2 Piɛri 3:16 - Kazambale lé Sebe Sauunu 1979

¹⁶ A zo lé é a kɛlɛ élé sɛbɛnu faa lé é we ’konu gyɛ wo ta, wo gi; alé sɛbɛnu gi ’male a tɔntɔn, yé tanyila munu lé wo ’ka é dɔle gligli lo, wa gi fele plin‐an bélé fɛan zo lé wa kɛla Kazambale lé sɛbɛ bɛnu lɛ, a zo, naa, we ’ko ma lé wo ’wobozen san.

2 Piɛri 3:16 ပူးပေါင်းရင်းမြစ်များ

Wepélisiananu 49:4

Naa, bii a yuɛgiblanzan nya bélé wɛyi zo; i ’ka dan kɛlɛ lɛ mi vininzan nya lo. Naa, i vɔ i ti lé yialafɛ ta, Iin, i vɔ anlé yialafɛ ta, yé bé tiri dɔ, azama.

1 Minwiinzannu 10:1

Tɔ lé Salomɔn a ye Gakelebale tɔ kɛlɛle blɛn we gi, Séba munu nwiin le a tawe ’ma aan wo, é da Salomɔn gi dan lɛ tɔraléé gyɛle nya.

Lɛrɛvɔ Sɛbɛ 56:5

An dan anbo tɔ bɔ lɛ Bale gi, a dére lé we ma; An paan Bale ta; maa ’ka kanaan fɛ do lee lo. Munu é bɔa mɛ we kɛlɛle lɛ an lɛɛ?

Fwile 23:2

Té i go mi kiɛre zuo wenyané kɛlɛle we gi lo; dé i a wenayezan nya weblena, té i péli vɔ mi kiɛre va we tegele gi sɛrɛle we ma lo.

Fwile 23:6

Dé wa nyanégyɛzan lé we blena, té i izé fe we tegele gi sɛrɛle we ma lo.

Jérémi 23:36

Naa, té ka fe é dɛrɛ léé, Gakelebale lé wevɔmilɛdére, lo. Naa, dé mian é a fe a zo, Bale é dan we gɔɔn lɛ ’bɛzan lɛ. Ka Bale yuɛmale, lai sunyanu lé Gakelebale, kolé Bale dére plɛn‐an.

Abaku 1:4

Yé é ziin, bélidɔwe ’lɛ ’ka lo, yé plɛplɛ ’ka we tegele lee lo; naa, mi nyané éé mi tegele keleé, yé woo wenu blé é ple nya.

Matio 15:3

É a zi pa wo lɛ léé: Yé ’kaa, mɛmalé ka Kazambale lé bélidɔwe lɛgaanma kalé gɔnɔlawe kɛlɛle nyaa?

Matio 15:6

Amalé ka Kazambale dére kɛlɛ we pla nya gɔnɔlawe lé ka dɔ bɛ, alé we ma.

Matio 22:29

Jézu lé wo lɛ léé: Ka ’ka Kazambale lé sɛbɛnu dɔɔa lo, yé ka ’ka Kazambale lé plɛplɛ dɔɔa lo, amalé ka saan.

Bélidɔwesɛbɛ Fiézan 16:19

Té ka we tegele bɛ gi plɛn lo; té ka dɔ mi zuo é leefɛ ma lo, té ka fɛ si munu lee weblele we gi lo, naa, éé wedɔɔmunu yuɛ ’wiié yé éé mi tegelenu dére sɛra.

Filip munu 3:19

Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan.

Ébrunu 5:11

Wenu lé maa a a va léé, maa fe ka lɛ we ’ko ma, wa di, naa, ka tɔné gi kɛlɛ yuyu amalé wo gi fele ka lɛ a tɔntɔn.

SEBE LÉ JAK A GYE (Épitre de Jacques) 1:8

é a bli fiézan nya, yé a yuɛgi éé blaan we faa gi, azama.

1 Piɛri 1:1

’Kaanu lé ka ke é kinile ékema yé ka kɛlɛ bɛnnu nya, Pɔnt tɛrɛ la koo, Galasi tɛrɛ la koo, Kapadose tɛrɛ la koo, Azi tɛrɛ la koo, Bitini tɛrɛ la koo, wona bɛ, an we ka va. Maa Piɛri lé an ke Jézu Krist lé nwunvɔzan nya, maa ɛ ke sɛbɛ ’ko gyɛna ka lɛ.

1 Piɛri 2:8

Misaangɔlɛ nya, Midiéragɔlɛ nya. Munu lé wo ’ka ’wo bli vo lɛ Jézu lɛ lo, Jézu kɛlɛ yee gɔlɛ nya wo lɛ. Wo ’ka dɔ lɛ Bale dére ta lo, amalé misaangɔlɛ ’ko, é wo saan. Kazambale a kɛlɛ é kyɛn, amalé é kɛlɛ a zo.

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

2 Piɛri 2:14

Wo yuɛ éé bɔa le faa ma; yé wenyané ’ka wo kaan lo; munu lé wo ’ka é dɔle gligli lo, wo ’bɛnu sian ana; bli bɔle gɔɔli ma baba wo bli kun; wa balepamazannu nya.

2 Piɛri 3:14

Bɛwemalé, an blibɔmazannu, bléyian va lé ka ke we ’konu lɛbɛnna, ’ka yara pa kabo ma’lɛrɛle ta léé, a yi ’é bɔ ka ma drɔɔ, ’té ka tiri ’ka lo, ’té ka nwiin a é pla.

2 Piɛri 3:2

Maa a a va léé, wenu lé balelayemunu sauun a fale vɔ ka lɛ, a sele ’é vo ka gi, yé é ziin, Mizan lé é ke mi Bélizan nya, bélidɔwe lé é a nɔ ka lɛ élé nwunvɔmunu lɔlu nya, yé ’bɛ sele ’é vo ka gi.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.