2 Piɛri 3:7 - Kazambale lé Sebe Sauunu 1979

⁷ yee dére duo nya lé lanu valé tɛrɛ lé é ke ana lao, Bale é yuɛ pa wo va yé é wo tadɔ wo kyɛblele we ma, yian nya lé Bale é dan munu lé we ble lɛ yé é Bale lé zi ma wenyané fezannu guru zana a gi, a yi nya. Wo gi san we ’konu ma wobo yuɛ va.

2 Piɛri 3:7 ပူးပေါင်းရင်းမြစ်များ

Lɛrɛvɔ Sɛbɛ 102:26

Bii ɛ tɛrɛ kɛlɛ é kyɛn, Yé lagi a i bɛ panyanama nya.

Lɛrɛvɔ Sɛbɛ 50:3

Kolé Bale a dana, é ’ka voo é tadɔle lo; Kyɛ a blena a ’lɛ, Lɛɛdafu plɛplɛ a zi lɛ sɔɔan.

Ézai 51:6

’Ka yuɛ vɔ la gi, ’ka tɛrɛ va gini. Naa, lanu ta é dan saan lɛ bélé kyɛgoi zo, Tɛrɛ é dan dia lɛ é kuru nya bélé sɔ zo, A tamunu é dan zamaga wo lɛ bélé nyɔnɔtoro zo; Naa, anlé mi sile we gi é dan vo lɛ ana lɛɛfaama, Yé anlé wetegele nyaana ’ka lo.

Ézai 66:15

Ka yua, Gakelebale a dana kyɛ gi; alé goro a bélé barikoko zo; alé bliflile a bélé kyɛnyɛ zo; alé bon‐ɛnle?-?nu a bélé kyɛnɛnɛ zo.

Daniɛl 7:9

Maa a naginina bléyian va, ’té woo webleblinnu dɔraan. Yé mi kwa lé ke yinu ’lɛ, é nyana. Alé sɔ a fu tata bélé tɔrɛ zo. A nwiin nwinnu a bélé ’blakyɛɛ zima zo. Alé webleblin a bélé kyɛnɛnɛnu zo, yé alé webleblin ganenu a bélé kyɛnyɛ zo.

Sofoni 3:8

Gakelebale léma: Yian nya lé maa dan nwa lɛ gulizarafɛ sile we ma bɛ, ’ka an lɛbɛn ’bɛ yi nya. Naa, é dɔ an gi léé, maa bɛngɔnɔnu zén ékeva, yé tɛrɛnu lé munu ke é plale wo nwiin, maa dan wo zén lɛ ékeva, an wɛwɛ dɔle wo ma we gi, an bli flile baba wo ma we gi. Naa, maa dan tɛrɛ faa kyɛ ble lɛ anlé maawole nya.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Matio 10:15

Webleyi nya, fla ’ko zé kleblele é dan mini lɛ Sɔdɔm valé Gɔmɔɔ zé ta. Maa fe ka lɛ.

Matio 11:22

Bɛwemalé webleyi nya, kazé kleblele é dan mini lɛ Tii valé Sidɔn zé ta. Maa fe ka lɛ.

Matio 11:24

Bɛwemalé, webleyinya, kazé kleblele é dan mini lɛ Sɔdɔm zé ta; maa fe ka lɛ.

Matio 12:36

Maa lé ka lɛ léé, boawe faa lé munu a fé, wo dan a zuo fe lɛ webleyi nya.

Matio 24:35

La valé tɛrɛ é dan gié lɛ, naa, an dérenu ’ka dan gié lɛ monomono lo.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Maak 6:11

Dé fɛdona munu ’ka ka si lɛ bɛn nya lo, yé wo ’ka ’wo tɔné dɔ lɛ ka lɛ lo, ’ka si ’bɛna, yé ’ka wo ma we fe wolé fla vungoi puole nya ka gane ma.

WENÉNÉ LE JAN A GYE (Évangile selon Jean) 12:48

Mi lé éé sɔn vɔa an ma, yé é ’ka tawoo an dérenu ta lo, alé weblezan ana; dérenu lé maa wo fe, wo ta lé Bale é dan alé we ble lɛ yi voéla nya.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

1 Korent munu 3:13

Wo dan nyanamanu nagini lɛ kyɛ nya; munu faa do do lé nyanama a fɛan zo, kyɛ é dan a gi dan lɛ. Bɛwemalé webleyi nya munu lé nyanama gi é dan bɔra lɛ.

Filip munu 1:28

’té di ’ka kinié ka gi ka nyanézannu lé we ma monomono lo. We ’ko, Bale a nɔ tɔmase nya ka nyanézannu lɛ léé, wa é sanle; naa, é a tɔmase nya léé, ka a é sile we gi.

2 Tɛsalɔnik munu 2:3

Dé mian é dabli gɔnɔ faa kɛlɛoo, té ka dɔ ’bɛzan lɛ lo. É a lé midiérabléyi é bɔ é vinin, yé mi ple lé é ke é sanle bɛ, é a lé wa ye bɔrana.

1 Timoté 6:9

Munu lé wo bli éé bɔa fuablele ma, wo dan wo gi dan lɛ, yé wo dan vɔ lɛ mikunsan ’léé, yé wo bli é dan bɔ lɛ ’wuosɛrɛwe kiɛre kiɛre valé misɛrɛ?-?we kiɛre kiɛre lé woo mi sɛra tata ’té woo goo mi nya mi sanlenu gona, wo ma.

Ébrunu 12:29

Naa, kaalé Bale a é ziin kyɛ lé éé fɛ faa blé, a nya.

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?

2 Piɛri 3:10

Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

2 Piɛri 3:12

’Ka Kazambale lé yi bɔle lɛbɛn yé ’ka we kɛla fɛan zo yé a yi é bɔ é kele, ’ka kɛlɛ. Yi ’ko lé we ma lé la kyɛ é dan bi lɛ yé a ’yi é dan bo lɛ yé fɛnu faa lé Bale a kɛlɛ é wɔlɛnu nya, wo dan sele lɛ.

1 Jan 4:17

Fɛan zo lé Jézu ke, a zo lé kaa ke é ziin tɛrɛ la. We ’ko ma lé sɔlɛle boen ke kaa gi, kaa bli ta dɔle plɛplɛ webleyi nya we gi.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

Wegɔɔnle 17:11

Wi lé é ke é kyɛn, ’té é ’ka ana é dɛrɛ lo bɛ, yeebozen a minwiinzan sɔraazan nya, yé é a minwiinzan sɔrafié vazan do nya, yé é a gona mi sanlenu gona.

Wegɔɔnle 17:8

Wi lé bé ye, é ana é kyɛn yé é ’ka ana é dɛrɛ lo. É a lé, ’é si guru lé a wɔlɛ ma nyaana ’ka lo, a gi, yé ’é go mi sanlenu gona. Yé tɛrɛlamunu lé wo ’ka wo tɔ gyɛ lɛ mi bélilenu tɔgyɛlasɛbɛ gi tɛrɛ pélisia bléyi va lo, wo gi é dan vuru lɛ wi ’ko yele ma; naa, é a é kyɛn, yé é ’ka ana é dɛrɛ lo, yé é dan bɔra lɛ é ziin, ’bɛzama.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 21:1

A zuo maa la dɛrɛ valé tɛrɛ dɛrɛ ye, naa, la vinin valé tɛrɛ vinin san, yé wɛyi ’ka ana é dɛrɛ lo.