2 Piɛri 3:15 - Kazambale lé Sebe Sauunu 1979

¹⁵ É a lé ka gi dɔɔ léé, Kaazan lé bli tiéé we ma lé ka dan béli lɛ, bélé fɛan zo lé kaa bwe Pɔl lé é sɔ kaa lɛ, é a gyɛ ka lɛ sɛbɛ gi, wedɔɔle lé Bale a nɔ a lɛ, a yɛrama bɛ, a zo.

2 Piɛri 3:15 ပူးပေါင်းရင်းမြစ်များ

1 Minwiinzannu 3:12

bé ye, maa dan we kɛlɛ lɛ i dére yɛrama. Maa dan wedɔɔbli valé gikinibli nɔ lɛ i lɛ fɛan zo, i bɔmazan ’ka tan kɛlɛ lɛ lo, yé wo ’ka dan i bɔmazan ye lɛ monomono lo.

1 Minwiinzannu 3:28

Minwiinzan we ’ko yuɛ gi bo fɛan zo, Izraɛlnu faa a ’ma. Yé wa ye léé, Bale lé wedɔɔle a a gi, yé é zi gɔɔn a lɛ alé weblele gi, amalé woo kanaan minwiinzan blɛn lee.

1 Minwiinzannu 4:29

Wedɔɔle koo, ’wuo zin baba koo, we gɔ do do dɔɔle kiɛre bélé wɛyi gɔɔn ma nyéné zo koo, Bale wo nɔ a lɛ.

Ezidras 7:25

Yé bii, Ezidras, ’i weblezannu valé wewuodɔzannu dɔ, wedɔɔle lé Bale a nɔ i lɛ, a yɛrama, yé munu faa lé wo ke yuu zi, ’wo wolé wenu ble, munu faa lé wo ilé Bale lé bélidɔwenu dɔɔ, wo lé; yé munu lé wo ’ka wo dɔɔa lo, bé paa wo gi.

Fwile 31:3

Maa a fan Kazambale Léli koo, gi kinile koo, ’wuoatawe koo, wedɔɔle koo, wo nya, nyanama gɔnɔ faa pale we ma.

Fwile 31:6

Yé maa Dan bɛngizan Aisamak be Ooliab nɔ a lɛ a bɔlu do nya. Maa blabozannu faa fan ’wuoatawe nya, fɛnu faa lé maa i bélidɔ, wolé a kɛlɛle we ma,

Fwile 35:31

Bale Léli koo, gi kinile koo, ’wuoatawe koo, nyanama gɔnɔ faa dɔɔle koo, é a fan a nya.

Fwile 35:35

Yili nyaale gɔnɔ faa koo, foto dɔle valé fɛ nyɔɔ gyɛle koo, sɔnu lé wo yuɛɛ ke glayivayou valé galunaa valé sɔɔn, wo valé lɛnsɔ zima, wo tanle valé wo ta pɛɛ gyɛle koo, nyanama gɔnɔ faa pale valé fɛ dɛrɛ gɔnɔ faa kɛlɛle koo, Bale wo fan alé ’wuoatawe nya wo faa kɛlɛle we gi.

Bale Lé We Gifezan 2:26

Naa, mi lé é sɔ Bale lɛ, a lɛ lé, éé wedɔɔle koo, gikinile koo, ginanale koo, wo no; naa, éé a kɛla léé, wenyanékɛlɛzan é fɛ ye, ’té éé a tééan, a nɔle munu lé wo sɔ Kazambale lɛ wo lɛ we gi. ’Bɛ é ziin, ’bɛ a boawe valé fuzuobinwe nya.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

Kelewenu 15:25

Ko dére pa do yé é sɔ ko lɛ léé, ko mi kenu si ko va yé ko wo pa ko blibɔmamunu Banabas valé Pɔl va yé wo go ka va.

Kelewenu 7:10

Naa, Kazambale kɛlɛ a va, yé ’bɛ a si élé kleblelenu faa gi. ’Bɛ wedɔɔle nɔ a lɛ, yé ’bɛ a kɛlɛ mi zin nya Éjipitinu nwiinzan blɛn Faraɔn yuɛ gi yé Faraɔn a kɛlɛ élé kɔnzan valé Éjipiti tɛrɛ la gbɔrɔnama nya.

Kelewenu 9:17

Ananias go. É bɔ aan wo kɔn gi é bɛnu pla Sɔl ta yé é léé: An bwe Sɔl, Mizan Jézu lé é bɔra i va ’té i a zia, yee ɛ an pa zia ilé fɛna yele é ziin valé Léli Sauun vɔle i ta we gi.

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

1 Korent munu 12:8

Kazambale Léli éé wedɔɔdére no mi do lɛ, yé éé gikinidére no mi do lɛ Kazambale Léli duo nya,

1 Korent munu 2:13

Ko ’ka a fé tɛrɛlamunu lé wedɔɔdérenu nya lo; naa, dérenu lé Kazambale Léli a paan ko gi, wo nya lé ko fé, ’té ko léliwenu gi fé lélimunu lɛ.

1 Korent munu 3:10

Kazambale lé zin lé é a kɛlɛ an lɛ, a nya lé maa kɔngane vɔ bélé kɔn ninikinizan lé é we dɔɔ, a zo; ’té mi bɛ éé kɔn dɔa a ta. Ka faa do do, ’ka yuɛ pa kabozen va a dɔle a ta lé we ma.

Éfez munu 3:3

Weyɔɔle lé maa alé we gyɛ ka lɛ dére sɛ nya ’ko, Bale bozen ɛ pa an ta amalé maa a dɔɔ.

1 Timoté 1:16

Naa, yee we ’ko ma lé Bale nyanai zén an ta, léé, Jézu Krist élé bli tiéé nagɔɔn an ta, léé, munu lé wo dan wo bli vo lɛ Jézu lɛ, ’wo vo é yuɛma lɛɛfaama a glɛ ’ka lo, yé ’an kɛlɛ wolé wekɛlɛmazan nya.

SEBE LÉ JAK A GYE (Épitre de Jacques) 1:5

Dé ka va mi do ’ka we dɔɔa lo, é a lé ’é a laa Kazambale lee yé é dan a nɔ lɛ a lɛ. Kazambale éé fɛ no mi faa lɛ é pla é bli drɔɔ nya.

SEBE LÉ JAK A GYE (Épitre de Jacques) 3:17

Wedɔɔle lé éé sié la gi, é a é vinin sauun, ’bɛ zuo é a drɔɔ, é ébo kunwoo, éé mi bli dɔralaan, a nyanai éé zén‐é é baba, a ma tɔnɔ a di, é ’ka glɛ dɔa mi gi lo, é ’ka ébo drɔan lo.

1 Piɛri 3:20

Lélinu ’ko, wa é vinin tɔnégiplɛplɛzannu nya, bléyian va lé Kazambale é bli kɛlɛ tiéé munu ma, Noé lé ’yitagoro kɛlɛbléyi va. Mi sɛ lé ’yi wo béli, wa ’yitagoro gi mi sɔraa.

2 Piɛri 3:2

Maa a a va léé, wenu lé balelayemunu sauun a fale vɔ ka lɛ, a sele ’é vo ka gi, yé é ziin, Mizan lé é ke mi Bélizan nya, bélidɔwe lé é a nɔ ka lɛ élé nwunvɔmunu lɔlu nya, yé ’bɛ sele ’é vo ka gi.

2 Piɛri 3:9

Blivolɛdére lé Mizambale a fe léé, é dan a kɛlɛ lɛ, é ’ka mɔn‐o a kɛlɛle lɛsɔɔle nya bélé fɛan zo lé é dɔ mi kenu gi, a zo lo, naa, a bli a tiéé ka ma yé é ’ka sɔ lɛ a lɛ léé, mi do kpen é zamaga wo lo, naa, é sɔ a lɛ léé, munu faa ’wo bli nɔla.