2 Samuɛl 10:6 - Kazambale lé Sebe Sauunu 1979

⁶ Amɔn munu a ye aan wo léé, ’wo gin dɔ David nyé gi, wo sunyanu laa léé, ’wo da bɔ ’wo va yé ’wo wo banwo; Bɛt‐Réob Sirimunu valé Tesoba Sirimunu lé gane la tawo sunyanu a baa vu; Maaka nwiinzan lé munu a mi wuru soru, yé Tob lé munu a mi baa suiɛdo.

2 Samuɛl 10:6 ပူးပေါင်းရင်းမြစ်များ

Wepélisiananu 34:30

Jakɔb lé Siméɔn valé Lévi lɛ léé: Ka an sɛrɛ yé ka an gin dɔ tɛrɛ ’ko la munu nyé gi, Kanaannu valé Férézinu nyé gi. An vamunu ’ka kiɛre lo. Wo dan zén lɛ ékeva an ma yé wo dan an bla lɛ yé wo dan an kulu ga lɛ, maa valé anlé munu nya.

2 Samuɛl 10:5

David we ’ko ’ma aan wo é munu pa zia keele wo nya we ma, naa, yara a munu ’ko gyɛna é baba. Yé David we pa wo lɛ zia léé: ’Ka vo Jériko fɔɔ yé ka puomagun é bɔ é ziin, ’bɛ zuo yé ’ka da.

2 Samuɛl 10:7

David we ’ko ’ma aan wo, é Joab valé nyanazannu faa pa zia wo ma.

2 Samuɛl 16:21

Yé Asitofɛl lé Abusalɔm lɛ léé: I ti bwɛnu lé é wo vo kɔn ta yuɛpazannu nya, ’i go wo va; ’bɛ zo lé Izraɛl faa é dan a gi dɔɔ lɛ léé, i gin dɔ i ti nyé gi yé i vamunu bli ta é dan dɔ lɛ plɛplɛ.

2 Samuɛl 23:34

Maaka mi do be Akasibai be Élifélɛt a do. Gilo mi Asitofɛl be Éliam a do.

2 Samuɛl 8:3

David guli dan Tesoba nwiinzan Réob be Adadézɛɛ va, bléyian va lé ’bɛ a gona Yufrat yuu kɛlɛ lɛ ézé nya é ziin, a bléyi va.

2 Samuɛl 8:5

Damas Siri munu da bɔ lɛ Tesoba nwiinzan Adadézɛɛ va aan wo, David Siri munu gyɛ baa vu ta do.

1 Minwiinzannu 11:24

Bléyian va lé David azan lé sunyanu gyɛ, ’bɛ bléyi va é mi kenu zén ékeva ’é va yé é kɛlɛ wo nwiinzan nya. É go Damas yé é nyana ’bɛna, yé é pla munu nwiin Damas.

2 Minwiinzannu 7:6

Goronu valé wisoonu koo, sunyanu kiɛre koo, Mizan wo vun we Sirinu lé sɔkɔn dɔna, yé wo lé ’wo ke lɛ léé: Bé ye, Izraɛl minwiinzan Étinu minwiinzannu valé Éjipitinu minwiinzannu banwo léé, ’wo da guli dan kaa va.

Lɛrɛvɔ Sɛbɛ 48:4

Kazambale lé é ke élé fuakɔn gi, wa dɔɔ léé, é a mi yɔɔna plɛplɛ nya.

Fwile 5:21

Wo lé wo lɛ léé: Gakelebale ’é ka ye ma, yé é a we ble ma. Ka ko gin dɔ Faraɔn valé é wuomunu nyé gi, yé ka gwɔun pa wo lee ko gyɛle we gi.

Wegɔnévɔlenu 25:8

Té i go ilé we nya weblemunu va é kele lo, dé i bɔluzan é da i gyɛ yara nya yé dé bé kɛla kaa é voéla, i ’ka a gi dɔɔa lo.

Jérémi 40:8

’Bɛ zuo wo go Gédalia va Misipa. Munu lé wo go ana, wo tɔ lé ke ’ko: Nétania be Ismaɛl koo, Karéak benu Jokanan valé Jonatan koo, Tanumɛt be Séraja koo, Nétofazan Éfai benu koo, Maa?-?katizan Jézania koo, ’wo valé ’wolé munu lé.

Jérémi 46:21

Éjipitinu lé nyanamapamunu é ziin, wa Éjipitinu méléna bélé diriné bualenu zo. Yé wo é ziin, wo ’wo lala dɔa yee misɛrɛzan lɛ, wo faa fwila ’bɛnu ’lɛ; Wo ’ka guli vɔ lɛ ’bɛnu lɛ lo. Naa, wolé yi nyané é dan bɔ lɛ wo ma, Bléyi lé woo we lɛdɔa wo gi, yee lé.

Bélidɔwesɛbɛ Fiézan 3:14

Manasé be Jaii Aagɔb tɛrɛ faa si fɔɔ yé é bɔ Gésuunu valé Maakatinu lé tɛrɛ glɛ la, yé é ’ébo tɔ pa Bazan tɛrɛ la flanu ma, yé wo wo laan Jaii lé flanu fɔɔ kyɔ.

Weblezannu 11:3

Yé Jɛfeté vlan buru baa é bwenu lee yé é nyana Tob tɛrɛ la. Boazannu zén Jɛfeté va, ’té woo tawoo wo nya.

Weblezannu 11:5

Amɔn benu guli dan Izraɛl va aan wo, Galaad mi segelenu go Jɛfeté gini lɛ Tob tɛrɛ la.

Weblezannu 18:28

Mi do kpen ’ka a si lɛ wo lee lo, é a Sidɔn ma baa, yé mi bɛnu ’ka dan wo va lo, yé wo ’ka goo mi bɛnu va lo, azama; é a gɔ worona lé é soi Bɛt‐Réɔb vazia, ana. Dan kulunu fla pa a ’bin la, yé wo nyana ana;

1 Samuɛl 13:4

Izraɛl faa a ’ma léé, wa fena léé, Saul lé guli bɛ dia Filisitinu sunya palu do ta, yé Izraɛl gin dɔ Filisitinu nyé gi. Yé wo munu laa léé, ’wo go Saul va Gilgal.

1 Samuɛl 27:12

Akis bli vo David lɛ, yé é a fena léé: Ébo gin dɔ élé munu Izraɛl nyé gi, yé é dan kɛlɛ lɛ an wuozan nya lɛɛfaama.