2 Piɛri 3:14 - Kazambale lé Sebe Sauunu 1979

¹⁴ Bɛwemalé, an blibɔmazannu, bléyian va lé ka ke we ’konu lɛbɛnna, ’ka yara pa kabo ma’lɛrɛle ta léé, a yi ’é bɔ ka ma drɔɔ, ’té ka tiri ’ka lo, ’té ka nwiin a é pla.

2 Piɛri 3:14 ပူးပေါင်းရင်းမြစ်များ

Matio 24:26

Bɛwemalé dé wa fe ka lɛ léé: Bé ye, é a bwi gi, té ka go ’bɛna lo; dé wa fe léé: Bé ye, é a kɔnmi zi, té ka bli é vo ’bɛ lɛ lo.

Matio 25:7

Blɛn ’konu faa vuo yé wo ’wolé fintrannu ma’lɛrɛ.

WENÉNÉ LÉ LUK A GYE (Évangile selon Luc) 12:43

Mi leezan lé azan bɔ a ma we ’ko zo kɛlɛna, azé é dan kɛlɛ lɛ é zima.

WENÉNÉ LÉ LUK A GYE (Évangile selon Luc) 2:29

Anzan, ’i daan maa i wuozan ma sin, yé ’an go drɔɔ, dére lé bé fe an lɛ, a yɛrama.

1 Korent munu 1:8

Yé é dan ka dɔ lɛ gligli fɔɔ yé ka bɔ a ’wuoplana, té gun é kɛlɛ ka ma Kaazan Jézu Krist dayi nya lo we ma.

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

Filip munu 1:10

léé, ’ka we va sile dɔɔ. A zo lé dé Krist lé yi bɔ ka dan kɛlɛ lɛ sauun valé wéiin,

Filip munu 2:15

ka kɛlɛle wéiin valé sauun we ma, ’té woo ka yé Kazambale lé nénu lé, gun ’ka wo ma lo, wo nya, bléyi ’ko vamunu naané vɔnle méléna, ’té ka bié tɛrɛ la gunutinu va bélé sonakyɛ zo, ’té ka mibélidére fé munu lɛ.

Filip munu 3:20

Naa, kaazé fla a la gi loru, fɛana lé Mizan Jézu Krist é dan si lɛ, ana. Yé kaa a Jézu dale lɛbɛnna, kaa Siéwegizan nya.

1 Tɛsalɔnik munu 3:13

’É ka bli ta dɔ plɛplɛ, yé Jézu valé élé munu dabléyi va yé ka kɛlɛ sauun kaa Ti Bale ’lɛ, ’té gun ’ka ka ma lo.

1 Tɛsalɔnik munu 5:23

Mi vo drɔɔ Bale bozen ’é ka kɛlɛle sauun lɛ sɔɔ; ka léli koo, kabozen koo, ka kɔlɛ koo, wo faa ’é vo é tadɔle, ’té gun ’ka a ma lo fɔɔ yé Kaazan Jézu Krist dayi é bɔ.

1 Timoté 6:14

’i tawo Bale lé bélidɔwe ta tegele, té a do kpen é vuru i ma lo, yé ’i kɛlɛ a gi wéiin fɔɔ yé Kaazan Jézu Krist é da.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

2 Piɛri 3:1

’Kaa lé ka sɔ an lɛ, sɛbɛ fiézan lé maa a pa ka lɛ zia, yee lo. Wo fiénu gi, we lé ka gi dɔɔ, maa a a sele dɔna ka gi, ka vuole we gi yé ka ka gibɔrɔmawe dɔɔ.

2 Piɛri 3:16

A zo lé é a kɛlɛ élé sɛbɛnu faa lé é we ’konu gyɛ wo ta, wo gi; alé sɛbɛnu gi ’male a tɔntɔn, yé tanyila munu lé wo ’ka é dɔle gligli lo, wa gi fele plin‐an bélé fɛan zo lé wa kɛla Kazambale lé sɛbɛ bɛnu lɛ, a zo, naa, we ’ko ma lé wo ’wobozen san.

1 Jan 3:3

Yé dé miomian a bli ke Jézu dale lɛ, ’bɛzan é ébozen kɛla sauun, bélé fɛan zo lé Jézu ke sauun, a zo.