2 Piɛri 3:9 - Kazambale lé Sebe Sauunu 1979

⁹ Blivolɛdére lé Mizambale a fe léé, é dan a kɛlɛ lɛ, é ’ka mɔn‐o a kɛlɛle lɛsɔɔle nya bélé fɛan zo lé é dɔ mi kenu gi, a zo lo, naa, a bli a tiéé ka ma yé é ’ka sɔ lɛ a lɛ léé, mi do kpen é zamaga wo lo, naa, é sɔ a lɛ léé, munu faa ’wo bli nɔla.

2 Piɛri 3:9 ပူးပေါင်းရင်းမြစ်များ

Lɛrɛvɔ Sɛbɛ 77:8

Mizan é dan sɔn vɔ lɛ mi ma yifaamaa? É ’ka dan wezin kɛlɛ lɛ é dɛrɛ loo?

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Fwile 18:23

’I ’bɛ kɛlɛ, yé dé Kazambale we do fe i lɛ yé i bɛ ’é sɔ ’bɛ kɛlɛle nya yé munu ’ko é dan bɔ lɛ ’wo gona gi nanale nya.

Fwile 32:32

Sin, ’i wo ma we vo. Dé ’bɛ kaan lo, ’i an tɔ fwi ilé sɛbɛ lé bé gyɛ, a gi.

Fwile 33:11

Gakelebale éé we fé Moizi lɛ ’é yara, mi éé we fé é béé lɛ fɛan zo, a zo. ’Bɛ zuo Moizi éé dan sɔkɔn dɔna é ziin; naa, a wuozan, mi boroné Nɛn be Jozué, é ’ka sié sɔkɔn gi lo.

Fwile 34:6

Yé Gakelebale gié a ’lɛ yé Gakelebale siaa léé: Gakelebale, Gakelebale, é a mimawe vo Bale valé nyanaizénmila Bale nya; éé we lɛbɛn‐é faa yé a bli é fli, yé zin valé yarapalale a a lee kiɛre.

Bale Lé We Gifezan 8:11

Wo ’ka we lɛdɔa mi gi é kele élé wenyané ma lo, amalé blami bli bɔ wenaané saa kɛlɛle ma.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 46:13

Anlé wetegele kɛlɛle a biéna, é ’ka baa lo. Anlé mi sile we gi ’ka dan mɔn lɛ lo. Maa dan Siɔn munu si lɛ we gi, Yé maa dan anlé fuasan zén lɛ Izraɛl ta.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Daniɛl 4:29

A moné vu ta fiézan giéle zuo, é ke aan wo dɔwona élé fuakɔn gi Babilɔn tɛrɛ la,

Abaku 2:3

Naa, é a balelawe lé a lɛsɔɔbléyi ke é dɔle é kyɛn, a nya; é a bɔna a ’wuoplana sɔnɔ, yé é ’ka dan vié wo lɛ lo. Dé é a mɔnna, bé tabɛn, naa, a lɛ é dan sɔɔ lɛ weboen nya.

Rom munu 13:11

Wean ma lé we ’ko ke blɛn, yee lé é ke ’ko: bléyi lé ko ke a gi ’ko, ka ’ka ’bɛ gi dɔɔa loo? Ka vuobléyi bɔ yi bla, naa, sin kaa sile we gi bɔ é pu é mini kaa bli kɛlɛ a lɛ bléyian va, ’bɛ lɛ.

Rom munu 13:12

Béli tanna mɔn, é vo sɛ yé tu é kini. Bɛwemalé ’ka daan gunuti va we kɛlɛle ma, yé ’ka yiéyi lé gulidanfɛnu sia.

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

Rom munu 9:22

Yé dé é sɔ Kazambale lɛ léé, élé bliflile valé élé plɛplɛ nagɔɔn, yé bliflimabɔnu lé é wo dɔ wo sɛrɛle we gi bɛ, dé é ’wuo dɔ wo wuo bli tiéé baba nya, a leewe kaan loo?

1 Timoté 1:16

Naa, yee we ’ko ma lé Bale nyanai zén an ta, léé, Jézu Krist élé bli tiéé nagɔɔn an ta, léé, munu lé wo dan wo bli vo lɛ Jézu lɛ, ’wo vo é yuɛma lɛɛfaama a glɛ ’ka lo, yé ’an kɛlɛ wolé wekɛlɛmazan nya.

1 Timoté 2:4

naa, é sɔ Bale lɛ léé, mi faa é si we gi, yé wo webozen dɔɔ.

Ébrunu 10:37

Naa, é ’ka vo lɛ yi kiɛre nya lo, é vo kiiéné yé mi lé é a lé é da, é dan da lɛ; a dale ’ka dan mɔn lɛ lo.

1 Piɛri 3:20

Lélinu ’ko, wa é vinin tɔnégiplɛplɛzannu nya, bléyian va lé Kazambale é bli kɛlɛ tiéé munu ma, Noé lé ’yitagoro kɛlɛbléyi va. Mi sɛ lé ’yi wo béli, wa ’yitagoro gi mi sɔraa.

2 Piɛri 1:4

Alé fuasan valé alé wezin ma lé Bale blivolɛdére wezannu blɛɛn fe kaa lɛ, yé wo yele ma lé we vɔnle lé é ke tɛrɛ la, blibɔle fɛnu ma we ma, yé ka bɔ sole lɛ ’bɛnu lee yé Bale dɔbɛ é vɔ ka lee.

2 Piɛri 3:15

É a lé ka gi dɔɔ léé, Kaazan lé bli tiéé we ma lé ka dan béli lɛ, bélé fɛan zo lé kaa bwe Pɔl lé é sɔ kaa lɛ, é a gyɛ ka lɛ sɛbɛ gi, wedɔɔle lé Bale a nɔ a lɛ, a yɛrama bɛ, a zo.

Wegɔɔnle 2:21

An bléyi ke nɔ a lɛ, a bli nɔlale we ma, yé é ’ka a va léé, é daan élé pɛnpɛnnégyɛle ma lo.