2 Samuɛl 1:14 - Kazambale lé Sebe Sauunu 1979

¹⁴ David lé a lɛ léé: Mɛmalé i ’ka kana lɛ i bɛ nwale ma Gakelebale lé nyɔnɔzénnwiinzan ma lo, yé bé gyɛɛ?

2 Samuɛl 1:14 ပူးပေါင်းရင်းမြစ်များ

Lɛrɛvɔ Sɛbɛ 105:15

Yé é léé: Té ka bɛ mane munu lé an nyɔnɔ zén wo nwiin, wo ma lo, Té ka wenaané bɔ anlé balelayemunu ma lo.

Jérémi Lé Wuvɔ Sɛbɛ 4:20

Mi lé Gakelebale nyɔnɔ zén a nwiin, a pli zi lé ko voo é yuɛma, É vɔ wolé séli gi, Mi lé alé we ma lé ko fé léé: Ko voo é yuɛma a furɔ wuo bɛnnu méléna, yee lé.

Mi Nɔnɔle 12:8

Ko valé yee éé we fé ko ke lɛ kpaklaa, ’té we yɔɔle ’ka a gi lo, yé maa, Gakelebale a fɛan zo, éé a yé. Mɛmalé ka ’ka kanaan we fele ma an wuozan Moizi ma loo?

2 Piɛri 2:10

Wonu lé, we tiridɔle lɔrɔ ke wo ma, amalé woo tawoo ’wo dɔbɛ kyɛn lé sɔlɛwe yɛrama bɛ, ’té woo sɔn vɔa mi plale wo nwiin ma bɛ, wozé é dan mini lɛ. Munu ’ko a yuɛmaplɛplɛzannu valé boblɛnzannu nya, yé wo ’ka kanaan laifuanu sɔnɔle ma lo,

1 Samuɛl 10:1

Samuɛl nyɔnɔ kuoné si yé é a zén Saul nwiin. É pwɛpwɛ vɔ a ma yé é léé: Gakelebale ’ka nyɔnɔ zén lɛ i nwiin i plale alé munu nwiin we ma loo?

1 Samuɛl 12:3

Maa lo. ’Maa an ma we fe Gakelebale valé alé nyɔnɔzénnwiinzan yara. Maa mi kyɛn lé dirigɔné sii? Maa mi kyɛn lé sokofale sii? Maa nyané pa mi kyɛn ta, yé maa we tɔntɔn kɛlɛ mi kyɛn lɛɛ? Maa blɛfɛ si mi kyɛn lee, an dɔle a zuo we gii? Maa dan a lɛgi nɔ lɛ.

1 Samuɛl 24:11

Bé ye ibo yuɛ nya sin léé, Gakelebale i pa an lee kyɔ gɔmaguru gi. Wo an tunu léé, maa i gyɛ; naa, maa i vo yé maa léé, anzan a Gakelebale lé nyɔnɔzénnwiinzan nya, amalé an ’ka dan an bɛ mané lɛ a ma lo.

1 Samuɛl 24:6

’Bɛ zuo a gibɔrɔle we dɔ a nwiin Saul lé sɔ lɔlu bɔile we ma.

1 Samuɛl 24:7

Yé é lé élé munu lɛ léé: Té Gakelebale a nyi si léé, maa an bɛ mané anzan, Gakelebale lé nyɔnɔzénnwiinzan ma lo; é a Gakelebale lé nyɔnɔzénnwiinzan nya, azama.

1 Samuɛl 26:11

Gakelebale tɔ nya, an bɛ nwale Gakelebale lé nyɔnɔzénnwiinzan ma, ’bɛ a an ma baa. Din lé ke a ’wuoplalafɛ sɔnɔ, é valé ’yi kuo, ’i ’bɛ sia ’wo go.

1 Samuɛl 26:9

Naa, David lé Abisai lɛ léé: Té bé gyɛ lo. Mi kyɛn ɛ bɔa é bɛ manele lɛ Gakelebale lé nyɔnɔzénnwiinzan ma yé ’bɛzan é vo é plaa?

1 Samuɛl 31:4

Yé Saul lé élé gulidanfɛnu kɔné sizan lɛ léé: ’Ilé gwɔun si é kɔlɛ gi yé ’i an fɔn a nya, dé ganedɔlomunu ’ko é da maa fɔn yé wo we nana an ma. Kana zén alé gulidanfɛnu kɔnésizan gi yé é ’ka a nyi si lɛ lo. Yé Saul élé gwɔun si yé ébo vɔ a ’léé.