2 Piɛri 3:11 - Kazambale lé Sebe Sauunu 1979

¹¹ Fɛ ’konu ’yi bole lé we ma, é ’ka lé ka kɛlɛ sauun valé Bale lé zisɔlɛmunu nya ka giébɛ gi loo?

2 Piɛri 3:11 ပူးပေါင်းရင်းမြစ်များ

Lɛrɛvɔ Sɛbɛ 37:14

Mi nyanénu éé gwɔun soo a gi, Woo sa ganaan yé a yili éé plin‐an, Wa kɛla wenaanébɔmazan valé nyanégyɛzan gyɛle za ma, ’É valé munu lé wo ke zi drɔle ta, wo bɔrɔ bole we ma.

Lɛrɛvɔ Sɛbɛ 50:23

Mian éé an baan an bɔvɔle nya, éé an tɔ zin bɔa, Yé mian éé yuɛ paan élé tawobɛ va, Fɛan zo lé Bale éé mi sié we gi, maa dan a gɔɔn lɛ a lɛ.

Lɛrɛvɔ Sɛbɛ 75:3

Bale léé: Yi lé maa a dɔ, dé a yi bɔ Maa dan we ble lɛ tegele.

Ézai 14:31

Duoli, ’i dunnu; fla, ’i gyɛ bo. Filisitinu lé tɛrɛ faa tere, i ma ’é nyɔɔn. Naa, kyɛgoi a nwana yirinwana bɛbolazia; i nyanézannu lé sunya balenu a é tunule ékema.

Ézai 24:19

Tɛrɛ faa; tɛrɛ ’wii; tɛrɛ vɔ dada;

Ézai 34:4

Lai sunyanu faa kini ékema; lanu plin bélé saa zo, yé wolé sunyanu faa dia bélé dɔrɔlaa zo, bélé bɔrɔyili laa zo.

Matio 8:27

Munu ’ko gi vuru yé wo léé: Mi kaa lé ke ’ko, yé funu valé wɛyi boen yé wa lɛdɔamaa?

Rom munu 13:11

Wean ma lé we ’ko ke blɛn, yee lé é ke ’ko: bléyi lé ko ke a gi ’ko, ka ’ka ’bɛ gi dɔɔa loo? Ka vuobléyi bɔ yi bla, naa, sin kaa sile we gi bɔ é pu é mini kaa bli kɛlɛ a lɛ bléyian va, ’bɛ lɛ.

Rom munu 13:12

Béli tanna mɔn, é vo sɛ yé tu é kini. Bɛwemalé ’ka daan gunuti va we kɛlɛle ma, yé ’ka yiéyi lé gulidanfɛnu sia.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

Filip munu 3:20

Naa, kaazé fla a la gi loru, fɛana lé Mizan Jézu Krist é dan si lɛ, ana. Yé kaa a Jézu dale lɛbɛnna, kaa Siéwegizan nya.

1 Tɛsalɔnik munu 1:5

Naa, kolé Wenéné lé ko a fe ka lɛ bɛ, ko ’ka a fe lɛ dére saa nya lo. Ko a fe ka lɛ plɛplɛ koo, Léli Sauun koo, bɔngikiniwe bozen koo, wo nya. Fɛan zo lé ko ke ka méléna, ka ’bɛ gi dɔɔ.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

1 Timoté 4:12

Té mi do kpen i ye kiéné i boroné we ma lo, naa, ’i kɛlɛ blipamunu lé wekɛlɛmazan nya dére koo, giébɛ koo, sɔlɛle koo, blipale koo, kɛlɛle sauun koo, wo gi.

1 Timoté 6:11

Naa, bii Kazambale lé mi, ’i vlan buru we ’konu lee, yé we tegele koo, Kazambale lé zi sɔlɛle koo, blipale koo, sɔlɛle koo, bli tiéé koo, bli drɔɔ koo, ’i kwa kuli léé, wo vɔ i bli gi.

1 Timoté 6:3

’I we ’konu paa munu gi yé ’i we pla wo lɛ. Dé mian éé we bɛ paan munu gi, yé Kaazan Jézu Krist dére zinnu valé wepaale lé é ke Kazambale lé zi yɛrama, é ’ka wo ta tawoo lo,

1 Timoté 6:6

Webozen nya, tawole Kazambale lé zi ta tɔnɔ a blɛn, ’té dé fɛ lé ke i lee, dé ’bɛ izé bɔa.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.

SEBE LÉ JAK A GYE (Épitre de Jacques) 1:24

É a gini, yé é go, yé kele tɔɔn a yara dɔbɛ ke fɛan zo, ’bɛ saan a gi.

SEBE LÉ JAK A GYE (Épitre de Jacques) 3:13

Ka va mi kyɛn ɛ ke wedɔɔzan valé gikinizan nyaa? É a lé é a nagɔɔn ’é giébɛ zin nya léé, ’é kɛlɛwenu éé sié wedɔɔle drɔɔ va.

1 Piɛri 1:15

Naa, mi lé é ka laa, é a sauun, amalé ka é ziin ’ka kɛlɛ sauun kalé tawobɛ faa gi,

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

2 Piɛri 1:3

Fɛnu faa lé wo bɔa kaa va kaalé tɛrɛla valé Bale lé zi ta tawole gi, Bale lé plɛplɛ ɛ wo nɔ kaa lɛ blɛ nya, yé yee Bale lé plɛplɛ lé we ma lé, mi lé é kaa laa ébo lé fua tɔbɔle valé élé wezin nya, yé kaa a dɔɔ.

2 Piɛri 1:6

yé ’kabo kunle pa wedɔɔle va, yé ’ka bli tiéé pa kabo kunle va, yé ’ka Bale lé zi sɔle ka lɛ pa bli tiéé va,

2 Piɛri 3:10

Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

2 Piɛri 3:12

’Ka Kazambale lé yi bɔle lɛbɛn yé ’ka we kɛla fɛan zo yé a yi é bɔ é kele, ’ka kɛlɛ. Yi ’ko lé we ma lé la kyɛ é dan bi lɛ yé a ’yi é dan bo lɛ yé fɛnu faa lé Bale a kɛlɛ é wɔlɛnu nya, wo dan sele lɛ.