapafɛ wezannu nya. Yé é Jojakɛn bwe Sédésias pla Juda valé Jérusalɛm nwiin Jérusalɛm.

Lɛrɛvɔ Sɛbɛ 60:9

Galaad a anzé nya, Manasé a anzé nya; Éfraim a an ’wuo ma kanakoro nya, Juda a anlé plaminwiin soowoli nya;

Bale Lé We Gifezan 3:8

sɔlɛle bléyi a, yé zapale bléyi a; gulidanbléyi a, yé vole drɔɔ bléyi a.

Jérémi 49:2

Gakelebale léma: Bɛwemalé a yinu é dan bɔ lɛ yé maa dan nwa lɛ Amɔn munu lé fla lé wa laama Rabat, a ma, yé wo dan guli dan siaalenu zuo gi ’ma lɛ. É dan kɛlɛ lɛ é ’bin nya yé a zi flanu kyɛ é dan ble lɛ, yé munu lé wo Izraɛl munu bin, Izraɛl munu é dan wo bin lɛ; maa Gakelebale ɛ ke a fena.

Jérémi 49:3

Esibɔn munu, ’ka dunnu, ’ka siaa, naa, wo Ai guru zana a gi. Raba munu, ’ka siaa yé ’ka bɔlɔ zén ka ta; ’ka wuvɔ yé ’ka vlan buru ’ko valé ’kona bɔbɔ vɔle nya. Naa, wo Malkɔm si yé wa gona a banzannu valé a nwiinzannu nya luu gi.

Ézékiɛl 21:20

Maa dan bon‐ɛn lɛ wo nya gwɔun nya an lee, wolé kɔnnu faa ’léé, di kinile wo gi we ma, mi kiɛre kiɛre gyɛle we ma. Aa, a ma a é ’lɛrɛle a ta bile nyananyana we ma, a ’lɛ a é vɔle mi gyɛle we ma.

Amɔs 1:14

Maa dan kyɛ bi lɛ Raba gɔrɔ gi, yé é dan alé fuakɔnnu ble lɛ, ’té gulidanmunu éé siaan gulidanyi nya, ’té barikoko éé giéan fu plɛplɛ giéyi nya.

Zakari 14:3

Gakelebale é dan da lɛ yé é dan guli dan lɛ bɛn ’konu va, fɛan zo lé é guli dan guli blɛn danyi nya, a zo.

Bélidɔwesɛbɛ Fiézan 3:11

Bazan mununwiinzan Ɔg a Réfaim munu nyaala nya. Alé yialafɛ lé wa kɛlɛ foliɛwɔlɛ nya, é ’ka Amɔn lé nénu lé fla Rabat loo? A sangi a mɛtrɛ ziɛn é buu yé a ’wuola a mɛtrɛ fié, gɔné lé fɛdan mɛtrɛ nya.

1 Samuɛl 18:30

Filisitinu lé tɔmunu woo dan Izraɛl va guli dan lɛ; dé wo da vu, David lé wo kelele mini Saul wuozannu zé ta, yé é tɔ ye.