2 Samuɛl 10:12 - Kazambale lé Sebe Sauunu 1979

¹² ’I dɔ gligli yé kaa bli ta plɛplɛ nagɔɔn kolé munu valé kolé Bale lé flanu lé we ma, yé dé wean dɔ Gakelebale gi wezin nya, ’é a kɛlɛ ma.

2 Samuɛl 10:12 ပူးပေါင်းရင်းမြစ်များ

2 Samuɛl 10:11

É léé: Dé Sirimunu plɛplɛ mini an ta, i dan da lɛ bɔ lɛ an va; dé Amɔnnu plɛplɛ mini i ta, maa dan go lɛ bɔ lɛ i va.

2 Samuɛl 15:26

Naa, dé Bale a fe léé, an ’ka é gi nana lɛ lo, ’té maa lo, dé wean dɔ a gi wezin nya, ’é a kɛlɛ an lɛ ma.

Minwiinzannu lé Wezuofe Sɛbɛ 19:13

’I dɔ gligli yé kaa bli ta plɛplɛ nagɔɔn kolé munu valé kolé Bale lé flanu lé we ma, yé dé wean dɔ Gakelebale gi wezin nya, ’é a kɛlɛ ma.

2 Minwiinmunu lé Wezuofe Sɛbɛ 32:7

Ka fuu ’é kɛlɛ ka ta, yé ka bli ta dɔ plɛplɛ. Té ka kana monomono lo. Té di é kini ka gi Asiri nwiinzan blɛn valé sunya kiɛre lé ke a va, wolé we ma lo. Naa, munu lé ke ko va, wa kiɛre é mini munu lé wo ke a va, wo ta.

Néémi 4:14

Maa dɔ loru yé maa fɛ faa nagini, yé maa lé mi blɛnnu koo, minwiinmunu koo, mi pɔnénu koo, wo lɛ léé: Té ka kana wo lee lo. Mizan lé ke blɛn, ’té éé kana zén‐é munu gi, a sele ’é dɔ ka gima, yé ka bwenu koo, ka benu valé ka lunu koo, ka nanu koo, kalé kɔnnu koo, ’ka wo ta guli dan.

Néémi 4:8

Wo ’wo gi pa ékeva do léé, ’wo guli dan Jérusalɛm ma, fla sɛrɛle we ma.

Esitɛɛ 4:16

’I go, Juifinu faa lé wo ke Suz, ’i wo zén ékema, yé ’ka lɔrɔ sɔn wo nya anlé we ma. Té ka fɛ ble lo, té ka fɛ mini lo, é béli valé é yiéyi fɔɔ yi yaa. Maa é ziin, maa valé an wuolomu é dan lɔrɔ sɔn lɛ a zo. ’Bɛ zuo, dé bélidɔwe aoo, dé é ’ka looo, an dan wɔra lɛ minwiinzan blɛn va. Dé an gaan‐oo, ’té an gaan é wo.

JOB (Job) 1:21

yé é léé: An bɔra an bu bɔn gi é porole; yé maa dan go lɛ tɛrɛ gi é porole. Gakelebale ɛ wo nɔ yé Gakelebale ɛ wo si. ’Wo Gakelebale tɔ drɔɔ vo ma.

Mi Nɔnɔle 13:20

Dé a tɛrɛ boen a kaa? dé a nyɔnɔ aa? dé a nyɔnɔ ’ka loo? dé yilinu anaa? dé yilinu ’ka ana loo? ’Ka bli tadɔ plɛplɛ yé ’ka da yee tɛrɛ la fɛnu nya. É a wolé dɔrɔporo vininzannu sobléyi nya.

1 Korent munu 16:13

Té ka vo yi bla lo. ’Ka dɔ gligli Kazambale lé we gi. ’Ka kɛlɛ gɔné nya. ’Ka dɔ plɛplɛ.

Bélidɔwesɛbɛ Fiézan 31:6

’Kabo dɔ gligli, yé ’ka bli ta dɔ plɛplɛ. Té ka kana wo lee lo, té di ’é kini ka gi wolé we ma lo; naa, Gakelebale, kalé Bale bozen é dan tawo lɛ ka va, é ’ka dan ka vo lɛ é pla lo, é ’ka dan sɔn vɔ lɛ ka ma lo.

Bélidɔwesɛbɛ Fiézan 31:7

Moizi Jozué laa yé é lé a lɛ Izraɛl faa yuɛ va léé: ’Ibo dɔ gligli, ’i bli ta dɔ plɛplɛ, naa, tɛrɛ lé Gakelebale ébo ’nyɔɔn munu ’konu tranu lɛ léé, é dan a nɔ lɛ wo lɛ, bii ɛ dan go lɛ wo va ana, yé bii ɛ dan wo kɛlɛ lɛ azannu nya.

Ébrunu 11:33

Blipale nya lé wo bɛntɛrɛnu kele, wo we tegele kɛlɛ, wo dɔ blivolɛdérenu ta, wo golizranu lɔlu lɛ tan;

Ébrunu 13:6

Bɛwemalé, kaa bɔa a fele lɛ webozen nya léé: Mizambale éé bɔa an va, an ’ka dan kana lɛ fɛ do kpen lee lo; Mɛ lé blami é bɔa a kɛlɛle lɛ an lɛɛ?

Jozué 1:18

Mi faa lé wo dan sɔn vɔ lɛ i dére ma, yé wo ’ka i lɛdɔ lɛ a ma we faa lé bé fe wo lɛ, a gi lo, wo dan ga dɔ lɛ wo nwiin. ’Ibo dɔ gligli é wo, yé ’i bli ta dɔ plɛplɛ.

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Weblezannu 10:15

Izraɛl lé nénu lé Gakelebale lɛ léé: Ko wenyané kɛlɛ. Fɛan zo lé é sɔ i lɛ, bé kɛlɛ ko lɛ a zo ma. Naa, ilé zanté, ’i ko vo kobo ma kyɔ é pla.

1 Samuɛl 14:12

Yé gulimabɛnna munu lé Jonatan valé élé gulidanfɛnu kɔné sizan lɛ léé: ’Ka da loru ko va, yé ko we do nagɔɔn ka lɛ. Jonatan lé élé gulidanfɛnu kɔné sizan lɛ léé: ’I da an zuo, naa Gakelebale wo pa Izraɛl lee.

1 Samuɛl 14:6

Jonatan lé pɛniɛ lé éé alé gulidanfɛnu kɔné sié, a lɛ léé: ’I da ’ko go fɔɔ yé ko bɔ ganedɔlozannu ’konu lé gulimabɛnna. Dé Gakelebale é dan pa lɛ ko vaa? Naa, dé munu a kiɛreoo, dé munu ’ka kiɛre looo, Gakelebale é bɔalɛ yé é munu si we gi wo nya.

1 Samuɛl 17:32

David lé Saul lɛ léé: Té mi do kpen fuu é si é ta Filisiti mi ’ko lé we ma lo. I wuozan é dan go lɛ guli dan lɛ a va.

1 Samuɛl 3:18

Samuɛl a zuo faa fe a lɛ, yé é ’ka we do kpen yɔɔ lɛ a ma lo. Yé Éli léé: Gakelebale lé; dé wean dɔ a gi wezin nya, ’é a kɛlɛ ma.

1 Samuɛl 4:9

Filisitinu, ’ka dɔ plɛplɛ yé ’ka kɛlɛ gɔné nya, dé Ébrunu é da pla ka nwiin bélé fɛan zo lé ka pla wo nwiin a zo; ’ka kɛlɛ gɔné nya yé ’ka guli dan!